ཀྲུང་གོའི་བོད་ཀྱི་དྲ་བའི་འཕྲིན།  ཉེ་ལམ།  ཡུན་ནན་ཞིང་ཆེན་མི་དམངས་སྲིད་གཞུང་གིས2012ལོར་ཡུན་ནན་ཞིང་ཆེན་དུ་བྱས་རྗེས་ཆེན་པོ་བཞག་ཡོད་པའི་ཕུལ་བྱུང་ཆེད་ལས་ལག་རྩལ་མི་སྣ་དང་སྲིད་གཞུང་གི་དམིགས་བསལ་གྲོན་དངུལ་ལོངས་སྤྱོད་བྱེད་བཞིན་པའི་མི་སྣ།  བདེ་ཆེན་ཁུལ་གྱི་ཕུལ་བྱུང་ཆེད་ལས་ལག་རྩལ་མི་སྣ5བཅས་ལ་གཟེངས་བསྟོད་བྱས། 

ད་ལོར་ཡུན་ནན་ཞིང་ཆེན་སྲིད་གཞུང་གིས་བདེ་ཆེན་ཁུལ་ནགས་ལས་ཁང་གི་ལོས་ཞིན་མིན་དང་།  བདེ་ཆེན་ཁུལ་བརྙན་འཕྲིན་ཁང་གི་བཀྲ་ཤིས་དོན་འགྲུབ། པད་མ་གངས་རི་དོ་དམ་ཅུའུ་སྐྱེ་ཁམས་ཞིབ་འཇུག་ཁང་གི་ཀྲའོ་ཝུས་ཏོན་བཅས་བློ་མཐུན་གསུམ་ལ2012ལོའི་ཡུན་ནན་ཞིང་ཆེན་ཕུལ་བྱུང་ཆེད་ལས་ལག་རྩལ་མི་སྣའི་བྱ་དགའ་ཨང་གསུམ་པ་ཐོབཔ་དང་།  བདེ་ཆེན་ཁུལ་ཆུ་བེད་ཞིབ་བཤེར་ཁང་གི་ལོས་ཀྲུང་ཞའོ་དང་།  སེམས་ཀྱི་ཉི་ཟླ་རྫོང་སྟག་མཆོང་གྲོག་རོང་གྲོང་རྡལ་ཞིང་ལས་ཚན་རྩལ་ས་ཚིགས་ཀྱི་དབྱང་ཅིན་རའོ་བཅས་བློ་མཐུན་གཉིས་ལ2012ལོའི་ཡུན་ནན་ཞིང་ཆེན་ཀྱི་སྲིད་གཞུང་དམིགས་བསལ་གྲོན་དངུལ་ཐོབ། 

ཡུན་ནན་ཞིང་ཆེན་གྱི་འབུར་ཐོན་བྱས་རྗེས་བཞག་ཡོད་པའི་ཕུལ་བྱུང་ཆེད་ལས་ལག་རྩལ་ཤེས་ལྡན་མི་སྣ་དང་སྲིད་གཞུང་གི་དམིགས་བསལ་གྲོན་དངུལ་ལོངས་སྤྱོད་བྱེད་བཞིན་པའི་མི་སྣ་དག་ནི་རང་རེའི་ཞིང་ཆེན་གྱི་ཆེད་ལས་ལག་རྩལ་མི་སྣ་ཁྲོད་ཀྱི་ཕུལ་བྱུང་འཐུས་མི་ཡིན་ལ། ཁོ་ཚོས་ལས་རིགས་སོ་སོའི་ཁྱབ་ཁོངས་སུ་བྱས་རྗེས་ཆེན་པོ་བཞག་ཡོད་དེ། སྣེ་ཁྲིད་དང་སྲོག་ཤིང་གི་ནུས་པ་བཏོན་ཡོད། ཁོ་ཚོའི་ཁྲོད་ཀྱི་ཕུལ་བྱུང་ཤེས་ལྡན་མི་སྣ་འདེམས་ནས་གཟེངས་བསྟོད་བྱས་པ་ནི། ཁོ་ཚོའི་སྤྱི་ཚོགས་གོ་གནས་ཇེ་མཐོར་བཏང་བ་དང་། ཀྲུང་དབྱང་གི་ཤེས་བྱའི་མི་སྣའི་བྱེད་ཕྱོགས་སྲིད་ཇུས་དོན་ཐོག་ཏུ་འཁྱོལ་བར་བྱེད་པའི་བྱེད་ཐབས་གལ་ཆེན་ཞིག་ཀྱང་ཡིན་དེ། རྒྱ་ཆེའི་ཆེད་ལས་ལག་རྩལ་མི་སྣར་སྐུལ་ལྕགས་དང་སྣེ་ཁྲིད་ཀྱི་ནུས་པ་བཏོན་ཡོད།  །