ཀྲུང་གོའི་བོད་ཀྱི་དྲ་བའི་འཕྲིན། གསར་འགོད་པས2014ལོའི་ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་སེམས་ཀྱི་ཉི་ཟླ་རྫོང་གི་ལྔ་བའི་རྟ་རྒྱུག་འགྲན་ཚོགས་རྩ་འཛུགས་ཨུ་ཡོན་ལྷན་ཚོགས་ནས་ཤེས་གསལ་བྱུང་བ་ལྟར་ན།  ཟླ6པའི་ཚེས2ཉིན་ནས་ཚེས4ཉིན་བར་ལོ་རེར་ཐེངས་གཅིག་ལ་སྤེལ་བཞིན་པའི་ལྔ་བའི་རྟ་རྒྱུག་འགྲན་ཚོགས་རྒྱལ་ཐང་གྲོང་རྡལ་དུ་སྤེལ་རྒྱུ་རེད།
ཤེས་གསལ་ལྟར་ན།  རྫོང་ཡོངས་ཀྱི་རིགས་སོ་སོའི་མི་དམངས་ལ་དྲོད་སྐྱིད་ལྡན་པའི་ལྔ་པའི་ཚེས་ལྔའི་དུས་ཆེན་ཞིག་རོལ་དུ་འཇུག་པ་དང་།  རྒྱལ་ཁབ་་ཕྱི་ནང་གི་གནས་སྐོར་བར་ཐུན་མོང་མ་ཡིན་པའི་སེམས་ཀྱི་ཉི་ཟླ་རྫོང་གི་མི་རིགས་རིག་གནས་དང་།  མི་དང་རང་བྱུང་ཁམས་འཆམ་མཐུན་གྱི་གནས་ཡོད་པའི་མཛེས་ལྗོངས་ཉམས་སུ་མྱོང་དུ་འཇུག་པ།  རྫོང་འདིའི་རིག་གནས་ལུས་རྩལ་བྱ་གཞག་རྒྱུན་ཆད་མེད་པར་འཕེལ་རྒྱས་སུ་འགྲོ་བར་སྐུལ་འདེད་བྱེད་ཆེད། ད་ལོར་སེམས་ཀྱི་ཉི་ཟླ་རྫོང་གི་ལྔ་བའི་རྟ་རྒྱུག་དུས་ཆེན་གྱི་བརྗོད་དོན་ནི“མི་རིགས་ཀྱི་རིག་གནས་དར་སྤེལ་བྱས་ཏེ། མཁར་གྲོང་གི་རིག་གནས་འཚོ་བ་ཕུན་སུམ་ཇེ་ཚོགས་སུ་གཏོང་བ་དང་།  འཆམ་མཐུན་བདེ་འཇགས་ཀྱི་སེམས་ཀྱི་ཉི་ཟླ་རྫོང་གསར་སྐྲུན་བྱས་ཏེ།  རྫོང་ཡོངས་ཀྱི་སྤྱི་ཚོགས་དཔལ་འབྱོར་འཕེལ་རྒྱས་བྱེད་པར་སྐུལ་འདེད་བྱེད་པ”བཅས་ཡིན་ལ།  རྟ་རྒྱུག་དུས་ཆེན་སྐབས་སུ་རྟ་རྒྱུག་དུས་ཆེན་སྤེལ་འགོ་བརྩམས་པའི་མཛད་སྒོ་དང་རྟ་རྩལ་འགྲན་བསྡུར།  མི་རིགས་ཀྱི་དམངས་ཁྲོད་ལུས་རྩལ་རྣམ་གྲངས་འགྲན་བསྡུར་སོགས་སྤེལ་རྒྱུ་རེད།  །