མིག་སྔའི་བར་དུ་སླེབས་སྐབས།ཁུལ་ཡོངས་སུ་ལེ་ཧྥེང་ལ་སློབ་སྦྱོང་བྱེད་སའི་དཔེར་སྟོན་གནས་རྐང115དང་ལེ་ཧྥེང་ལ་སློབ་སྦྱོང་བྱེད་སའི་དཔེར་སྟོན་ཞབས་ཕྱི་ལྟེ་གནས14ཐོན་པའི་དུས་མཚུངས་སུ།ཁུལ་རིམ་པའི་ལེ་ཧྥེང་ལ་སློབ་སྦྱོང་བྱེད་མཁན་གྱི་དཔེ་བཟང་མི་སྣ20དཔྱད་འདེམས་བྱས་ཡོད།རྫོང་རིམ་པ་ཡན་ཆད་ཀྱི་དཔལ་ཡོན་སྡེ་ཚན1200གྱིས་ལེ་ཧྥེང་ལ་སློབ་སྦྱོང་བྱེད་པའི་བྱེད་སྒོ་སྤེལ་ནས་མིའི་ཐེངས་གྲངས15000ལེ་ཧྥེང་གི་སྙིང་སྟོབས་དར་སྤེལ་གཏོང་མཁན་གྱི་དང་ལེན་པ་བྱས་ཡོད།
    ཉེ་ཆར།རང་ཁུལ་གྱི་ཕྱུགས་འབྲོག་སྡེ་ཁག་གིས་ཁུལ་ཡོངས་ཀྱི་ཤང༼གྲོང་རྡལ།༽352ཀྱི་ཕྱུགས་སྨན་ས་ཚུགསདང་ཕྱུགས་སྨན་བདག་གཉེར་བྱེད་མཁན་ཁེ་ལས་ཀྱིས་ཕྱུགས་སྨན་བཀོལ་སྤྱོད་བྱེད་ཚུལ་ཆེད་དམིགས་ཞིབ་བཤེར་བྱས་ཡོད།
    ཞིང་ཆེན་གྱི་རྒྱ་སྨན་སྨན་རྫས་ཐོན་ཁུངས་ཡོངས་ཁྱབ་ཞིབ་བཤེར་དཀར་མཛེས་རུ་ཆེན་གྱི་ཞིང་ཆེན་རིམ་པའི་ཆེད་ལས་་མཁས་ཅན་དང་ཁུལ་འཕྲོད་བསྟེན་ཅུས་ཀྱི་འབྲེལ་ཡོད་འགན་ཁུར་མི་སྣ་ལས་གྲུབ་པའི་ལས་སྒྲུབ་ཚོ་ཆུང་གིས་ཉེ་ཆར་རང་ཁུལ་གྱི་དར་མདོ་དང་།ལི་ཐང་།འདབ་པ་བཅས་ཚོད་ལྟའི་ལས་ཀ་སྤེལ་བའི་རྫོང་གསུམ་ལ་ཁག་བགོས་ནས་རྒྱ་སྨན་སྨན་རྫས་ཀྱི་ཐོན་ཁུངས་ཡོངས་ཁྱབ་ཞིབ་བཤེར་གྱི་ལས་ཀའི་གྲོས་ཚོགས་འཚོགས་པར་མ་ཟད།ཡོངས་ཁྱབ་ཞིབ་བཤེར་གྱི་དུས་སྐབས་སྔ་མའི་ལས་ཀར་བཀོད་སྒྲིག་དང་ཡུལ་དངོས་སུ་ཁྲིད་སྟོན་བྱས་པ་རེད།
      ཉེ་ཆར།འབའ་ཐང་རྫོང་གི་རྫོང་ཨུའི་དྲིལ་བསྒྲགས་པུའུ་ཡིས་རྫོང་དེའི་འབྲེལ་ཡོད་སྡེ་ཁག་སྒྲིག་འཛུགས་བྱས་ཏེ་ཆེད་དོན་ལས་ཀའི་གྲོས་ཚོགས་འཚོགས་ནས།ད་ལོར་རིག་གནས་དང་།འཕྲོད་བསྟེན།ཁྲིམས་ལུགས།ཚན་རྩལ།ཆ་འཕྲིན་བཅས་གྲོང་གསེབ་ཏུ་སྐྱེལ་བའི་བྱེད་སྒོ་སྤེལ་བའི་ཐད་གཅིག་གྱུར་གྱི་བཀོད་སྒྲིག་བྱས་པ་རེད།