བཅིངས་འགྲོལ་བཏང་ནས་ད་ལྟའི་བར་དུ་སླེབས་སྐབས།སྐབས་རིམ་བྱུང་གི་ཏང་ཨུ་དང་སྲིད་གཞུང་གིས་རང་ཁུལ་གྱི་ཞིང་འབྲོག་ས་ཁུལ་གྱི་ཡུལ་གྲུ་ཀུན་ཏུ་སློབ་གྲྭ་འཛུགས་གཉེར་བྱས་ནས་རྗེས་རབས་པ་ཚོའི་རྨོངས་པ་རབ་ཏུ་སེལ་ནས་ཤེས་རིག་ཡོན་ཏན་གྱིས་ཕྱུག་པའི་རྣམ་པ་བཟང་པོ་ཞིག་བྱུང་དང་འབྱུང་བཞིན་ཡོད་པ་རེད།
  འབྲེལ་ཡོད་དཔྱད་གཞིའི་ཡིག་རིགས་སུ་བཀོད་པ་ལ་གཞིགས་ན། བཅིངས་འགྲོ་སྔོན་དུ་ཁུལ་ཡོངས་སུ་སློབ་གྲྭ་42ཡོད་པར་སློབ་མ་3194ཡོད་པ་རེད། དེའི་ནང་ནས་གྲངས་ཉུང་མི་རིགས་ཀྱི་སློབ་མ་225ཡོད་པས་བརྒྱ་ཆ་8མ་གཏོགས་བཟུང་མེད། རང་སྐྱོང་ཁུལ་བཙུགས་རྗེས་མི་རིགས་སློབ་གསོའི་བྱ་གཞག་ཉིད་སྐྱོན་བྲལ་ངང་འཕེལ་རྒྱས་ཀྱི་ལམ་བུ་ཞིག་ཏུ་སྐྱོད་འགོ་ཚུགས།  རང་སྐྱོང་ཁུལ་འཛུགས་མ་ཐག་སློབ་ཆུང་41མ་གཏོགས་མེད་ཀྱང་1990ལོར་སླེབས་སྐབས་སློབ་ཆུང་སློབ་གྲྭ་801ཐོག་འཕེལ་རྒྱས་འགྲོ་བ་དང་། སློབ་གྲྭའི་ནང་སློབ་སྦྱོང་བྱེད་བཞིན་པའི་སློབ་མ་61876ནང་གྲངས་ཉུང་མི་རིགས་ཀྱི་སློབ་མས་བརྒྱ་ཆ་71.8བཟུང་བ་རེད། མི་རིགས་སློབ་འབྲིང་དེ་ཁུལ་འཛུགས་མ་ཐག་གི་སློབ་གྲྭ1ནས་སློབ་གྲྭ་43ཐོག་འཕེལ་རྒྱས་བྱུང་ཡོད་པ་དང་། སློབ་གྲྭའི་ནང་སློབ་སྦྱོང་བྱེད་བཞིན་པའི་སློབ་མ་15208ཡོད། གྲངས་ཉུང་མི་རིགས་ཀྱི་སློབ་མས་བརྒྱ་ཆ་49བཟུང་བ་རེད། མི་རིགས་འབྲིང་རིམ་ཆེད་སྦྱོང་སློབ་གྲྭ་7ལ་ཟིན་པའི་ནང་སློབ་སྦྱོང་བྱེད་བཞིན་པའི་སློབ་མ2111ཡོད། གྲངས་ཉུང་མི་རིགས་ཀྱི་སློབ་མས་བརྒྱ་ཆ་57.8བཟུང་བ་རེད། མི་རིགས་མཐོ་རིམ་དགེ་འོས་ཆེད་སྦྱོང་སློབ་གྲྭ་གཅིག་གི་ནང་སློབ་སྦྱོང་བྱེད་བཞིན་པའི་སློབ་མ་682ཡོད་ཅིང་། སློབ་གྲྭ་ཆེ་འབྲིང་ཆུང་གསུམ་གྱི་དགེ་རྒན་དེ་ཁུལ་འཛུགས་མ་ཐག་གི་118ནས་5886གི་ཐོག་སླེབས་ཡོད་པ་དང་གྲངས་ཉུང་མི་རིགས་དགེ་རྒན་གྱིས་དགེ་རྒན་བསྡོམས་གྲངས་ཀྱི་བརྒྱ་ཆ་49བཟུང་བ་རེད། 1991ལོ་ནས་ད་བར་དུ་རང་ཁུལ་གྱི་སློབ་གསོ་བྱ་གཞག་དེ་ཕྱོགས་བསྡུས་རྒྱལ་ཤུགས་ཇེ་དྲག་འགྲོ་བ་དང་ཆབས་ཅིག སྔར་བྱུང་མ་མྱོང་བའི་འཕེལ་རྒྱས་འགྲོ་བཞིན་ཡོད་པ་རེད། མི   ་ཉག་ས་ཁུལ་དུ་དགེ་རྒན་གྱི་ལས་དོན་སྒུབ་བཞིན་པའི་ཟླ་བས་མི་རིགས་སོ་སོའི་ཆབ་སྲིད་དང་དཔལ་འབྱོར། རིག་གནས་བཅས་ཀྱི་ཐད་ལ་ཡར་རྒྱས་ཡོང་མིན་ནི་ཤེས་ལྡན་མི་སྣའི་བྱང་ཚད་དང་སློབ་གསོའི་སྤུས་ཀ་ལེགས་ཉེས་ལ་རག་ལས་པ་རེད།  རྒྱལ་ཁབ་ཀྱི་ཡང་དག་པའི་བྱེད་ཕྱོགས་སྲིད་ཇུས་ཀྱི་དྲིན་ལ་བརྟེན་ནས་མི་རིགས་སློབ་གསོའི་བྱ་གཞག་ལ་དཔྱིད་ཀྱི་དཔལ་ཡོན་ཤར་བ་ནང་བཞིན་གྱི་རྣམ་པ་གསར་པ་ཞིག་ཐོན་དང་འཐོན་མུས་སུ་མཆིས། གོ་སྐབས་དེ་དང་བསྟུན་ནས་ཞིང་འབྲོག་མང་ཚོགས་རྣམས་ཀྱིས་ཀྱང་རང་ཉིད་ཀྱི་བུ་རྒྱུད་སློབ་གྲྭར་གཏོང་གང་ཐུབ་བྱས་པ་དང་། དགེ་རྒན་རྣམ་པས་བློ་རྩེ་གཅིག་སྒྲིམ་དང་དཀའ་སྤྱད་སྡུག་རུས་ཀྱིས་སློབ་ཁྲིད་བྱས་མཐར་ད་ལྟ་སློབ་གྲྭ་ཆེ་འབྲིང་ཆུང་གསུམ་དུ་སློབ་སྦྱོང་བྱེད་བཞིན་པའི་སློབ་མ་དང་སྤྱི་ཚོགས་ཐོག་ལས་དོན་སྒྲུབ་བཞིན་པའི་ལས་བྱེད་པ་སོགས་ཤེས་ལྡན་མི་སྣ་བགྲང་ལས་འདས་པ་ཞིག་མཆིས། དེ་དག་ཚང་མ་ནི་དཀར་མཛེས་ཁུལ་སློབ་གསོ་འཕེལ་རྒྱས་སོང་བའི་གྲུབ་འབྲས་ཡིན་ཞེས་མྱོང་ཚོར་ཟབ་མོས་སྨྱུག་འཛིན་པར་ལྷུག་བརྗོད་བྱས་བྱུང་།