ཀྲུང་གོའི་བོད་ཀྱི་དྲ་བའི་འཕྲིན།  ཟླ6པའི་ཚེས9ཉིན་གྱི་ཕྱི་དྲོར།  དགའ་ལྡན་སུམ་རྩེན་གླིང་གི་གྲྭ་བཙུན་རྣམས་དུས་ཆད་ལྟར་དགོན་པའི་འགྲམ་གྱི་སྤོ་ལོ་ར་བར་སོང་ནས་སྤོ་ལོ་རྩེད་བཞིན་ཡོད།  རྒྱུས་ལོན་པ་ལྟར་ན།  དགའ་ལྡན་སུམ་རྩེན་གླིང་དགོན་པའི་ན་གཞོན་གྲྭ་བཙུན་རྣམས་ཀྱིས་དགོན་པ་རུ་ཆོས་སློབ་པ་དང་།  ཆོས་ལུགས་ཀྱི་ཆོ་ག་སྣ་ཚོགས་སྤེལ་བཞིན་པའི་ཞོར་དུ་སྤོ་ལོ་རྩེད་བ་ནི་ཁོ་ཚོས་ལུས་པོ་སྦྱོང་བརྡར་དང་གུང་གསེང་གི་འཚོ་བའི་ཁྲོད་མེད་མི་རུང་བའི་ལེ་ཚན་ཞིག་ཏུ་གྱུར་ཡོད། 

  ཤེས་གསལ་བྱུང་བ་ལྟར་ན།  དུས་རབས་སྔོན་མའི་ལོ་རབས་ལྔ་བཅུ་ནས་ལོ་རབས་དྲུག་ཅུ་བར།  དགའ་ལྡན་སུམ་རྩེན་གླིང་གིས་གྲྭ་བཙུན་སྤོ་ལོ་རུ་ཁག་བཙུགས་པ་དང་།  སྤོ་ལོ་རུ་ཁག་འདི1959ལོར་བདེ་ཆེན་ཁུལ་གྱིས་ཀྲུང་གོ་གསར་བ་བཙུགས་ནས་ལོ་འཁོར10ལོན་པའི་རྒྱལ་སྟོན་དུས་ཆེན་གྱི་ལུས་རྩལ་འགྲན་ཚོགས་སྟེང་ཞུགས་མྱོང་བ་དང་།  བྱ་དགའ་ཐེངས་མང་པོ་ཐོབ།  །