ཀྲུང་གོའི་བོད་ཀྱི་དྲ་བའི་འཕྲིན།  2012ལོར། ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་གྱིས་མཉམ་འབྲེལ་ཁྲིམས་འཛིན་ཡུན་རིང་ལམ་ལུགས་ལ་ཤུགས་བསྣན་ཏེ།  རྒྱུན་ལྡན་དུ་ཁྲིམས་འཛིན་བྱེད་པ་དང་ཆེད་དོན་ལེགས་བཅོས་བྱ་བ་གཉིས་ཟུང་འབྲེལ་བྱས་པ་བརྒྱུད།  ཕན་འབྲས་ཡོད་པའི་སྒོ་ནས་གནས་སྐོར་འཛད་སྤྱོད་པའི་ཁྲིམས་མཐུན་གྱི་ཁེ་དབང་འགན་སྲུང་བྱས་པ་དང་།  གནས་སྐོར་ཚོང་རའི་ལྟ་སྐུལ་དོ་དམ་བྱ་བ་རྒྱུན་ཆད་མེད་པར་ཚད་ལྡན་ཅན་དུ་འགྲོ་བར་སྐུལ་འདེད་བྱས།ཉེ་བའི་ལོ་འགའི་རིང་།  བདེ་ཆེན་ཁུལ་དུ་གནས་སྐོར་ཡོང་བའི་མི་གྲངས་ཇེ་མང་དུ་སོང་བ་དང་བསྟུན།  གནས་སྐོར་ཚོང་ར་རྒྱུན་ཆད་མེད་པར་རྒྱ་ཇེ་ཆེ་རུ་སོང་ཞིང་།  ལས་རིགས་དོ་དམ་བྱ་བའི་སྣོན་ཤུགས་ཤུན་ཏུ་ཆེ། 2012ལོར་བདེ་ཆེན་ཁུལ་གནས་སྐོར་སྡེ་ཁག་གིས་མཉམ་འབྲེལ་སྒོས་ཁྲིམས་འཛིན་བྱེད་པའི་སྟོབས་ཤུགས་ཇེ་ཆེར་བཏང་།  ལོ་གཅིག་གི་རིང་།  བཟོ་ཚོང་དང་འགྲིམ་འགྲུལ།  སྤྱི་བདེ། འགྲིམ་འགྲུལ་ཉེན་རྟོག  བདེ་འཇགས་ལྟ་སྐུལ།  དངོས་ཟོག་རིན་གོང་།  རྒྱུ་སྤུས་ལྟ་སྐུལ  རིག་གནས།  སྨན་རྫས་ལྟ་སྐུལ།  ཁྲལ་བསྡུ།  འཕྲོད་བསྟེན་སོགས་སྡེ་ཁག16ལ་མཉམ་འབྲེལ་བྱས་པ་དང་། ཚན་ཆུང་གསུམ་དུ་བགོས་ནས་བདེ་ཆེན་ཁུལ་གྱི་ཡུལ་ལྗོངས་ཁུལ16དང་། གནས་སྐོར་ཚོང་ཁང18།  སྐར་མ་རིམ་པའི་གསོལ་ཁང54།  བོད་རིགས་སྤྲོ་ཁྱིམ15།  རིག་རྩལ་འཁྲབ་སྟོན་ལྟེ་གནས2བཅས་ལ་ཐེངས་མང་པོར་ཞིབ་བཤེར་དང་ཁྲིམས་འཛིན་བྱས། གནས་སྐོར་ཐད་ཀྱི་ཁྲིམས་འཛིན་ཆེད་དོན་བྱ་འགུལ་སྤེལ་བ་བརྒྱུད།  གནས་སྐོར་ཕྱོགས་ཀྱི་ཞུ་གཏུག་སྤྱི་གྲངས་དུས་མཉམ་ལས51%ཇེ་ཉུང་དུ་སོང་།  །