པར་རིས་འགྲེམ་སྟོན་ཡུལ་དངོས། 
 

 ཀྲུང་གོའི་བོད་ཀྱི་དྲ་བའི་འཕྲིན།  མཉམ་འབྲེལ་རྒྱལ་ཚོགས་རྒྱལ་སྤྱིའི་ཁོར་ཡུག་ཆེད་ལས་པར་རིས་འགྲན་བསྡུར་སྟེང་གསེར་གྱི་རྟགས་མ་ཐོབ་མཁན་སྐུ་ཞབས་ལའོ་ཅིན་ཧུས་ཡི་མཛེས་སྡུག་ལྡན་པའི་སེམས་ཀྱི་ཉི་ཟླ་ཞེས་པའི་པར་རིས་འགྲེམ་སྟོན་ཧྲང་ཧེ་དང་།  ཝུ་ཧན།  ཁོན་མིན་སོགས་ས་ཁུལ་ནས་འགྲེམ་སྟོན་བྱས་རྗེས།  ཟླ6པའི་ཚེས30ཉིན་ཡང་བསྐྱར་པེ་ཅིན798སྒྱུ་རྩལ་ཁུལ་ཞང་ཀང་དེང་རབས་རི་མོ་ཁང་ནས་འགྲེམ་སྟོན་བྱས། ཀྲུང་གོའི་རྩོམ་རིག་སྒྱུ་རྩལ་མཉམ་འབྲེལ་ལྷན་ཚོགས་དང་།  ཀྲུང་གོའི་རྩོམ་པ་པོའི་མཐུན་ཚོགས།  ཡུན་ནན་ཞིང་ཆེན་རྩོམ་རིག་སྒྱུ་རྩལ་མཉམ་འབྲེལ་ལྷན་ཚོགས་ཀྱི་འགོ་ཁྲིད་སོགས་པར་རིས་འགྲེམ་སྟོན་སྤེལ་འགོ་བརྩམས་པའི་མཛད་སྒོ་སྟེང་ཞུགས།  ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་གྱི་ཏང་ཨུའི་རྒྱུན་ཨུའམ།  བདེ་ཆེན་ཁུལ་ཏང་ཨུའི་དྲིལ་སྒྲོག་པུའུ་ཡིས་པུའུ་ཀྲང་ལའོ་ཡོན་མིན་དང་།  ཡུན་ནན་ཞིང་ཆེན་རྩོམ་རིག་སྒྱུ་རྩལ་མཉམ་འབྲེལ་ལྷན་ཚོགས་ཀྱི་ཀྲུའུ་ཞི་གཞོན་པ་ཀྲུང་ཝེ་མིན་གཉིས་ཀྱིས་སོ་སོར་ཤིས་ཚིག་ཕུལ།  ཁོ་ཚོས་ཚད་མཐོ་བའི་སྒོ་ནས་སྐུ་ཞབས་ལའོ་ཅིན་ཧུས་ལོ་མང་པོ་རིང་སེམས་ཀྱི་ཉི་ཟླ་རྫོང་དུ་དཀའ་སྤྱད་འབད་བརྩོན་བྱས་ཏེ།  པར་རིས་སྒྱུ་རྩལ་དར་སྤེལ་དང་སེམས་ཀྱི་ཉི་ཟླ་རྫོང་ཕྱི་ཕྱོགས་སུ་དྲིལ་བསྒྲགས་བྱེད་པའི་སྙིང་སྟོབས་ལ་གཟེངས་བསྟོད་བྱས། ཐེངས་འདིའི་འགྲེམ་སྟོན་ལ་གངས་རིའི་གཟི་བྱིན་དང་།  རྩྭ་ཐང་ལ་བཅངས་བའི་བརྩེ་དུང་སོགས་རིམ་པ7ལས་གྲུབ།  བསྡོམས་པས་པར་རིས་བརྩམས་ཆོས་བརྒྱ་ལྷག་འགྲེམ་སྟོན་བྱེད་རྒྱུ་ཡིན་པ་དང་།  སྔོན་དཔག་ལྟར་ན་དུས་ཡུན་ཉིན10རིང་ལ་འགྲེམ་སྟོན་བྱེད་རྒྱུ་རེད།  །