ཀྲུང་གོའི་བོད་ཀྱི་དྲ་བའི་འཕྲིན། ཟླ8པའི་ཚེས25ཉིན། བདེ་ཆེན་ཁུལ་གྱི་དབང་པོ་སྐྱོན་ཅན་མཉམ་འབྲེལ་ལྷན་ཚོགས་མ་ལག་གི་ལས་སྒོའི་གསོ་སྦྱོང་འཛིན་གྲྭ་སེམས་ཀྱི་ཉི་ཟླ་རྫོང་མཁར་དུ་སློབ་འགོ་ཚུགས་པ། ཁུལ་དང་རྫོང་གི་དབང་པོ་སྐྱོན་ཅན་མཉམ་འབྲེལ་ལྷན་ཚོགས་མ་ལག་གི་ལས་བྱེད་མི་སྣ་དང་། ཤང་དང་གྲོང་རྡལ་སོ་སོའི་དབང་པོ་སྐྱོན་ཅན་མཉམ་འབྲེལ་ལྷན་ཚོགས་ཀྱི་ལས་འཛིན་འགོ་གཙོ། དབང་པོ་སྐྱོན་ཅན་མཉམ་འབྲེལ་ལྷན་ཚོགས་ཀྱི་ཆེད་བསྐོས་ཨུ་ཡོན་བཅས་ཁྱོན་བསྡོམས་མི་80གསོ་སྦྱོང་དུ་ཞུགས་ཡོད།

ཐེངས་འདིའི་གསོ་སྦྱོང་དུས་ཡུན་ནི་ཉིན་3ཡིན། ཚེས་25ཉིན། གསོ་སྦྱོང་གིས་ཁུལ་ཨུའི་ཏང་གི་སློབ་གྲྭའི་དགེ་རྒན་ཆེ་མོ་ཀྲོའུ་ཀྲེན་མིང་གདན་འདྲེན་ཞུས་ཏེ་《སྤྱི་ཚོགས་ཀྱི་དོ་དམ་ལམ་ལུགས་གསར་གཏོད་བྱེད་པ་དང་སྤྱི་ཚོགས་དོ་དམ་ཚན་རིག་ཅན་གྱི་ཆུ་ཚད་མཐོ་རུ་གཏོང་བ》ཞེས་པའི་ཆེད་དོན་སློབ་ཁྲིད་གནང་སྟེ། སྤྱི་ཚོགས་དོ་དམ་གྱི་གོ་དོན་དང་ལས་འགན། སྤྱི་ཚོགས་དོ་དམ་ལ་ཤུགས་སྣོན་པ་དང་གསར་གཏོད་བྱེད་པ། སྤྱི་ཚོགས་བཅོས་སྐྱོང་བྱ་ཐབས་ལེགས་སུ་གཏོང་བ་དང་། སྤྱི་པའི་བདེ་འཇགས་མ་ལག་འཐུས་ཚང་དུ་གཏོང་བ་སོགས་ནང་དོན་ལ་ཞིབ་ཕྲའི་ངང་དབྱེ་ཞིབ་དང་སྒྲོག་འགྲེལ་བརྒྱབ་པ་རེད།

ཤེས་གསལ་བྱུང་དོན། གསོ་སྦྱོང་བྱེད་པའི་ཁྲོད་དུ། མིང་གྲགས་ཆེ་བའི་གཏམ་བཤད་པ་ཚའེ་ཁྲའོ་ཏུང་དང་སེམས་ཀྱི་ཉི་ཟླ་རྫོང་ཉི་འོད་ཀུང་སིའི་ཏུང་ཧྲི་ཀྲང་གདན་འདྲེན་ཞུས་ཏེ་གཏམ་བཤད་བྱས་པ་དང་། ཉིན་རེའི་ཕྱི་དྲོར་ཁུལ་དབང་པོ་སྐྱོན་ཅན་མཉམ་འབྲེལ་ལྷན་ཚོགས་ཀྱི་འབྲེལ་ཡོད་འགན་འཁུར་བ་བཀོད་སྒྲིག་བྱེད་དེ་ཕྱོགས་བསྡུས་ཚན་ཁག་དང་གཞུང་ལས་ཁང་གི་ལས་སྒོ་གསོ་སྦྱོང་བྱེད་པ་རེད།

“ཐེངས་འདིའི་གསོ་སྦྱོང་ཐོག་ང་ཚོའི་ཆེད་ལས་ཤེས་བྱ་ཕུན་སུམ་ཇེ་ཚོགས་སུ་གཏོང་ཞིང་། ལས་ཀ་སྒྲུབ་པའི་ཆུ་ཚད་སྔར་ལས་མཐོ་རུ་གཏོང་ཐུབ་བྱུང་། གསོ་སྦྱོང་དུ་ཞུགས་ནས། ང་ཚོས་ད་དུང་ཕུལ་བྱུང་དབང་པོ་སྐྱོན་ཅན་འགའ་ཤས་ཀྱི་ཉམས་མྱོང་ལེགས་པོ་རྒྱུས་ལོན་བྱུང་ཐུབ་པས། ང་ཚོར་སྐུལ་མ་ཆེ་མོ་ཐེབས་ཡོད།”སེམས་ཀྱི་ཉི་ཟླ་རྫོང་དབང་པོ་སྐྱོན་ཅན་མཉམ་འབྲེལ་ལྷན་ཚོགས་ཀྱི་ལས་བྱེད་པ་ཝང་མེ་དབྱིན་གྱིས་འདི་ལྟར་བཤད་བྱུང་།  །