ཀྲུང་གོའི་བོད་ཀྱི་དྲ་བའི་འཕྲིན། “8.28”དང“8.31”ས་འགུལ་བྱུང་རྗེས།ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་བཟའ་བཅའ་སྨན་རྫས་ལྟ་སྐུལ་དོ་དམ་སྡེ་ཁག་གིས་དུས་ཐོག་ཏུ་ས་འགུལ་བྱུང་བའི་ས་ཁུལ་ལ་ཡོམ་འགོག་རྒུད་སྐྱོབ་ཀྱི་ལས་ཀ་སྒྲུབ་པ་དང་།ལས་དོན་མི་སྣ་བཀོད་སྒྲིག་བྱས་ནས་གནོད་ཐེབས་མང་ཚོགས་ཀྱི་བཀོད་སྒྲིག་ས་ཚུགས་སུ་བཅའ་སྲུང་བྱས་ཏེ།ལྟ་སྐུལ་སྐོར་གཟིགས་དང་ལེབ་བཤེར་བྱེད་ཤུགས་ཆེ་རུ་བཏང་བ་དང་།གནོད་ཐེབས་མང་ཚོགས་ཀྱི་གཅིག་བསྡུས་བཀོད་སྒྲིག་ས་ཚུགས་ཀྱི་བཟའ་བཏུང་མཁོ་འདོན་བྱེད་ས་དང་།སློབ་གྲྭའི་ཟ་ཁང་།བདག་གཉེར་རང་བཞིན་གྱི་བཟའ་བཏུང་ལས་ཁུངས་གཞན་གྱི་གཙང་སྦྲའི་ཆ་རྐྱེན་དང་སྒྲིག་བཀོད་ཚད་ལྡན་ཅན་དུ་བཏང་བ།བཟའ་བཏུང་ལས་མིའི་གཙང་སྦྲའི་འདུ་ཤེས་མཐོ་རུ་བཏང་བ།ཟས་ཀྱི་རྐྱེན་ལས་བྱུང་བའི་ནད་ཡམས་ཉུང་དུ་བཏང་བ་རེད།དུས་མཚུངས་སུ།གནོད་སྐྱོན་བྱུང་བའི་ས་ཁུལ་གྱི་བཟའ་བཅའ་དང་།སྨན་རྫས།སྨན་བཅོས་འཕྲུལ་ཆས་སོགས་རྒུད་སྐྱོབ་དངོས་རྫས་ལྟ་སྐུལ་དོ་དམ་ལ་ཤུགས་བསྣན་པ།ནན་ཏན་གྱིས་ཚད་དང་མི་མཐུན་པའི་སྨན་རྫས་ཀྱི་དང་སྨན་བཅོས་འཕྲུལ་ཆས་ས་འགུལ་བྱུང་བའི་ས་ཁུལ་དུ་འབྱོར་བར་འགོག་པ།ནུས་ཡོད་ཀྱིས་བཟའ་བཅའ་དང་སྨན་རྫས་ཀྱི་བདེ་འཇགས་ཀྱི་ལས་འཛོལ་བྱུང་བར་སྔོན་འགོག་བྱས་ནས།ས་འགུལ་བྱུང་བའི་ས་ཁུལ་གྱི་བཟའ་བཏུང་དང་སྨན་རྫས་ཀྱི་བདེ་འཇགས་ལ་ཁག་ཐེག་བྱས་ཡོད།
སྤྱི་ཟླ9པའི་ཚེས3ཉིན་གྱི་བར།བདེ་ཆེན་ཁུལ་བཟའ་བཅའ་སྨན་རྫས་ལྟ་སྐུལ་དོ་དམ་མ་ལག་གིས་བཟའ་བཏུང་ཞབས་འདེགས་དང་བཟའ་བཅའ་སྨན་རྫས་ཀྱི་ཁྲིམས་འཛིན་མི་སྣ་མི་ཐེངས་ཁྱོན་བསྡོམས50བཏང་བ་དང་།གཅིག་བསྡུས་ཀྱི་བདེ་འཇགས་བཀོད་སྒྲིག་ས་ཚུགས་ཁག36ལ་ཞིབ་བཤེར་ཁྲིད་སྟོན་བྱས་པ།སྟབས་བདེའི་དྲིལ་བསྒྲགས་མཚན་བྱང31འཇོག་ཡོད་པ་རེད།  །