《སི་ཁྲོན་ཞིང་ཆེན་མི་དམངས་སྲིད་གཞུང་གི་འབྲོག་ཁུལ་མཆོང་རྒལ་འཕེལ་རྒྱས་ཡོང་བར་སྐུལ་འདེད་མགྱོ གས་པོ་གཏོང་རྒྱུའི་སྐོར་གྱི་གྲོས་གཞི་》དེ་ཉེ་ཆར་འོག་ཏུ་བཀྲམས་པ།《གྲོས་གཞིའི་》ནང་རང་རེའི་ཞིང་ཆེན་གྱི་འབྲོག་ཁུལ་མཆོང་རྒལ་འཕེལ་རྒྱས་ཡོང་བའི་དམིགས་འབེན་གསལ་པོ་བཏོན་པ།ལོ5ནས་ལོ10བར་གྱི་དུས་ཚོད་ནང་རང་རེའི་ཞིང་ཆེན་གྱི་དཔལ་འབྱོར་སྤྱི་ཚོགས་འཕེལ་རྒྱས་ལ་ཚོད་འཛིན་བྱེད་པའི་ཁྱོན་ཡོངས་ཀྱི་རང་བཞིན་དང་རྩ་བའི་རང་བཞིན་གྱི་གནད་དོན་ཐག་གཅོད་ཤུགས་ཆེན་བྱས་ནས་འབྲོག་ཁུལ་མཆོང་རྒལ་འཕེལ་རྒྱས་མངོན་འགྱུར་ཡོང་བ་བྱས་ནས2020ལོར་སླེབས་དུས་ཞིང་ཆེན་ཡོངས་དང་མཉམ་དུ་འབྱོར་འབྲིང་སྤྱི་ཚོགས་མངོན་འགྱུར་ཡོང་བ་བྱ་རྒྱུ།
《གྲོས་གཞིའི་》ནན་པོ་བསྟན་དོན།ངེས་པར་དུ་འབྲོག་ཁུལ་གྱི་དོན་དངོས་ལ་གཞིགས་ནས་སྐྱེ་ཁམས་སྲུང་སྐྱོང་བྱ་རྒྱུས་སྔོན་འགྲོ་བྱེད་པ་དང་།སྐྱེ་ཁམས་ཐོན་ལས་འཕེལ་རྒྱས་གཏོང་རྒྱུས་གཙོ་གནད་བྱས་ནས་སྐྱེ་ཁམས་དམིགས་བསལ་གྱིས་སྔོན་དུ་སྤེལ་བ་དང་།མཐུན་སྦྱོར་འཕེལ་རྒྱས།།དམངས་འཚོ་ལེགས་བཅོས།ཡུལ་བབ་དང་བསྟུན་ནས་རིགས་བགོས་ཁྲིད་སྟོན།བཅོས་བསྒྱུར་ཟབ་སྤེལ།སྒོ་རྒྱ་ཆེ་རུ་ཕྱེ་བ།རང་རྟོགས་རང་སྤེལ།སྲིད་གཞུང་གི་རྒྱབ་སྐྱོར་བྱེད་པའི་རྩ་དོན་རྒྱུན་འཁྱོངས་བཅས་བྱས་ནས་འབྲོག་ཁུལ་མཆོང་རྒལ་འཕེལ་རྒྱས་ཡོང་བར་སྐུལ་འདེད་གཏོང་དགོས།
《གྲོས་གཞིའི་》ནང2015ལོར་སླེབས་དུས་སྒོ་ཀུན་ནས་རྩྭ་ཐང་འགན་གཙང་ལེན་དང་རྩ་བའི་རྩྭ་ཐང་གི་ས་མཚམས་གཅོད་རྒྱུ་གཏན་འབེབས་ལས་ཀ་འགྲུབ་པ་བྱ་རྒྱུ།འབྲོག་ཁུལ་གྱི་གཞིས་ཆགས་ས་དང་དབྱིས་རིགས་ཁྱིམ་ཚང་གི་གྲོང་ཚོའི་སྤྱི་པའི་ཞབས་ཞུ་བའི་སྒྲིག་ཆས་ཆ་ཚང་སྒྲིག་རྒྱུ་རྩ་བའི་ཐོག་མངོན་འགྱུར་ཡོང་བ་བྱ་རྒྱུ་དང་།འབྲོག་པའི་ཡོང་འབབ་དེ་ཞིང་ཆེན་ཡོངས་ཀྱི་ཆ་སྙོམས་ཆུ་ཚད་ལ་ཉེ་བ་བྱ་རྒྱུ།ས་ཁུལ་གྱི་ཐོན་སྐྱེད་རིན་ཐང་དེ2010ལོའི་རྨང་གཞིའི་ཐོག་ལྡབ1ཡན་ཆད་འཕར་སྣོན་ཡོང་བ་བྱས་ནས་རང་རེའི་འཕེལ་རྒྱས་གཏོང་ནུས་བརྟན་པོའི་ངང་མཐོ་རུ་གཏོང་རྒྱུ།གཞི་རྩའི་ཐོག་སྤྱི་པའི་ཞབས་འདེགས་ཞུ་ནུས་མངོན་གསལ་དུ་མཐོ་རུ་གཏོང་རྒྱུ་རེད།
2020ལོར་སླེབས་དུས་སྒོ་ཀུན་ནས་རྩྭ་ཕྱུགས་དོ་སྙོམས་མངོན་འགྱུར་ཡོང་བ་བྱས་ནས་གཞི་རྩའི་ཐོག་ལྟོས་བཅས་ཀྱི་དབུལ་ཕོངས་རེད་ཚུལ་སེལ་བ་བྱས་ནས་འབྲོག་པའི་ཡོང་འབབ་དེ་ཞིང་ཆེན་ཡོངས་ཀྱི་ཆ་སྙོམས་ཆུ་ཚད་ཐོག་སླེབས་པ་བྱ་རྒྱུ།ཐོན་སྐྱེད་རིན་ཐང་བསྡོམས་འབོར་དེ2015ལོའི་རྨང་གཞིའི་ཐོག་ལྡབ་གཅིག་ཡན་ཆད་འཕར་བ་བྱ་རྒྱུ།ནང་ཁུལ་གྱི་གཞི་སྒྲིག་དེ་བས་འཐུས་ཚང་ཡོང་བ་འཕེལ་རྒྱས་གཏོང་རྒྱུ།གཞི་རྩའི་ཐོག་སྤྱི་པའི་ཞབས་འདེགས་ཞུ་ནུས་དེ་ཞིང་ཆེན་ཡོངས་ཀྱི་ཆ་སྙོམས་ཆུ་ཚད་ཐོག་སླེབས་པ་བྱ་རྒྱུ།སློབ་གསོ་དང་།རིག་གནས།འཕྲོད་བསྟེན།ལུས་རྩལ་སོགས་སྤྱི་ཚོགས་ཀྱི་བྱ་གཞག་སྒོ་ཀུན་ནས་ཡར་ཐོན་ཡོང་བ་བྱ་རྒྱུ།རྒྱལ་སྤྱིའི་སྤུས་དག་ཁྱད་རྟགས་ཀྱི་ལྗོངས་རྒྱུ་ལམ་ཚོ་གཅིག་བཟོ་སྐྲུན་བྱས་ནས་འབྲོག་ཁུལ་འཛུགས་སྐྲུན་བྱ་རྒྱུ་དེ་གལ་འགངས་ཆེ་བའི་འཛམ་གླིང་གི་ལྗོངས་རྒྱུའི་དམིགས་ཡུལ་དུ་འགྱུར་བ་བྱ་རྒྱུ།ལྗོངས་རྒྱུ་ལས་སྒོས་ཞིང་འབྲོག་པའི་གཏན་འཇགས་ལས་ཞུགས་དང་རྒྱུན་མཐུད་ངང་ཡོང་འབབ་འཕར་བར་སྐུལ་ཁྲིད་དང་སྐུལ་འདེད་གཏོང་རྒྱུ།
སྐྱེ་ཁམས་ཀྱི་ཁྱད་ཐོན་ཐོན་ལས་འཕེལ་རྒྱས་ཤུགས་ཆེན་བཏང་ནས་འབྲོག་པའི་ཐོན་རྫས་བསྒྱུར་དང་ལས་སྤོ་བྱ་རྒྱུར་སྐུལ་འདེད་གཏོང་རྒྱུ།འབྲོག་ཁུལ་གྱིས་རྒྱ་ཡུལ་དང་ཐོན་ལས་ལྡུམ་ར་མཉམ་ལས་མཉམ་སྐྲུན་བྱས་ནས་“ཡུལ་བསྐལ་དཔལ་འབྱོར་འཕེལ་རྒྱས་”གཏོང་རྒྱུར་སྐུལ་མ་དང་རྒྱབ་སྐྱོར་བྱ་རྒྱུ།དམངས་འཚོ་ལེགས་བཅོས་གཏོང་རྒྱུར་དམིགས་ནས་《གྲོས་གཞིའི་》ནང་ནན་པོ་བསྟན་རྒྱུར།འབྲོག་ཁུལ་གྱི་རྨང་གཞི་སྒྲིག་ཆས་འཛུགས་སྐྲུན་བྱ་རྒྱུར་ཤུགས་སྣོན་བརྒྱབ་ནས་འབྲོག་ཁུལ་གྱི་སྤྱི་པའི་ཞབས་འདེགས་ཞུ་ནུས་མཐོ་རུ་གཏོང་བ་དང་།འབྲོག་ཁུལ་གྱི་འཕེལ་རྒྱས་གཏོང་བའི་ཆ་རྐྱེན་ལེགས་བཅོས་གཏོང་རྒྱུ།
བོད་ཁུལ་གྱི་གཞིས་ཆགས་བྱ་སྤྱོད་འཆར་གཞི་དང་དབྱིས་རིགས་ཁྱིམ་ཚང་གི་གྲོང་ཚོ་གསར་པ་འཛུགས་སྐྲུན་བྱ་རྒྱུར་སྐུལ་འདེད་བཏང་ནས་ཆ་ཚང་བའི་སྒྲིག་ཆས་འཛུགས་སྐྲུན་དམ་འཛིན་བྱ་རྒྱུ།འབྲོག་ཁུལ་དུ་ངོས་སྦྲེལ་གསར་སྦོལ་དང་ཕྱོགས་བསྡུས་བཅོས་སྐྱོང་ལག་བསྟར་བྱས་ནས་དབུལ་སྐྱོར་བྱ་ཡུལ་འཕེལ་རྒྱས་གཏོང་ནུས་མཐོ་རུ་གཏོང་རྒྱུ།གཙོ་གནད་དུ་ཞག་སྡོད་ལམ་ལུགས་ཀྱི་སློབ་གྲྭའི་ཚད་ལྡན་ཅན་འཛུགས་སྐྲུན་བྱས་ནས་འབྲོག་ཁུལ་གྱི་འོས་འགན་སློབ་གསོའི་དུས་རིམ་གྱི་ཁྱིམ་ཚང་གི་དཔལ་འབྱོར་ཐད་དཀའ་ངལ་ཡོད་པའི་ཞག་སྡོད་བྱེད་མཁན་སློབ་མ་ལ་འཚོ་བའི་ཁ་གསབ་རོགས་དངུལ་སྟེར་རྒྱུའི་ཚད་གཞི་རིམ་བཞིན་མཐོ་རུ་གཏོང་རྒྱུ།2015ལོར་སླེབས་དུས་འབྲོག་ཁུལ་གྱི་རྣམ་པ་གསར་པའི་མཉམ་ལས་སྨན་བཅོས་ནང་ཞུགས་ཚད་གཏན་འཇགས་རེད་ཚད་བརྒྱ་ཆ95ཡན་ཆད་ཐོག་སླེབས་པ་བྱ་རྒྱུ་དང་།སྲིད་གཞུང་གི་སྨན་བཅོས་འགན་སྲུང་གི་ཁ་གསབ་རོགས་དངུལ་གྱི་ཚད་གཞི་དང་རྩིས་ཐོ་འགོད་པའི་བསྡུར་ཚད་དེ་གཅིག་གྱུར་འཆར་འགོད་ཀྱི་རིམ་གྲས་སུ་རིམ་བཞིན་མཐོ་རུ་གཏོང་རྒྱུ།
《གྲོས་གཞིའི་》ནང་ནན་པོ་བསྟན་དོན།མང་ཚོགས་ཀྱི་བློ་འདོད་ལ་བརྩི་སྲུང་གང་ལེགས་ཞུས་ནས་འབྲོག་པའི་ཧུར་བརྩོན་དང་རང་འགུལ་གྱིས་ཞུགས་འདེགས་ཞུས་ནས་འབྲོག་ཁུལ་འཛུགས་སྐྲུན་བྱ་རྒྱུར་སྣེ་ཁྲིད་བྱ་རྒྱུ།འབྲོག་ཁུལ་གྱི་རྨང་གཞི་སྒྲིག་ཆས་ཀྱི་རྣམ་གྲངས་འཛུགས་སྐྲུན་བྱེད་སྐབས་ཚན་རིག་ལ་བརྩི་མཐོང་བྱེད་པ་དང་།ས་ཁད་མཐོ་བའི་ས་ཁུལ་འཛུགས་སྐྲུན་གྱི་ཆོས་ཉིད་ལ་བརྩི་སྲུང་ཞུ་རྒྱུ།རྣམ་གྲངས་དོ་དམ་ནན་པོ་བྱས་ནས་ཨར་ལས་ཀྱི་སྤུས་ཀ་དང་མ་དངུལ་ཉེན་མེད་ཡོང་བར་ཁག་ཐེག་བྱ་རྒྱུ་རེད།
རྩྭ་ཐང་སྲུང་སྐྱོང་འཛུགས་སྐྲུན་བྱ་རྒྱུར་ཤུགས་སྣོན་རྒྱག་རྒྱུར་དམིགས་ནས་འབྲི་ཆུའི་སྟོད་རྒྱུད་ཀྱི་སྐྱེ་ཁམས་སྲུང་ཡོལ་བཟོ་སྐྲུན་བྱ་རྒྱུའི་ཐད་《གྲོས་གཞིའི་》ནང་བསྟན་རྒྱུར།རང་རེའི་ཞིང་ཆེན་གྱི་འབྲོག་ཁུལ་དེ་སྒོ་ཀུན་ནས་གཞི་རྩའི་ཐོག་རྩྭ་ཐང་སྲུང་སྐྱོང་གི་ལམ་ལུགས་སྒོ་ཀུན་ནས་དོན་འཁྱོལ་བྱ་རྒྱུ།རྩྭ་ཐང་སྐྱེ་ཁམས་སྲུང་སྐྱོང་ཁ་གསབ་རོགས་དངུལ་གྱི་བྱ་དགའི་ནང་རྐྱེན་འཛུགས་པ་དང་འཐུས་སྒོ་ཚང་དུ་གཏོང་བ་དང་།ཕྱུགས་འཚོལ་བཀག་རྒྱ་བྱེད་པར་ཁ་གསབ་རོགས་དངུལ་དང་རྩྭ་ཕྱུགས་དོ་སྙོམས་ཀྱི་བྱ་དགའ་སྟེར་རྒྱུ་ལག་བསྟར་བྱས་ནས་འབྲོག་པའི་ཕྱུགས་ཟོག་ཉུང་དུ་ཕྱིན་ནའང་ཡོང་འབབ་དམའ་རུ་མི་འགྲོ་བ་བྱ་རྒྱུ་བཅས་རེད།