ཀྲུང་གོའི་བོད་ཀྱི་དྲ་བའི་འཕྲིན། ཟླ11པའི་ཚེས10ཉིན། ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་ཚན་རྩལ་ཅུས་ཀྱིས་ཞིང་པའི་ཁྱིམ་ཚང་གི་དགོས་མཁོ་ལྟར། སེམས་ཀྱི་ཉི་ཟླ་རྫོང་རྒྱལ་ཐང་གྲོང་རྡལ་ཧོང་ཕའོ་གྲོང་ནས་ས་གནས་དེ་གའི་ཞིང་འབྲོག་མང་ཚོགས་ལ་ཕྱུགས་ཟོག་གསོ་བ་དང་། མ་ཁཱ་འདེབས་འཛུགས་བྱེད་པའི་དངོས་སྤྱོད་ལག་རྩལ་གསོ་སྦྱོང་བྱས་པ་རེད། གསོ་སྦྱོང་བྱེད་པའི་གོ་རིམ་ཁྲོད་དུ། མཐོ་རིམ་སྲོག་ཆགས་སྨན་པ་ཀྲང་ཅི་ཀྲུང་གིས་ཕྱུགས་ཟོག་གསོ་བའི་གོ་རིམ་ཁྲོད་ཁོང་དུ་ཆུད་དགོས་པའི་ཞིབ་ཕྲའི་ལག་རྩལ་དང་། ནད་འབུ་སྔོན་འགོག གཟན་རྩྭ་ཐོན་སྐྱེད་དང་ལས་སྣོན། ཕྱུགས་ཁང་བཟོ་བའི་ཕྱོགས་སོ་སོར་མཛུབ་སྟོན་གནང་བ་རེད། གཞན་ཡང་ཆེད་མཁས་པས་མ་ཁཱ་འདེབས་པའི་གོ་རིམ་ཁྲོད་ས་ཞིང་འདེམས་པ་དང་། མྱུ་གུ་གསོ་སྤེལ། ས་ཞིང་དོ་དམ། ཐོན་རྫས་ལས་སྣོན་སོགས་ཀྱི་ཤེས་བྱ་བརྒྱུད་སྒྲོག་གནང་བ་རེད།  །