ཟླ2པའི་ཚེས3ཉིན་གྱི་དགོང་མོར་ཀྲུང་དབྱང་བརྙན་འཕྲིན་ཁང་གིས2011ལོའི་ཀྲུང་གོར་ཡིད་འགུལ་ཐེབས་པའི་མི་སྣ་བཅུ་ལ་བྱ་དགའ་གནང་བའི་མཛད་སྒོ་སྤེལ་བ་རེད།ཁམས་ཕན་བདེ་སློབ་གྲྭའི་དགེ་རྒན་ཧུའུ་ཀྲུང་དང་ཞེ་ཞའོ་ཅུན་ཁྱོ་ཤུག་གཉིས་ཀྲུང་གོར་ཡིད་འགུལ་ཐེབས་པའི་མི་སྣ་བཅུ་རུ་བདམས་པ་རེད།ཁོང་གཉིས་ནི་དེ་སྔོན་ཁྲི་འདུ་གྲོང་ཁྱེར་གྱི་སློབ་འབྲིང་ཞིག་གི་དགེ་རྒན་ཡིན།2000ལོར་ཧུའུ་ཀྲུང་གིས་དཔལ་ལྷ་སྒང་དུ་ཁམས་ཕན་བདེ་སློབ་གྲྭ་ཞེས་དྭ་ཕྲུག་སློབ་གྲྭ་ཞིག་ཡོད་པ་ཤེས་རྗེས་ཐེ་ཚོམ་ཅི་ཡང་མེད་པར་སློབ་གྲྭ་དེ་ལ་འབྱོར།སློབ་གྲྭ་དེ་ནི་དཀར་མཛེས་ཁུལ་རྫོང་ཁག་བཅུ་གསུམ་ནས་ཡོང་བའི་རྒྱ་རིགས་དང་བོད་རིགས།དབྱིས་རིགས།ཆའང་རིགས་ཀྱི་སློབ་མ་143འདུས་པའི་སློབ་གྲྭ་ཞིགརེད།ཁོང་ལ་ཟླ་ཕོགས་300ཙམ་ལས་མེད་ནའང་ཞོགས་སྔ་ལངས་དང་དགོང་ཕྱི་ཉལ་གྱིས་སློམ་མ་རྣམས་ཀྱི་ལུས་ངག་ཡིད་གསུམ་གསོ་སྐྱོང་བྱས།2003ལོར་ཞེ་ཞའོ་ཅུན་གྱིས་ཀྱང་བུ་མོ་ལོ་གསུམ་ཅན་དེ་ཁྲིད་ནས་སློབ་གྲྭ་དེ་ལ་ཡོང་སྟེ་སྐྱེས་ཁམས་དང་རྩིས་རིག་བཅས་ཀྱི་དགེ་རྒན་གྱི་འགན་ཁུར།ཁོང་ཚོས་རང་ཡུལ་རྒྱབ་ལ་སྤངས།མི་ཡུལ་པང་དུ་བླངས་ནས་བྱིས་པ་རྣམས་ཀྱི་ཆེད་དུ་དཀའ་སྤྱད་སྡུག་རུས་བྱས་པ་མ་ཟད་མི་ཚེ་གཅིག་ལ་མཐོ་སྒང་དུ་གནས་བཅས་ཏེ་ས་དེ་གའི་སློབ་མ་རྣམས་ལ་ཤེས་བྱའི་བདུད་རྩི་གནང་བའི་ཆོད་སེམས་ཀྱང་བཅངས་ཡོད་དོ།།