སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།ཉེ་སྔོན།བདེ་ཆེན་སེམས་ཀྱི་ཉི་ཟླའི་ནས་ཐོན་ཁུངས་གསར་སྤེལ་ཚད་ཡོད་ཀུང་སི་དང་ཧྲང་ཧེ་གྲོང་ཁྱེར་ཟས་རིགས་ཞིབ་འཇུག་སུའོ་ཡིས་མཉམ་འབྲེལ་གྱིས་འཛུགས་པའི་ཡན་ཝེ་ལིང་ཆེད་མཁས་ལས་ཀའི་ས་ཚིགས་དེ་ཆོག་མཆན་ཐོབ་ནས་འཛུགས་ཤིང་།འདི་ནི་རང་ཁུལ་དུ་འཛུགས་པའི་ཆེས་ཐོག་མའི་ཞིང་ཆེན་རིམ་པའི་ཡོའན་ཧྲིའི་ལས་ཀའི་ས་ཚིགས་ཡིན་པ་རེད།
རྒྱུས་ལོན་བྱུང་བ་ལྟར་ན།ཡོའན་ཧྲི་ལས་ཀའི་ས་ཚིགས་ནི་སྲིད་གཞུང་གིས་སྐུལ་འདེད་དང་ཡོའན་ཧྲི་ཡིས་དོན་དངོས་རང་བཞིན་གྱིས་ཟབ་ཞུགས་བྱས་པ།རྣམ་གྲངས་མཉམ་འབྲེལ་གྱིས་རྨང་གཞི་བྱེད་པ་དང་།ཁྲོམ་ར་རང་བཞིན་གྱིས་འཁོར་སྐྱོད་བྱེད་པའི་རིམ་པ་མཐོ་བའི་ཁེ་ལས་ཚན་རྩལ་གསར་འབྱེད་ཀྱི་སྟེགས་བུ་ཞིག་ཡིན་པ་རེད།
ཡན་ཝེ་ལིང་ནི་ད་ལྟ་ཧྲང་ཧེ་གྲོང་ཁྱེར་གྱི་ཟས་རིགས་ཞིབ་འཇུག་སུའོ་ཡི་སུའོ་ཀྲང་གཞོན་པ་དང་སྤྱི་ཁྱབ་བཟོ་བཀོད་པའི་འགན་བཞེས་གནང་བ་མ་ཟད།དགེ་རྒན་ཆེན་མོ་རིམ་པའི་མཐོ་རིམ་ལས་བཟོ་བ་དང་།འབུམ་རམས་པའི་ཁྲིད་སྟོན་དགེ་རྒན་གྱི་འགན་ཡང་བཞེས་ཡོད་པ་རེད།དུས་ཡུན་རིང་པོར་ཟས་རིགས་བདེ་འཇགས་དང་ཞིང་བའི་ཞོར་ཐོན་དངོས་རྫས་ཀྱི་ལས་སྣོན།ཞོར་ཐོན་དངོས་རྫས་ཀྱི་ཕྱོགས་བསྡུས་བཀོལ་སྤྱོད་སོགས་ཁྱབ་ཁོངས་ལ་ཞིབ་འཇུག་བྱེད་བཞིན་ཡོད།
  ཡན་ཝེ་ལིང་ཆེད་མཁས་ལས་ཀའི་ས་ཚིགས་ཀྱིས་ཤུགས་ཡོངས་བཏོན་ནས་ནས་ཀྱི་མནན་བཟོས་བག་ལེབ་ཀྱི་ཐོན་སྐྱེད་ལག་རྩལ་གསར་གཏོད་ཆེད་ཁེ་དེ་གཞི་ཁྱོན་ཅན་གྱི་ཐོན་སྐྱེད་བརྒྱུད་རིམ་ཁྲོད་བཀོལ་སྤྱོད་བྱེད་རྒྱུ་དང་།ནས་ཀྱིས་གལ་ཆེའི་རྒྱུ་ཆ་བྱས་ནས་རིགས་སྣ་མང་གི་སྟབས་བདེའི་ཟས་རིགས་གསར་གཏོད་བྱེད་རྒྱུ།ལག་རྩལ་གྱི་ཐད་ནས་རྩམ་པ་ལྟ་བུའི་བོད་ཁུལ་སྲོལ་རྒྱུན་གྱི་ཟས་རིགས་འཁྱེར་མི་བདེ་དང་ཟ་མི་བདེ་བའི་གནད་དོན་ཐག་གཅོད་བྱེད་རྒྱུ་དང་།ནས་ཀྱི་ཕུབ་མ་སོགས་ཕྱོགས་བསྡུས་བཀོལ་སྤྱོད་ལ་ཞིབ་འཇུག་བྱས་ནས།བཟོ་ལས་རང་བཞིན་གྱི་ཁྱབ་སྤེལ་ལ་རྨང་གཞི་ལེགས་པོ་འདིང་སྟེ།ཁུལ་ཡོངས་ཀྱི་ཟས་རིགས་ཐོན་སྐྱེད་ཁེ་ལས་དང་ཉེ་འཁོར་ས་ཁུལ་ལ་ཁ་གཏད་དེ་ནས་ཀྱི་མནན་བཟོས་བག་ལེབ་ཀྱི་ཐོན་སྐྱེད་དཔེ་སྟོན་བྱས་པ་མ་ཟད།  ལག་རྩལ་མཉམ་འབྲེལ་དང་ལག་རྩལ་མ་རྐང་དུ་ཞུགས་པའི་རྣམ་པས་མཐའ་འཁོར་གྱི་ནས་ཐོན་རྫས་དང་ཐོན་ལས་འཕེལ་རྒྱས་གྱི་གསར་འབྱེད་ལ་ཧུར་བརྩོན་གྱིས་ཞུགས་པ་རེད།