ཀྲུང་གོའི་བོད་ཀྱི་དྲ་བའི་འཕྲིན།  ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཉིན་རེའི་ཚགས་པར་ཁང་སེམས་ཀྱི་ཉི་ཟླ་གསར་འགོད་པའི་ས་ཚིགས་བདེ་ཆེན་ཁུལ་ཏང་ཨུ་དང་། ཁུལ་སྲིད་གཞུང་།  སེམས་ཀྱི་ཉི་ཟླ་རྫོང་ཏང་ཨུ་དང་རྫོང་སྲིད་གཞུང་བཅས་ཀྱི་ཐུགས་ཁུར་འོག  ཟླ6པའི་ཚེས8ཉིན་གྱི་སྔ་དྲོར་སེམས་ཀྱི་ཉི་ཟླ་རྫོང་ཏང་ཨུའི་ཐོག་ཁང་དུ་དངོས་སུ་བཙུགས།  འདི་ནི་བདེ་ཆེན་ཉིན་རེའི་ཚགས་པར་ཁང་གིས་ཁུལ་ཡོངས་སུ་བཙུགས་པའི་གསར་འགོད་པའི་ས་ཚིགས་དང་པོ་ཡིན་པ་དང་།  བདེ་ཆེན་ཉིན་རེའི་ཚགས་པར་ཁང་གིས་གསར་འགྱུར་བྱ་གཞག་སྟེང་འཕེལ་རྒྱས་གསར་བ་ཞིག་བྱུང་བར་མཚོན་ཡོད་པ་མ་ཟད།  སེམས་ཀྱི་ཉི་ཟླ་རྫོང་ཏང་ཨུ་དང་སྲིད་གཞུང་གིས་གསར་འགྱུར་དྲིལ་སྒྲོག་ལ་མཐོང་ཆེན་བྱེད་པ་དང་།  དྲིལ་སྒྲོག་གླེང་ཕྱོགས་སྟེགས་བུ་གསར་སྐྲུན་བྱས་ཏེ།  སེམས་ཀྱི་ཉི་ཟླ་རྫོང་གི་མཛེས་བའི་སྣང་བརྙན་དང་ཕྱི་ཕྱོགས་ལ་སྒོ་འབྱེད་པའི་གོམ་ཁ་ཇེ་མགྱོགས་བཏང་བའི་བྱེད་ཐབས་གལ་ཆེན་ཞིག་ཀྱང་ཡིན།  
བཞུགས་མོལ་ཚོགས་འདུའི་སྟེང་།  སེམས་ཀྱི་ཉི་ཟླ་གསར་འགོད་པའི་ས་ཚིགས་ཀྱི་འགོ་གཙོ་ཡིས་གསར་འགོད་པའི་ས་ཚིགས་ཀྱི་གྲ་སྒྲིག་གནས་ཚུལ་ཕྱོགས་ནས་མཚམས་སྦྱོར་བྱས་པ་དང་།  བདེ་ཆེན་ཉིན་རེའི་ཚགས་པར་ཁང་གི་སྤྱི་ཁྱབ་རྩོམ་སྒྲིག་པ་གཞོན་པ་ཡུས་ཧྥུ་ཆོན།  སེམས་ཀྱི་ཉི་ཟླ་རྫོང་འབྲེལ་ཡོད་ལས་ཁུངས་ཀྱི་འགན་ཁུར་མི་སྣ།  འཕྲིན་གཏོང་བའི་འཐུས་མི་སོགས་ཀྱིས་སེམས་ཀྱི་ཉི་ཟླ་གསར་འགོད་པའི་ས་ཚིགས་ཀྱི་བྱ་བར་ཇི་ལྟར་ལེགས་བཅོས་དང་ཤུགས་སྣོན་པའི་ཚུལ་ལ་བསམ་བློ་བརྗེ་རེས་བྱས་པ་དང་།  སེམས་ཀྱི་ཉི་ཟླ་རྫོང་གི་སྤྱི་ཚོགས་དཔལ་འབྱོར་མགྱོགས་མྱུར་ངང་འཕེལ་རྒྱས་འབྱུང་བར་གླེང་ཕྱོགས་ཀྱི་ཁོར་ཡུག་ལེགས་པོ་ཞིག་སྐྲུན་དགོས་པར་བསྟན།  ། 
 

     
སེམས་ཀྱི་ཉི་ཟླ་རྫོང་གི་ཏང་ཨུའི་ཧྲུའུ་ཅི་གཞོན་པའམ་རྫོང་དཔོན་ཞའོ་ཞུའུ་དང་།  བདེ་ཆེན་ཁུལ་ཏང་ཨུའི་དྲིལ་སྒྲོག་པུའུ་ཡི་པུའུ་ཀྲང་གཞོན་པ་པའེ་ཡས་ཞིན་སོགས་བདེ་ཆེན་ཉིན་རེའི་ཚགས་པར་ཁང་སེམས་ཀྱི་ཉི་ཟླ་གསར་འགོད་པའི་ས་ཚིགས་དངོས་སུ་བཙུགས་པའི་མཛད་སྒོ་སྟེང་ཞུགས་པ།