ཁྲིམས་ལུགས་བརྗོད་བྱ་གཙོ་བོ་བྱས་པའི་དྲིལ་བསྒྲགས་ཟླ་བ་འགོ་ཚུགས་པ་ནས་བཟུང་།འབའ་ཐང་རྫོང་གིས་ལས་ཁུངས་ཀྱི་ལས་བྱེད་མི་སྣ་དང་།ཞིང་འབྲོག་མང་ཚོགས།དམའ་རིམ་སློབ་གྲྭ་འབྲིང་ཆུང་གི་སློབ་མ་སོགས་དྲིལ་བསྒྲགས་སློབ་གསོ་བྱ་ཡུལ་གཙོ་བོ་བྱས་ཏེ་ཕུན་སུམ་ཚོགས་པའི་བྱེད་སྒོ་སྤེལ་བ་རེད།
     རྫོང་དེའི་བུད་མེད་མཉམ་འབྲེལ་གྱིས་སྣེ་ཁྲིད་འོག་གུང་གཞོན་ཚོགས་པའི་ཨུ་ལྷན་དང་།བཟོ་ཚོགས་ཨུ་ལྷན།དབང་པོ་སྐྱོན་ཅན་གྱི་མཉམ་འབྲེལ་ལྷན་ཚོགས།ཁྲིམས་འཛིན་ལས་ཁུངས་སོགས་སྒྲིག་འཛུགས་བྱས་ནས་འབའ་ཐང་རྫོང་མཁར་གྱི་ལྟེ་གནས་སུ་བུད་མེད་ཀྱི་ཁྲིམས་མཐུན་ཁེ་དབང་སྲུང་སྐྱོང་བྱེད་པའི་གཟའ་འཁོར་གྱི་གཅིག་བསྡུས་དྲིལ་བསྒྲགས་བྱེད་སྒོ་སྤེལ་ནས།བཅའ་ཁྲིམས་དང་ཁྲིམས་ལུགས་ཀྱི་བརྗོད་བྱ་གཙོ་བོ་བྱས་པའི་དྲིལ་བསྒྲགས་ཟླ་བའི་བྱེད་སྒོ་སྤེལ་འགོ་ཚུགས་པ་རེད།རྫོང་ཁྲིམས་འཛིན་ཅུས་དང་།བདེ་འཇགས་ལྟ་སྐུལ་ཅུས།སློབ་གསོ་ཅུས་བཅས་ཀྱིས་འབའ་ཐང་རྫོང་གི་དམའ་རིམ་སློབ་འབྲིང་དུ་དཔྱིད་ཀའི་སློབ་དུས་ཀྱི་ཁྲིམས་ལུགས་སློབ་གསོ་དང་ཚེ་སྲོག་ཉེན་མེད་བདེ་འཇགས་ཀྱི་སློབ་གསོའི་ཚོགས་ཆེན་ཞིག་འཚོགས་ནས།ལོ་འཁོར་འདིའི་བཅའ་ཁྲིམས་སློབ་གྲྭ་རུ་སྐྱེལ་བའི་བྱེད་སྒོ་དེ་སྤེལ་འགོ་ཚུགས་པ་རེད།རྫོང་དེའི་རིག་གནས་དང་ལྗོངས་རྒྱུ་རྒྱང་བསྒྲགས་ལུས་རྩལ་ཅུས་དང་།བདེ་འཇགས་ལྟ་སྐུལ་ཅུས།མི་དོན་ཅུས།བྱིས་པ་ཁང་སོགས་སྡེ་ཚན་གྱིས་ཁག་བགོས་ནས་བཅའ་ཁྲིམས་སློབ་སྦྱོང་དང་།བཅའ་ཁྲིམས་ཤེས་པ།ཁྲིམས་ལུགས་བརྩི་སྲུང་བཅས་ཀྱི་བཞུགས་མོལ་དང་བསམ་བློ་བརྗེ་རེས་ཀྱི་གྲོས་ཚོགས་འཚོགས་པ་དང་།རྒྱ་ཆེའི་ལས་བྱེད་པ་དང་ལས་བཟོ་སྒྲིག་འཛུགས་བྱས་ནས་ལྷག་པར་དུ་བུད་མེད་བློ་མཐུན་ལ《གཉེན་སྒྲིག་བཅའ་ཁྲིམས》དང་《བུད་མེད་ཀྱི་ཁེ་དབང་འགན་སྲུང་གི་བཅའ་ཁྲིམས》སོགས་ཀྱི་བཅའ་ཁྲིམས་དང་ཁྲིམས་སྲོལ་སློབ་སྦྱོང་བྱས།སྡེའུ་དང་།མུ་གཏོར།རྒྱ་དབྱིངས་སོགས་ཤང་དང་གྲོང་རྡལ་གྱིས་ཁག་བགོས་ནས་གྲོང་ཚོ་ཡོངས་ཀྱི་ལས་བྱེད་མང་ཚོགས་སྒྲིག་འཛུགས་བྱས་ཏེ་《གཉེན་སྒྲིག་བཅའ་ཁྲིམས》དང་《འཆར་ལྡན་བུ་བཙའི་བཅའ་ཁྲིམས》སོགས་རབ་དང་རིམ་པའི་བཅའ་ཁྲིམས་དང་ཁྲིམས་སྲོལ་གྱི་ཤེས་བྱ་སློབ་སྦྱོང་བྱས་པར་མ་ཟད་བཅའ་ཁྲིམས་གྲོང་ཚོ་དང་དུད་ཚང་སོ་སོ་བསྐྱལ་བ་རེད།