ཟླ་བ་དང་པོའི་ཚེས30ཉིན་རོང་བྲག་རྫོང་ཨུ་དང་རྫོང་སྲིད་གཞུང་གིས་སྒྲིག་འཛུགས་བྱས་པའི་དཔྱིད་གསར་སྐབས་ཀྱི་འཚམས་འདྲི་དང་རིག་གནས་གྲོང་གསེབ་ཏུ་སྐྱེལ་བའི་བྱེད་སྒོ་དེ་བྲག་འགོ་གྲོང་རྡལ་དུ་སྤེལ་བ་རེད།འདི་ནི་དཔྱིད་གསར་དུས་ཆེན་སྐབས་སྒྲིག་འཛུགས་བྱས་པའི་ཐེངས་ལྔ་པའི་འཁྲབ་སྟོན་རེད།བྱེད་སྒོའི་ཁྲོད་མཛེས་མ་ལུང་པའི་སྒྱུ་རྩལ་ཚོགས་པ་དང་རྒྱལ་རོང་སྐོར་བྲོའི་མཐུན་ཚོགས་སོགས་རིག་གནས་སྒྱུ་རྩལ་ཚོགས་པའི་རྐང་འཛིན་པ་ཚོས་ཡུལ་དེ་གའི་གྲོང་ཁྱེར་དང་གྲོང་གསེབ་ཀྱི་ལས་བྱེད་པ་དང་མང་ཚོགས་ལ་ཡིད་དབང་འཕྲོག་ཞིང་ཕུན་སུམ་ཚོགས་པའི་རིག་གནས་ལ་ཕུན་སུམ་ཚོགས་ཤིང་དགའ་སྤྲོའི་རྣམ་པ་བསྣན་པ་རེད།