ཀྲུང་གོའི་བོད་ཀྱི་དྲ་བའི་འཕྲིན།  ཟླ9བའི་ཚེས19ཉིན་གྱི་སྔ་དྲོར།  ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་བདེ་ཆེན་རྫོང་ཡོན་ལིན་ཤང་ཏང་ཨུའི་སྲིད་གཞུང་གིས་ཞིང་སྡེའི་དབུལ་ཕོངས་མི་གྲངས་དབྱེ་འབྱེད་ཞིབ་བཤེར་བྱ་བར་སྐུལ་སློང་དང་གསོ་སྦྱོང་ཚོགས་འདུ་བསྡུས་ཏེ།  དབུལ་ཕོངས་མི་གྲངས་དབྱེ་འབྱེད་ཞིབ་བཤེར་བྱ་བར་ནན་ཏན་སྒོས་བཀོད་སྒྲིག་བྱས།  ཤང་ཡོངས་ཀྱི་ལས་བྱེད་མི་སྣ་དང་སྡེ་བའི་ལས་བྱེད་པ།  སྡེ་བ་རུ་སྡོད་པའི་ལས་བྱེད་མི་སྣ་བཅས་བསྡོམས་པས་འཐུས་མི50ལྷག་ཐེངས་འདིས་གསོ་སྦྱོང་ཚོགས་འདུར་ཞུགས། 

རྒྱུས་ལོན་བྱུང་བ་ལྟར་ན།  ཐེངས་འདིའི་དབུལ་ཕོངས་མི་གྲངས་ཞིབ་བཤེར་བྱ་བ་རིམ་པ་གསུམ་དུ་བགོས་ནས་ཞིང་ལས་མི་གྲངས་ཞིབ་བཤེར་བྱེེད་པ་དང།  ཞིབ་བཤེར་བསྡོམས་རྩིས་རེའུ་མིག་ཁ་སྐོང་བ།  མིང་ཐོ་འགོད་པ་སོགས་བྱ་བ་སྒྲུབ་པའི་རྨང་གཞི་སྟེང་།  དབུལ་ཕོངས་མི་གྲངས་ཞིབ་བཤེར་བྱ་བ་སྲིད་འཛིན་སྡེ་བ5དང་། སྡེ་མི་ཚན་ཆུང39ནས་སྤེལ་རྒྱུ་ཡིན་པས།  ཕྱོགས་བསྡུས་རང་བཞིན་གྱི་ཞིབ་བཤེར་བཟོ་འགོད་ཞིག་ཡིན། ཤང་འདིས་ཤང་ཡོངས་སུ་ཞིང་སྡེའི་དབུལ་ཕོངས་མི་གྲངས་ལ་ཕྱོགས་ཡོངས་ནས་ཞིབ་བཤེར་བྱས་པ་བརྒྱུད།  རྗེས་མར་དབུལ་སྐྱོར་གསར་སྤེལ་བྱེད་པར་བརྡ་འཕྲིན་ཚད་ལྡན་ཞིག་འདོན་སྤྲོད་བྱེད་པར་མཐུན་རྐྱེན་སྐྲུན།  །