ཀྲུང་གོའི་བོད་ཀྱི་དྲ་བའི་འཕྲིན།  ཉེ་ལམ།  ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་བདེ་ཆེན་རྫོང་ཇུས་འགོད་གླིང་དང་ཧྲང་ཧེ་ཡས་ཧེ་དོ་དམ་ལྟ་སྐུལ་ཚད་ཡོད་ཀུང་ཟི། བདེ་ཆེན་རྫོང་གི་འབྲེལ་ཡོད་སྡེ་ཁག་བཅས་ཀྱིས་བདེ་ཆེན་རྫོང་ལུས་རྩལ་ར་བའི་འཛུགས་སྐྲུན་ལ་ཞིབ་བཤེར་རྩིས་ལེན་བྱས།  ཡུལ་དངོས་སུ་བརྟག་དཔྱད་དང་དོ་དམ་ལྟ་སྐུལ་ཕྱོགས་ཀྱི་རྣམ་གྲངས་སྤུས་ཚད་ལ་གདེང་འཇོག་བྱས་པ་བརྒྱུད།  ཚང་མས་བཟོ་འགོད་འདི་ཇུས་འགོད་དང་ལག་རྩལ་སོགས་ཕྱོགས་གང་ཐད་ནས་ཚད་ལྡན་ཡིན་པས།  ཞིབ་བཤེར་རྩིས་ལེན་ཐོབ། 

རྒྱུས་ལོན་བྱུང་བ་ལྟར་ན།  བདེ་ཆེན་རྫོང་ལུས་རྩལ་ར་བའི་འཛུགས་སྐྲུན་རྣམ་གྲངས་ནི2009ལོའི་ཟླ12པར་དངོས་སུ་ལས་འགོ་བརྩམས་པ་དང་།  རྣམ་གྲངས་ཇུས་འགོད་ལས་ཁུངས་ནི་ཡུན་ནན་ཞིང་ཆེན་མཁར་གྲོང་འཆར་འགོད་ཇུས་འགོད་གླིང་ཡིན། ལུས་རྩལ་ར་བ་འཛུགས་སྐྲུན་བྱས་པ་བརྒྱུད།  བདེ་ཆེན་རྫོང་གིས་ལས་རྩལ་འགྲན་བསྡུར་སྣ་ཚོགས་བསྡུ་བ་དང་།  རིག་རྩལ་འཁྲབ་སྟོན་བྱེད་པ།  རྒྱ་ཆེའི་མང་ཚོགས་རྣམས་ལ་ལུས་པོ་སྦྱོང་བརྡར་བྱེད་པར་ཆ་རྐྱེན་ལེགས་པོ་སྐྲུན།  །