ཉེ་ཆར། ཁུལ་ཞིང་ལས་ཅུས་ཀྱི་རོགས་སྐྱོར་ལས་སྒྲུབ་ཚོ་ཆུང་དཀར་མཛེས་རྫོང་གི་ཁྲེན་ཀོན་གྲོང་རྡལ་གྱི་རོང་ཚ་གྲོང་ཚོ་བརྒྱད་པར་ཕྱིན་ནས་རེས་གསར་པའི་ཁ་གཏད་རོགས་སྐྱོར་གྱི་འགན་ཁུར་བ་དང་འགན་གཙང་ལེན།རོགས་སྐྱོར་བཅས་ཀྱི་ལས་ཀ་སྤེལ་ཏེ་་ཡུལ་དངོས་སུ་བརྟག་དཔྱད་ཞིབ་འཇུག་བྱས་པ་རེད།
    རོགས་སྐྱོར་ལས་སྒྲུབ་ཚོ་ཆུང་གིས་གྲོང་རྡལ་ཏང་ཨུ་དང་སྲིད་གཞུང་། གྲོང་ཚོའི་ཨུ་ཡོན་ལྷན་ཁང་བཅས་དང་བཞུགས་མོལ་གྲོས་ཚོགས་འཚོགས་ནས། གྲོང་ཚོ་དེའི་འགྲིམ་འགྲུལ་དང་། ས་ཞིང་ཐོན་ཁུངས། ངལ་རྩོལ་མི་ལག་གི་གནས་ཚུལ། ཞིང་ལས་ཐོན་སྐྱེད་དང་ཞིང་འབྲོག་མི་དམངས་ཀྱི་ཡོང་འབབ་སོགས་ཀྱི་གནས་ཚུལ་ཤེས་རྟོགས་བྱས་པ་དང་། ཞིང་ལས་སྡེ་ཁག་གི་དོན་དངོས་དང་འབྲེལ་ནས་ལས་སྒྲུབ་ཚོ་ཆུང་གིས་ཐོན་ལས་འཕེལ་རྒྱས་གཏོང་རྒྱུར་རོགས་སྐྱོར་དང་། ཚན་རྩལ་ཁྱབ་གདལ་དང་བེད་སྤྱོད་ཇེ་མགྱོ གས་སུ་གཏོང་བ། གཙོ་གནད་དུ་ཆེས་དབུལ་ཕོངས་དུད་ཚང་ལ་རོགས་སྐྱོར་བྱེད་པ་སོགས་ཀྱི་བྱེད་ཐབས་བཏོན་པ་རེད། ཐོན་ལས་འཕེལ་རྒྱས་གཏོང་རྒྱུའི་ཐད་ཆགས་ཚུལ་ལེགས་སྒྲིག་བྱ་རྒྱུར་དོ་སྣང་དང་། ཡོངས་ཁྱབ་ཏུ་སོན་བཟང་ཁྱབ་སྤེལ་དང་བེད་སྤྱོད་བྱས་པ། ཚན་རྩལ་ཁྱབ་སྤེལ་གཏོང་རྒྱུའི་ཐད་ཞིང་པ་ལ་འཕྲུལ་འཁོར་ཅན་གྱི་ལས་ཀ་སྒྲུབ་རྒྱུ་དང་སྐྱེ་དངོས་སྲུང་སྐྱོང་བྱ་རྒྱུ་བཅས་ལ་སྐུལ་སློང་བྱས་པ་རེད། དུས་འཚམ་ནང་ཞིང་ལས་ཚན་རྩལ་མི་སྣ་བཀོད་སྒྲིག་བྱས་ནས་ཡུལ་དངོས་སུ་ལག་རྩལ་ཁྲིད་སྟོན་བྱ་རྒྱུ་དང་། གྲོང་ཚོའི་ཞིང་པའི་དུད་ཚང་ལ་ཞིང་ལས་འཕྲུལ་ཆས་ཉོ་སྒྲུབ་བྱེད་ཡས་ཀྱི་ཁ་གསབ་རོགས་དངུལ་སྔོན་དུ་སྤྲད་རྒྱུ་ཡིན་པ་རེད།དབུལ་ཕོངས་དུད་ཚང་གི་ཞིང་པར་རང་སྟོབས་རང་སྤེལ་བྱ་རྒྱུ་སྐུལ་སློབ་བྱེད་པ་དང་། དབུལ་ཕོངས་དུད་ཚང་ལ་ཉེན་ཁ་ཡོད་པའི་སྡོད་ཁང་བསྒྱུར་བཀོད་བྱེད་སའི་ཁ་གསབ་རོགས་དངུལ་སྒོར5000སྤྲད་ནས་ལོ་རེར་དུད་ཚང་གཅིག་ནས་གཉིས་བར་ཐག་གཅོད་བྱ་རྒྱུ་ཡིན་པ་རེད། ཁ་གསབ་རོགས་དངུལ་སྒོར་ཁྲི10སྤྲད་ནས་གྲོང་ཚོ་རིམ་པའི་བྱེད་སྒོ་སྤེལ་ཁང་ནང་གི་མཛེས་རྒྱན་སྤྲས་ཡས་དང་། གཞུང་ལས་སྤྱོད་ཆས་ཉོ་ཡས་བྱ་རྒྱུ་དང་དེ་བཞིན་དུ་སང་ལོའི་ཐོན་ལས་འཕེལ་རྒྱས་གཏོང་སར་དགོས་ངེས་ཀྱི་སོན་བཟང་དང་ལུད་རྫས་ཀྱི་ཁ་གསབ་རོགས་དངུལ་སྤྲོད་རྒྱུ་ཡིན་པ་རེད།