སྔར་ལྷག་གིས་རང་ཁུལ་གྱི་གཞུང་ལམ་འགྲུལ་སྐྱེལ་ཁེ་ལས་ཀྱི་ཉེན་མེད་ཐོན་སྐྱེད་ཀྱི་ལས་ཀ་ཤུགས་སྣོན་རྒྱག་པ་དང་།འབྱུང་རྩ་ནས་གཞུང་ལམ་འགྲིམ་འགྲུལ་སྐྱེལ་འདྲེན་གྱི་བྱུར་རྐྱེན་ཚབས་ཆེན་བུད་པར་སྔོན་འགོག་དང་བཀག་སྡོམ་བྱེད་ཆེད།ཟླ་བ3པའི་ཚེས26ཉིན་ཁུལ་འགྲིམ་འགྲུལ་སྐྱེལ་འདྲེན་ཅུས་དང་།སྤྱི་བདེ་ཅུས།བདེ་འཇགས་ལྟ་སྐུལ་ཅུས་བཅས་ལས་གྲུབ་པའི་མཉམ་འབྲེལ་ཞིབ་བཤེར་ཚོ་ཆུང་དེ་ཁུལ་ཁོངས་གཏོགས་ཀྱི་ཁྲོན་བོད་སྐྱེལ་འདྲེན་ལས་རིགས་ཀུང་སི་གསར་པ་དང་ཁུལ་ཁོངས་གཏོགས་ཀྱི་དར་མདོའི་འགྲུལ་སྐྱེལ་ས་ཚུགས་སུ་ཕྱིན་ནས་སྐྱེལ་འདྲེན་ལས་རིགས་ཀུང་སིའི་བདེ་འཇགས་ཐོན་སྐྱེད་ཀྱི་ལམ་ལུགས་དོན་འཁྱོལ་བྱེད་ཚུལ་དང་།སྐྱེལ་འདྲེན་ཁེ་ལས་ཀྱི་ཚོང་གཉེར་ཐོབ་ཐང་།སྐྱེལ་འདྲེན་རླངས་འཁོར་དོ་དམ་བྱེད་ཚུལ།ལས་སྒྲུབ་མི་སྣར་དོ་དམ་བྱེད་ཚུལ།དར་མདོའི་འགྲུལ་སྐྱེལ་ས་ཚུགས་ཀྱིས་འགྲིམ་འགྲུལ་སྐྱེལ་འདྲེན་དོན་འཁྱོལ་པུའུ་ཡི་《རླངས་འཁོར་འགྲུལ་སྐྱེལ་ས་ཚུགས་ཀྱི་བདེ་འཇགས་དོ་དམ་ཚད་ལྡན་སྐོར་གྱི》འབྲེལ་ཡོད་གཏན་འབེབས་ཀྱི་གནས་ཚུལ་སོགས་ལ་ཞིབ་བཤེར་བྱས་པར་མ་ཟད།ཁྲོན་བོད་སྐྱེལ་འདྲེན་ལས་རིགས་ཀུང་སི་གསར་པ་དང་བཞུགས་མོལ་གྲོས་ཚོགས་འཚོགས་ནས་ཞིབ་བཤེར་བྱེད་རིང་དུ་གནད་པའི་གནད་དོན་དང་མི་འདང་སར་བསམ་བློ་བརྗེ་རེས་བྱས་པ་རེད།ཐེངས་འདིའི་ཞིབ་བཤེར་ལས་ཀའི་ནང་གཙོ་བོ་འགྲིམ་འགྲུལ་སྐྱེལ་འདྲེན་ལས་རིགས་ཀྱི་མངོན་མེད་རྐྱེན་ངན་མེད་པ་བཟོ་བ་དང་ལེགས་བཅོས་བྱས་པས།འགན་ཤོབ་རྐྱེན་གོད་ཚབས་ཆེན་གཏན་འགག་བྱས་ནས་ཁུལ་ཡོངས་ཀྱི་འགྲིམ་འགྲུལ་སྐྱེལ་འདྲེན་ལས་རིགས་ཀྱི་བདེ་འཇགས་ཐོན་སྐྱེད་ཀྱི་ལས་ཀ་བརྟན་པོའི་ངང་འགྱུར་ལྡོག་ཡག་པོ་བྱུང་ཡོད།ཤེས་རྟོགས་བྱུང་བར་གཞིགས་ན།ཐེངས་འདིའི་ཆེད་གཉེར་རྣམ་གྲངས་ཞིབ་བཤེར་གྱི་ལས་ཀ་རྒྱུན་མཐུད་ཉིན་ལྔ་ལ་སྤེལ་བར་མ་ཟད།ད་དུང་རང་ཁུལ་གྱི་ཡ་ཁེ་སྐྱེལ་འདྲེན་ལས་རིགས་ཀུང་སི་དང་།ཤམ་བྷ་ལའི་ལྗོངས་རྒྱུ་ལས་རིགས་ཀུང་སི།མི་རྒོད་མཚོའི་མཛེས་ཁུལ་ལྟ་སྐོར་བྱེད་པའི་སྐྱེལ་འདྲེན་ཀུང་སི།གངས་དཀར་རི་བོའི་འཁྱགས་རོམ་ལྗོངས་རྒྱུ་སྐྱེལ་འདྲེན་ཀུང་སི།དུང་དཀར་ལུང་པའི་མཛེས་ཁུལ་གྱི་ལྟ་སྐོར་སྐྱེལ་འདྲེན་ཀུང་སི་སོགས་གཞུང་ལམ་ལམ་མགྲོན་སྐྱེལ་འདྲེན་ཁེ་ལས་སོགས་ལ་ཉེན་མེད་ཐོན་སྐྱེད་ཀྱི་ཕྱོགས་བསྡུས་ཞིབ་བཤེར་བྱས་པ་རེད།