ཀྲུང་གོའི་བོད་ཀྱི་དྲ་བའི་འཕྲིན།  ལས་བཟོ་བའི་སྨན་བཅོས་རོགས་རེས་བྱ་འགུལ་སྤེལ་བ་ནས་བཟུང་།  ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་གྱིས་ནད་གཞི་ཕོག་ཡོད་པའི་ལས་བཟོ་བ450ལ་སྨན་བཅོས་ཐད་ཀྱི་རོགས་རེས་ལག་དངུལ་སྒོར་ཁྲི345939འདོན་སྤྲོད་བྱས།

རྒྱུས་ལོན་བྱས་པ་ལྟར་ན།  བདེ་ཆེན་ཁུལ་གྱིས་སྤེལ་བའི་ཐེངས་དགུ་བའི་ལས་བཟོ་བའི་སྨན་བཅོས་རོགས་རེས་བྱ་འགུལ་སྟེང་བསྡོམས་པས་ལས་ཁུངས568ཡི་ལས་བཟོ་བ29006ཞུགས་ཡོད་པ་དང་།  རོགས་རེས་ལག་དངུལ་སྒོར་ཁྲི2377800ཧྲག་བསྡུ་བྱས།  ཐེངས་བརྒྱད་པའི་རོགས་རེས་བྱ་འགུལ་དང་བསྡུར་ན་མི2165ཡར་འཕར་ཡོད།  ད་ལོའི་ཟླ6པའི་ཚེས1ཉིན་བར་དུ།  ཁུལ་ཡོངས་ནས་ནད་གཞི་ཕོག་ཡོད་པའི་ལས་བཟོ་བ450ལ་སྨན་བཅོས་ཐད་ཀྱི་རོགས་རེས་ལག་དངུལ་སྒོར་ཁྲི345939འདོན་སྤྲོད་བྱས།