ཀྲུང་གོ་བོད་ཀྱི་དྲ་བའི་འཕྲིན། 2018ལོ་ནས་བཟུང་། ཡུན་ནན་ཞིང་ཆེན་སེམས་ཀྱི་ཉི་ཟླ་གྲོང་ཁྱེར་གྱིས་ཞིང་ལས་ཐོན་རྫས་ཀྱི་སྤུས་ཚད་བདེ་འཇགས་ཡུན་རིང་གི་མཁྲེགས་གཏོར་ལས་འགན་ཞིག་ཏུ་བརྩིས་ཏེ་ཞིང་ལས་ཐོན་རྫས་ཀྱི་སྤུས་ཚད་བདེ་འཇགས་ལ་ལྟ་སྐུལ་དོ་དམ་བྱས་ནས་མི་དམངས་མང་ཚོགས་ཀྱི་“ལྕེ་ཐོག་གི་བདེ་འཇགས”འགན་ལེན་ཏན་ཏིག་བྱས།

   སེམས་ཀྱི་ཉི་ཟླ་གྲོང་ཁྱེར་ཞིང་ལས་ཐོན་རྫས་ཀྱི་སྤུས་ཚད་བདེ་འཇགས་ལ་གཙོ་བོ་“ཐོན་སྐྱེད”དང་“དོ་དམ”ཕྱོགས་གཉིས་སུ་དམ་འཛིན་རྒྱུན་འཁྱོངས་བྱས་ཏེ། ཞིང་ལས་ཐོན་རྫས་ཀྱི་སྤུས་ཚད་བདེ་འཇགས་ཀྱི་ལས་ཀའི་འགན་འཁྲི་ཁག་ལག་བསྟར་ཏན་ཏིག་བྱེད་པ་དང་། ཞིང་ལས་ཐོན་རྫས་ཀྱི་ཐོན་སྐྱེད་གཉེར་སྐྱོང་སྡེ་ཚན་གྱིས་སྤུས་ཚད་བདེ་འཇགས་བྱེད་ཐབས་ཇེ་དྲག་གཏོང་བ། ལྟ་སྐུལ་དོ་དམ་མིང་ཐོའི་ཐོ་འགོད་དང་ཡིད་རྟོན་ཡིག་ཚགས་འཛུགས་པ་ཁྱབ་སྤེལ་བྱེད་དགོས།  སྔོ་ཚལ་དང་བཟའ་བྱའི་ཤ་མོའི་རིགས་ཀྱི་གཙོ་བོའི་ཐོན་སྐྱེད་སྡེ་ཚན་（འདེབས་འཛུགས་དུད་ཆེན་དང་། ཁྱིམ་དུད་ཞིང་ར།  མཉམ་ལས་ཁང།  ཀུང་སི）གཙོ་གནད་དུ་བཟུང་སྟེ།  ཡུལ་དངོས་བརྟག་དཔྱད་བྱས་ནས100% ཡིས་ཞིང་ལས་ཐོན་རྫས་ཀྱི་སྤུས་ཚད་བདེ་འཇགས་ཐོན་སྐྱེད་ཀྱི་འགན་འཁྲིའི་ཡི་གེ་འཇོག་པ། ཞིང་ལས་ཐོན་རྫས་ཀྱི་སྤུས་ཚད་བདེ་འཇགས་ཐད་ཉེན་བརྡ་གཏོང་བའི་ལྟ་ཞིབ་ཏན་ཏིག་ངང་སྤེལ་ནས་ཐོན་སྐྱེད་ཀྱི་ཉེན་ཁ་འགོག་ཟོན་ནན་པོ་བྱེད་པ། ཞིང་ལས་ཐོན་རྫས་ཐོན་སྐྱེད་བྱེད་མཁན་སྡེ་ཚན་ཁག་གིས་རྒྱལ་ཁབ་ཀྱི་གཏན་འགོག་ཚོད་འཛིན་བྱས་པའི་ཞིང་སྨན་སྤྱོད་པ་དང་། ཞིང་སྨན་བདེ་འཇགས་བར་མཚམས་འཇོག་དུས་སོགས་ཀྱི་གཏན་འབེབས་ལག་བསྟར་ནན་པོ་བྱེད་པ་དང་། ངེས་པར་དུ་ཞིབ་བཤེར་ཚད་ལེན་ཚད་ལྡན་ཡིན་ཚེ། ད་གཟོད་ཚོང་རྭར་བཙོངས་ཆོག་པ། ཞིང་ལས་ཐོན་རྫས་ཀྱི་སྤུས་ཚད་བདེ་འཇགས་ཡོང་བའི་ལྟ་ཞིབ་ཚད་ལེན་གྱི་འཆར་གཞི་གཏན་འབེབས་ལག་བསྟར་བྱེད་པ།  ལྟ་ཞིབ་ཚད་ལེན་བྱེད་ཁོངས་གྲོང་ཁྱེར་ཡོངས་ཀྱི་ཞིང་ལས་ཐོན་རྫས་ཐོན་སྐྱེད་སྡེ་ཚན་དང་ཉོ་སྒྲུབ་གསོག་འདྲེན་ཁེ་ལས་སུ་ཁྱབ་ཡོད།

   ཤེས་རྟོགས་བྱུང་བར་གཞིགས་ན།  2018ལོར། གྲོང་ཁྱེར་ཡོངས་སུ་བསྡོམས་པས་སྔོ་ཚལ་དང་ཤིང་ཏོག2057འཐེན་བཤེར་བྱས་པ་དང་། དེའི་ཁྲོད་ཞིབ་བཤེར་ཚད་ལེན་གྱིས་ཚད་གཞི་ལོན་གྲངས2052དང་ལུགས་མཐུན་གྱི་ཚད99.76%ཡིན་པ་རེད། །