ཟླ7པའི་ཚེས10ཉིན་གྱི་སྔ་དྲོར།  དུས་ཡུན་ཉིན་ལྔའི་རིང་གི་ཀྲུང་གོའི་ལས་རིགས་སློབ་ཚོགས་གྲངས་ཉུང་མི་རིགས་ལས་རིགས་ལག་རྩལ་སློབ་གསོ་ཆེད་ལས་ཨུ་ཡོན་ལྷན་ཚོགས་ཀྱི2012ལོའི་ལོ་ཚོགས་དང་ཡུན་ནན་ཞིང་ཆེན་མི་རིགས་འབྲིང་རིམ་ལས་རིགས་སློབ་གྲྭའི་སྐབས་བཞི་བའི་མཐུན་སྦྱོར་ཚོགས་ཆེན་ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་སེམས་ཀྱི་ཉི་ཟླ་རྫོང་དུ་བསྡུས།  
  རྒྱལ་ཁབ་མི་རིགས་ལས་དོན་ཨུ་ཡོན་ལྷན་ཁང་སློབ་གསོ་ཚན་རྩལ་ཟི་ཡི་ཟི་ཀྲང་གཞོན་པ་པན་ཅིན་དང་།  ཡུན་ནན་ཞིང་ཆེན་མི་རིགས་ལས་དོན་ཨུ་ཡོན་ལྷན་ཁང་གི་ཀྲུའུ་རིན་གཞོན་པ་ལོས་ཀོ་ལིན། 
བདེ་ཆེན་ཁུལ་གྱི་ཏང་ཨུའི་རྒྱུན་ཨུའམ།  རྒྱུན་ལས་ཁུལ་དཔོན་གཞོན་པ་ཀྲང་ཀྲུ་ཅོན་སོགས་ལོ་ཚོགས་སྤེལ་འགོ་བརྩམས་པའི་མཛད་སྒོ་སྟེང་ཞུགས་པ་མ་ཟད་ཤིས་ཚིག་ཕུལ། 
ཤེས་གསལ་བྱུང་བ་ལྟར་ན།  ད་ལོའི་ལོ་ཚོགས་ནི་བདེ་ཆེན་ཁུལ་མི་རིགས་དགེ་འོས་ཆེད་སྦྱོང་སློབ་གྲྭས་སྒྲུབ་འགན་ཁུར་བ་དང་།ཀོང་ཏུང་དང་ཁྲོན་ཆིན།  ཧེ་ནན།  ཀན་སུའུ་བཅས་ཡུན་ནན་ཞིང་ཆེན་ནང་ཁུལ་གྱི་ཏྰ་ལོས།  པའོ་ཧྲན།  ནའོ་ཅང་།  ལོས་ཅང་།  ཝུན་ཧྲན་སོགས་གྲོང་ཁྱེར་དང་ས་ཁུལ་གྱི་སློབ་གསོའི་ཆེད་མཁས་པ་བསྡོམས་པས་ཉིས་བརྒྱ་ལྷག་ཐེངས་འདིའི་ལོ་ཚོགས་སྟེང་ཞུགས།  སྐབས་སུ་རིག་གཞུང་བརྗེ་རེས་དང་དཔྱད་རྩོམ་བགྲོ་གླེང་།  རིག་རྩལ་འགྲན་བསྡུར་སོགས་བྱ་འགུལ་བཀོད་སྒྲིག་བྱེད་རྒྱུ་ཡིན་པ་མ་ཟད། ཚོགས་ཞུགས་མི་སྣ་ཚོ་ད་དུང་པོ་ཏ་མཚོ་མོའི་རྒྱལ་ཁབ་སྤྱི་གླིང་དང་།  དགའ་ལྡན་སུམ་རྩེན་གླིང་།  རྡོ་མཁར་གནའ་རྫོང་ལ་སོང་ནས་བདེ་ཆེན་ཁུལ་གྱི་གནས་སྐོར་རིག་གནས་ཐོན་ཁུངས་དང་གསར་སྤེལ་འཛུགས་སྐྲུན་གནས་ཚུལ་ལ་བརྟག་དཔྱད་བྱེད་རྒྱུ་རེད།