ཟླ7པའི་ཚེས30ཉིན།  ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་ཡན་ལག་དམག་ཁུལ་གྱིས“བརྒྱད་གཅིག”དུས་ཆེན་ལ་རྟེན་འབྲེལ་ཞུས་པའི་སྙན་ཞུའི་འཁྲབ་སྟོན་བྱ་འགུལ་སྤེལ།  བདེ་ཆེན་ཁུལ་གྱི་ཏང་ཨུའི་ཧྲུའུ་ཅི་གཞོན་པ་མཱ་ཝུན་ལོན་དང་།  བདེ་ཆེན་ཁུལ་སྲིད་གྲོས་ཀྱི་ཀྲུའུ་ཞི་ཏའོ་ཡོན་ཁྲོན་སྙན་ཞུའི་འཁྲབ་སྟོན་བྱ་འགུལ་སྟེང་ཞུགས་པར་མ་ཟད་དཔོན་དམག་ཡོངས་ལ་མཛའ་བརྩེ་ངང་འཚམས་འདྲི་བྱས། 

མཱ་ཝུན་ལོན་གྱིས་བདེ་ཆེན་ཁུལ་ཏང་ཨུ་དང་།  ཁུལ་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་།  བདེ་ཆེན་ཁུལ་སྲིད་གཞུང་།  བདེ་ཆེན་ཁུལ་སྲིད་གྲོས་ཀྱི་ཚབ་བྱས་ཏེ་དུས་ཡུན་རིང་བོ་ནང་བདེ་ཆེན་མཐོ་སྒང་དུ་དཀའ་སྤྱད་སྡུག་རུས་བྱེད་བཞིན་པའི་ས་གནས་དཔོན་དམག་རྣམས་ལ་དུས་ཆེན་གྱི་རྟེན་འབྲེལ་ཞུས། ཁོས་དུས་ཡུན་རིང་བོའི་ནང་བདེ་ཆེན་ཁུལ་དུ་སྡོད་པའི་དམག་དཔུང་སོ་སོ་མཐོ་སྒང་དུ་གཞི་བཙུགས་ཏེ་བདེ་ཆེན་ཁུལ་གྱི་འཕེལ་རྒྱས་བྱ་གཞག་ཁྲོད་བྱས་རྗེས་བླ་མེད་བཞག་ཡོད་པ་མ་ཟད།  ནང་སྒོས་སུ་བོད་ཁུལ་བདེ་འཇགས་ལ་འགན་སྲུང་བྱེད་པར་ནུས་པ་གལ་ཆེན་ཐོན་ཡོད་པ་བཅས་འཆམ་མཐུན་ཀྱི་བདེ་ཆེན་ཁུལ་ཞིག་གསར་སྐྲུན་བྱེད་པར་བྱས་རྗེས་གསར་བ་བཞག་ཡོད་པར་བསྟན། 

བདེ་ཆེན་ཁུལ་གྱི་ཏང་ཨུའི་རྒྱུན་ཨུའམ།  བདེ་ཆེན་ཁུལ་ཡན་ལག་དམག་ཁུལ་གྱི་ཆབ་སྲིད་ཨུ་ཡོན་ཡའོ་ཧྲུ་ཀྲུང་དང་།  བདེ་ཆེན་ཁུལ་གྱི་ཏང་ཨུའི་རྒྱུན་ཨུའམ།  བདེ་ཆེན་ཁུལ་མི་དམངས་སྲིད་གཞུང་གི་ཁུལ་དཔོན་གཞོན་པ་ཀྲུང་ཀྲུ་ཅོན།  བདེ་ཆེན་ཁུལ་གྱི་ཏང་ཨུའི་རྒྱུན་ཨུའམ།  ཁུལ་ཏང་ཨུའི་དྲུང་ཡིག་ཆེན་མོ་ལེའུ་ཅ་ཞོན།  བདེ་ཆེན་ཁུལ་གྱི་ཏང་ཨུའི་རྒྱུན་ཨུའམ།  ཁུལ་སྒྲིག་ཁྲིམས་ཨུ་ཡོན་ལྷན་ཁང་གི་ཧྲུའུ་ཅི་ཆི་ཅན་ཞིན།  བདེ་ཆེན་ཁུལ་ཡན་ལག་དམག་ཁུལ་གྱི་དམག་སྤྱི་ལོས་ཞུའུ་ཀོང་།  བདེ་ཆེན་ཁུལ་སྲིད་གྲོས་ཀྱི་ཀྲུའུ་ཞི་གཞོན་པ་དབྱང་ཝུན་ཞང་བཅས་བདེ་ཆེན་ཁུལ་དུ་སྡོད་པའི་དམག་དཔུང་གི་འགན་ཁུར་མི་སྣ་སོགས་ཉིན་དེའི་སྙན་ཞུའི་འཁྲབ་སྟོན་ལ་བལྟས།