བརྒྱད་ཟིལ་རྫོང་གིས་འགན་ཁུར་བ་དང་འགན་གཙང་ལེན། རོགས་སྐྱོར་བཅས་ཀྱི་བྱེད་སྒོ་ཟབ་ཏུ་སྤེལ་བའི་གོ་རིམ་ནང་། རོགས་སྐྱོར་གཙོ་གནད་དང་ཁྱད་ཆོས་མངོན་གསལ་ཐོན་པ་བྱས་ནས་ཞིང་པའི་ཡོང་འབབ་འཕར་སྣོན་བཏང་ནས་ཕྱུག་འགྱུར་བྱས་མཐར། རྫོང་ཡོངས་ཀྱི་དཔལ་འབྱོར་སྤྱི་ཚོགས་མུ་མཐུད་དེ་འཕེལ་རྒྱས་ཡོང་བར་སྐུལ་འདེད་བཏང་བ་རེད།
    དམངས་ཀྱི་འཚོ་བ་གཙོ་ཆེར་འཛིན་ནས་དཀའ་གནད་སྒྲོལ། ཞིང་སྡེའི་རྨང་གཞིའི་སྒྲིག་ཆས་འཛུགས་སྐྲུན་བྱ་རྒྱུར་ཤུགས་སྣོན་བརྒྱབ་ནས་རོགས་སྐྱོར་གྲོང་ཚོའི་རྨང་གཞིའི་སྒྲིག་ཆས་འཛུགས་སྐྲུན་བྱ་རྒྱུར་སྐུལ་འདེད་བཏང་། དམངས་འཚོའི་གནད་དོན་དེ་རོགས་སྐྱོར་ལས་ཀ་སྐུལ་འདེད་གཏོང་བའི་གཙོ་ཆེ་ནང་གི་གཙོ་ཆེར་འཛིན་རྒྱུར་རྒྱུན་འཁྱོངས་བྱས་ནས་རྣམ་གྲངས་མ་དངུལ་སྣ་ཚོགས་ཕྱོགས་བསྡུས་ལེགས་སྒྲིག་བྱེད་གང་ཐུབ་བྱས་པ་དང་། ཡུལ་མང་པོར་ལག་བསྟར་དང་། ཕྱོགས་མང་པོར་ཞུགས་པ། ཁག་མང་པོ་ནས་སྐུལ་འདེད་གཏོང་བ་བཅས་བྱས་ནས་དམངས་འཚོ་ལེགས་བཅོས་བྱས་སྟབས། དབུལ་ཕོངས་གྲོང་མིའི་ཐོན་སྐྱེད་དང་འཚོ་བའི་ཆ་རྐྱེན་སྔར་བས་ལེགས་སུ་བཏང་ཡོད། ཞིང་སྡེའི་ཉེན་མེད་འཐུང་ཆུའི་ཨར་ལས་ལག་བསྟར་བྱས་ནས་དུད་ཚང་2033གྱི་མི་གྲངས10167གྱི་འཐུང་ཆུའི་དཀའ་ངལ་ཐག་གཅོད་བྱས་པ་དང་། གྲོང་གསེབ་ཀྱི་གཞུང་ལམ་སྤྱི་ལེ་128བསྐྲུན་པ་དང་ཟམ་པ་དང་ཆུ་འགྲོ་ས25བསྐྲུན་ནས་མི་གྲངས16461གི་འགྲོ་འོང་བྱེད་དཀའ་བའི་གནད་དོན་ཐག་གཅོད་བྱས། ཞིང་སྡེའི་དུད་ཚང1289ཡི་ཉེན་ཁ་ཆེ་བའི་སྡོད་ཁང་བསྒྱུར་བཀོད་བྱས་པ་དང་ཞིང་སྡེའི་མི་གྲངས924ལ་སྒོར་ཁྲི138.43གྱི་སྨན་བཅོས་རོགས་སྐྱོར་བྱས་པ་དང་། མི་གྲངས610ལ་ཞིང་སྡེའི་མ་མཐའི་འཚོ་རྟེན་འགན་སྲུང་གི་གྲས་སུ་བཞག་པས། མང་ཚོགས་ཀྱི་འགྲོ་འོང་བྱེད་དཀའ་བ་དང་། སྡོད་ཁང་གི་དཀའ་ངལ། ནད་བསྟན་དཀའ་བ་སོགས་ཀྱི་དཀའ་ངལ་ཐག་གཅོད་ནུས་ལྡན་བྱས་པ་རེད།
    ཐོན་ལས་གལ་ཆེན་འཛིན་ནས་འཕེལ་རྒྱས་ལ་སྐུལ་འདེད་བཏང་། ཞིང་ཁའི་ཆུ་བེད་ཕྱོགས་བསྡུས་བདག་སྐྱོང་བྱས་ནས་ཞིང་ཁའི་ཆུ་འདྲེན་ལྕགས་མདོང་（ཡུར་བ）སྤྱི་ལེ85.7འཛུགས་སྐྲུན་བྱས་པ་དང་ཞིང་ཆུ་འདྲེན་ཁྱོན་མུའུ3628ཉམས་གསོ་བྱས་ནས་ཞིང་སྡེའི་ཐོན་ལས་འཕེལ་རྒྱས་ཡོང་བར་ཚོད་འཛིན་ཐེབས་པའི་དཀའ་གནད་ཐག་གཅོད་ནུས་ལྡན་བྱས་པ་རེད། རྫོང་ཡོངས་སུ་གཡེར་མའི་རྟེན་གཞི་མུའུ2000དང་། ཞོག་ཁོག་གི་རྟེན་གཞི་མུའུ་ཁྲི1.2 ། མ་རྨོས་ལོ་ཏོག་གི་རྟེན་གཞི་མུའུ་ཁྲི1.7 ། པད་ཁའི་རྟེན་གཞི་མུའུ་1303 ། ཇའི་ལྡུམ་ཞིང་མུའུ320 ། སྟར་ཀའི་རྟེན་གཞི་མུའུ5000 ། སྔོ་ཚལ་གྱི་རྟེན་གཞི་མུའུ་6023བཅས་བསྐྲུན་ཐུབ་པ་དང་། ཞིང་པ་གླ་པ་མིའི་ཐེངས་གྲངས1000ལྷག་གསོ་སྐྱོང་སྦྱོང་བརྡར་བྱས་ནས། རྫོང་ཡོངས་ཀྱི་ཞིང་འབྲོག་མི་དམངས་མི་རེའི་ཆ་སྙོམས་ཡོངས་འབབ་སྒོར་6000ལ་སླེབས་པས་ན་ནིང་ལོའི་དུས་མཉམ་ལས་བརྒྱ་ཆ་25.5འཕར་སྣོན་བྱུང་ཡོད་པ་རེད།
    གནས་ཚུལ་དངོས་གཙོ་ཆེར་འཛིན་ནས་འཆམ་མཐུན་ཡོང་བར་སྐུལ་འདེད་བཏང་། མིག་སྔའི་བར་དུ་སླེབས་དུས་ཡུལ་དངོས་སུ་འགན་ལེན་བྱེད་མཁན་འགོ་ཁྲིད་དང་། གྲོང་ཚོར་འགན་གཙང་ལེན་བྱེད་མཁན་སྡེ་ཚན། དུད་ཚང་དུ་རོགས་སྐྱོར་བྱེད་མཁན་གྱི་ལས་བྱེད་པ་སོགས་ཀྱིས་འབྲེལ་འདྲིས་བྱེད་སའི་ཤང་དང་གྲོང་རྡལ། དབུལ་ཕོངས་གྲོང་ཚོ་དང་དུད་ཚང་སོགས་ལ་ཐེངས1354ཕྱིན་ནས་དངོས་ཡོད་དཀའ་ངལ་དང་གནད་དོན་68ཐག་གཅོད་བྱས་པ་དང་། རྣམ་གྲངས8མཐུན་སྦྱོར་བྱས་ནས་རོགས་སྐྱོར་མ་དངུལ་སྒོར་153994དོན་འཁྱོལ་བྱས། ཤང་དང་གྲོང་རྡལ་གྱི་མང་ཚོགས་ལས་ཀའི་ས་ཚུགས18འཛུགས་སྐྲུན་བྱས་ནས་མང་ཚོགས་ལ་སྤུས་ལེགས་དང་ལས་ཆོད་མཐོ་བའི་སྲིད་དོན་ཞབས་ཞུའི་ལས་ཀ་བསྒྲུབས་པ་རེད།（