ཟླ་བ9པའི་ཚེས8ཉིན་ཁུལ་ཨུའི་ཧྲུའུ་ཅི་ཧུའུ་ཁྲང་ཧྲེང་དར་མདོ་རྫོང་གི་རྒྱུ་ལའི་ཤར་རྒྱུད་ཀྱི་ས་ཁུལ་དུཕེབས་ནས་དཔལ་འབྱོར་དང་སྤྱི་ཚོགས་འཕེལ་རྒྱས་བརྟག་དཔྱད་ཞིབ་འཇུག་གནང་བ་རེད།ཁོང་གིས་ནན་གསུང་གནང་སྐབས།དར་མདོ་རྫོང་གི་སྐབས་རིང་བྱུང་གི་ཏང་ཨུ་དང་སྲིད་གཞུང་།རྫོང་ཡོངས་ཀྱི་མི་རིགས་ཁག་གི་མི་དམངས་ཀྱིས་མཉམ་དུ་འབད་བརྩོན་བྱས་འོག་གྲུབ་འབྲས་མངོན་གསལ་དོད་པོ་ཐོབ་ཡོད།དར་མདོ་རྫོང་གི་འཕེལ་རྒྱས་དེ་ལོ་རྒྱུས་ཀྱི་འགོ་འཛུགས་ས་གསར་པ་ཞིག་གི་ཐོག་སླེབས་ཡོད།དང་ཐོག་འཕེལ་རྒྱས་གཏོང་བ་དང་འཕེལ་རྒྱས་གཏོང་རྒྱུར་སྐུལ་ཁྲིད་བྱེད་པ།མཆོངས་བརྒལ་འཕེལ་རྒྱས་གཏོང་རྒྱུ་བཅས་ལ་ཤུགས་བརྒྱབ་ནས་དངོས་གནས་ཁུལ་ཡོངས་ཀྱི་མིག་དཔེ་དང་དར་ཆ་ཞིག་ཏུ་གྱུར་པ་བྱེད་པ་དང་།ཧུར་ཐག་གིས་རྒྱལ་ཡོངས་བོད་ཁུལ་གྱི་ལྗོངས་རྒྱུ་རིག་གནས་དཔེ་སྟོན་རྫོང་དང་རྣམ་པ་གསར་པའི་གྲོང་རྡལ་ཅན་གྱི་འཛུགས་སྐྲུན་གྱི་དཔེ་འདྲ་རྫོང་དུ་བསྐྲུན་གང་ཐུབ་བྱེད་དགོས་ཞེས་ནན་གསུང་གནང་བ།
    ཁུལ་ཨུའི་ཧྲུའུ་ཅི་གཞོན་པ་དང་ཁུལ་སྒྲིག་བཤེར་ཨུ་ལྷན་གྱི་ཧྲུའུ་ཅི་ལིའུ་ཕིང་དང་ཁུལ་ཨུའི་རྒྱུན་ཨུ།དར་མདོ་རྫོང་ཏང་ཨུའི་ཧྲུའུ་ཅི་ཏོན་ཡུས་ཅུན།ཁུལ་ཨུའི་རྒྱུན་ཨུ་།ཁུལ་ཞིང་ལས་ལས་དོན་ཨུ་ལྷན་གྱི་ཀྲུའུ་རེན་དབྱང་ཁའེ་བཅས་ཀྱིས་བརྟག་དཔྱད་ཞིབ་འཇུག་ལྷན་ཕེབས་བྱས།
    ཧུའུ་ཁྲང་ཧྲེང་ལྷན་ཕེབས་དང་བཅས་པས་དར་མདོ་རྫོང་གིས་ཏ་ཧོ་ཀོའུ་སྐྱེ་ཁམས་ཞིང་ལས་ཚན་རྩལ་དཔེ་སྟོན་ལྡུམ་ཁུལ་དུ་ཕེབས་ནས་ཞོག་ཁོག་དང་ཤ་མོ།མི་རྒན་རྣ་ཅོག（ཤིང་ཤ་མོ།）གསོ་འདེབས་དྲོད་ཁང་ཆེན་མོའི་ནང་གི་སོན་རིགས་དང་གཞི་ཁྱོན།རིན་གོང་སོགས་གང་ཅིའི་ཐད་ལ་ཆ་རྒྱུས་ཞིབ་མོར་བླངས་པར་མ་ཟད།ད་དུང་སྒོ་ལྕགས་གྲོང་རྡལ་དུ་ཕེབས་ནས་གྲོང་ཁུལ་དོ་དམ་དང་གནས་སྤོ་ཡུལ་མི་བཀོད་སྒྲིག་ཁང་འཛུགས་སྐྲུན་སོགས་ཀྱི་གནས་ཚུལ་ངོ་སྤྲད་བྱས་པར་གསན་རྗེས།ཉེ་དུས་དུས་ཐོབ་པའི་གྲུབ་འབྲས་ལ་ཁས་ལེན་གང་ལེགས་གནང་བ།
    ཁོང་ད་དུང་སྒོ་ལྕགས་གྲོང་རྡལ་གྱི་མཐའ་འཁོབ་གྲོང་སྡེ་ཧྲན་ཧོ་ཤང་གི་ཨེར་ལང་གྲོང་སྡེ་རུ་ཕེབས་ནས་ཤང་དང་སྡེའི་ལས་བྱེད་པར་ཡུལ་དེ་གའི་ཐོན་སྐྱེད་དང་འཚོ་བའི་གནས་ཚུལ་ཆ་རྒྱུས་ཞིབ་མོ་སྐབས་ཞིང་པའི་ཡོང་འབབ་མ་རྨོས་ལོ་ཏོག་དང་སྲན་ཆེན།སྟར་ག་སོགས་གཙོ་བོ་ཡིན་པས།ན་ནིང་ལོའི་ཆ་སྙོམས་མི་རེའི་ཡོང་འབབ་སྒོར2700ཙམ་ལས་མེད་པ་མཁྱེན་སྐབས་ཁོང་གིས་ཤང་དང་གྲོང་སྡེའི་ལས་བྱེད་པར་གཞི་རིམ་གྱི་ལས་བྱེད་པ་ཞིག་བྱེད་ན་ལྷག་བསམ་རྣམ་དག་དང་དྲང་པོ་དྲང་གཞག་གིས་མི་དམངས་ལ་བྱ་བ་སྒྲུབས་དགོས།རྒྱུན་ཆད་མེད་པར་འཇོན་ནུས་ཆུ་ཚད་མཐོ་རུ་བཏང་ནས་ཏང་གི་བྱེད་ཕྱོགས་དང་སྲིད་ཇུས་མང་ཚོགས་ཀྱི་ཁྲོད་དུ་བརྒྱུད་བསྒྲགས་བྱས་པ་དང་ཧུར་ཐག་གིས་མང་ཚོགས་གནས་ཚུལ་གོང་ལ་ཞུ་བ།ཐབས་བརྒྱ་ཇུས་སྟོང་བླངས་ནས་མང་ཚོགས་ཐུན་མོང་དུ་ཕྱུག་འགྱུར་ཡོང་བ་བྱས་ནས་ལོ་གསུམ་གྱི་ནང་ཚུན་སྡེ་ཡོངས་ཀྱི་ཆ་སྙོམས་མི་རེའི་ཡོང་འབབ་སྒོར4000ཡན་ཆད་ཐོག་མཐོར་འདེགས་གཏང་དགོས་ཞེས་ནན་གསུང་གནང་།
    གཟིགས་ཞིབ་གནང་རིང་དར་མདོ་རྫོང་དེ་ཡར་ངོའི་ཟླ་བ་ལྟར་འཕེལ་རྒྱས་བྱུང་བར་མཐོང་དུས་ཧུའུ་ཧྲུའུ་ཅི་ལགས་དགའ་ཞིང་བློ་བདེ་བ་རེད།དར་མདོ་རྫོང་གི་ལས་ཀའི་སྙན་ཞུ་ཚོགས་འདུའི་ཐོགཧུའུ་ཁྲང་ཧྲེང་ཧྲུའུ་ཅིས་ནན་གསུང་གནང་དོན།དར་མདོ་རྫོང་གིས་དང་ཐོག་འཕེལ་རྒྱས་དང་འཕེལ་རྒྱས་ཁྲིད་སྟོན།མཆོངས་བརྒལ་འཕེལ་རྒྱས་བཅས་བྱས་ནས་འབྱོར་ཕྱུག་ལྡན་ཞིང་མཛེས་སྡུག་ལྡན་པའི་དར་མདོ་རྫོང་སྐྲུན་རྒྱུ་དེ་ལས་འགན་བླ་ན་མེད་པ་དང་།ལས་འགན་ཆེ་ལ་ལས་ཐག་རིང་བ་ཞིག་ཡིན་པས།ཚན་རིགས་དང་མཐུན་པའི་སྒོ་ནས་ས་ཁོངས་ཡོངས་སུ་ཇུས་འགོད་དང་ཚོང་འགུག་དངུལ་འདྲེན་བྱེད་ཤུགས་ཆེ་རུ་གཏོང་བ།ཐོན་ཁུངས་མཐུན་རྐྱེན་ལ་གནས་ཏེ་ཐོན་ལས་མཐུན་རྐྱེན་འཕེལ་རྒྱས་གཏོང་བ་སོགས་བྱས་ནས་ཧུར་ཐག་གིས་དར་མདོ་རྫོང་དེ་རྒྱལ་ཡོངས་ཀྱི་བོད་ཁུལ་ལྗོངས་རྒྱུ་རིག་གནས་དཔེ་སྟོན་རྫོང་དང་རྣམ་པ་གསར་པའི་གྲོང་རྡལ་ཅན་གྱི་འཛུགས་སྐྲུན་འདྲ་དཔེ་རྫོང་ཞིག་བསྐྲུན་དགོས་ཞེས་ནན་གསུང་གནང་།