བོད་རིགས་ཀྱི་ཁྱོད་ཆོས་ལྡན་ལ་དེང་རབས་ཀྱི་ཉམས་འགྱུར་མངོན་པའི་འབྲོག་པའི་གཞིས་ཆགས་སྡོད་ཁང་གསར་པ་གྲལ་དུ་འགྲིག་བཞིན་གནས།དེང་རབས་ཚན་རིག་ལག་རྩལ་གྱི་ཐོན་རྫས་བརྙན་འཕྲིན་འཕྲུལ་ཆས་ལས་སྟོན་པའི་བརྙན་འཕྲིན་ལེ་ཚན་གྱིས་མི་ཚང་མར་འཛམ་གླིང་ཨ་མཚར་རྩེད་མོ་མིག་གི་དབང་པོའི་བདུད་རྩིར་གྱུར།སྐུད་མེད་འཁྱེར་བདེ་ཁ་པར་ལས་ཐག་རིང་གཉེན་ཉེ་མཆེད་གྲོགས་ཀྱི་འཚམས་འདྲི་གཏམ་བཟང་ལ་ཉན་བཞིན་ཡི་རང་བའི་འཛུམ་དམུལ་མངོན་པའི་ཁྲོད་དུ་འཚམས་འདྲིའི་གཏམ་ལན་བརྗོད་པའི་རྣམ་པ་འདི་ནི་དཔྱིད་གསར་དུས་ཆེན་གྱི་ཚེས6ཉིན་བྲག་འགོ་རྫོང་ནོར་ཆུང་ཤང་གི་འབྲོག་པའི་གཞིས་ཆགས་སུ་མཐོང་བའི་གནས་ཚུལ་ཞིག་རེད།ནོར་ཆུང་ཤང་གི་འབྲོག་པའི་གཞིས་ཆགས་ས་ཚུགས་ནི་བྲག་འགོ་རྫོང་དང་སྤྱི་ལེ5རྒྱང་བ་རེད།འབྲོག་སྡེ་གསར་པ་དེའི་ནང་སློབ་གྲྭ་དང་འཕྲོད་བསྟེན་ཁང་།གྲོང་དམངས་བྱེད་སྒོ་སྤེལ་ས།རིག་གནས་རྩེད་ར་སོགས་རྨང་གཞི་སྒྲིག་ཆས་ཆ་ཚང་བ་ཡོད་པ་རེད།ཁྱིམ་ཚང་ཐམས་ཅད་ལ་རང་འབབ་འཐུང་ཆུའི་ལྕགས་སྦུགས་དང་རྒྱང་བསྒྲགས་བརྙན་འཕྲིན་སོགས་སྒྲིག་སྦྱོར་བྱས་ཡོད་པ་རེད།བྲག་འགོ་རྫོང་འབྲོག་པའི་གཞིས་ཆགས་གཞུང་ལས་ཁང་གི་འགན་འཁུར་མི་སྣས་ངོ་སྤྲོད་བྱས་རྒྱུར།2099ལོར་འབྲོག་པའི་གཞིས་ཆགས་ཀྱི་ལས་གྲྭ་ལག་ལེན་བྱས་པ་ནས་བཟུང་།རྫོང་དེས་ཡུན་རིང་ལ་དམིགས་པའི་འཆར་འགོད་དང་ཚད་གཞི་མཐོ་བའི་འཛུགས་སྐྲུན་བྱེད་རྒྱུའི་འདུ་ཤེས་རྒྱུན་འཁྱོངས་བྱས་ཏེ་རྫོང་གིས་གཅིག་གྱུར་གྱིས་འཆར་འགོད་བྱས་པ་དང་ཤང་གིས་གཅིག་གྱུར་གྱིས་བཀོད་སྒྲིག་བྱས་པ།རྨང་གཞི་སྒྲིག་ཆས་གཅིག་གྱུར་གྱིས་འཛུགས་སྐྲུན་བྱས་པ།དུད་ཚང་མཉམ་སྦྲེལ་བྱས་ནས་རང་སྐྲུན་བྱ་རྒྱུའི་བྱེད་ཐབས་ལག་ལེན་བྱས་ཏེ་ཕྱི་ངོས་མི་རིགས་ཅན།ནང་དུ་དེང་རབས་ཅན།སྡོད་ས་སྐྱིད་བདེ་ཅན།སྒྲིག་སྦྱོར་ཉེན་མེད་ཅན་གྱི་ཁྱད་ཆོས་དམིགས་བསལ་དུ་མངོན་པ་བྱས་ནས་འབྲོག་པའི་གཞིས་ཆགས་ཀྱི་ལས་གྲྭ་ལ་སྐུལ་འདེད་བྱས་པ་རེད།མིག་སྔའི་བར་དུ་སླེབས་སྐབས།བྲག་འགོ་རྫོང་གིས་འབྲོག་པའི་གཞིས་ཆགས་ས་ཚུགས21དང་གྲོང་དམངས་བྱེད་སྒོ་ལྟེ་གནས17བསྐྲུན་ཡོད་པ་རེད།འབྲོག་པའི་དུད་ཚང2476གི་ཡུལ་མི12116གཞིས་ཆགས་གཏན་སྡོད་བྱེད་ཐུབ་ཡོད་པ་རེད།འབྲོག་པའི་གཞིས་ཆགས་ས་ཚུགས་སོ་སོའི་ནང་ཁ་པར་རྟེན་གཞི་དང་དུད་ཚང་སྦྲེལ་བའི་ཨར་འདམ་ལམ།རང་འབབ་འཐུང་ཆུ་སོགས་རྨང་གཞི་སྒྲིག་ཆས་ཆ་ཚང་སྒྲིག་པའི་རྨང་གཞིའི་ཐོགཁྱོན་ཡོངས་ནས་སྦྲ་གུར་གྱི་འཚོ་བ་གསར་པའི་བྱ་སྤྱོད་འཆར་གཞི་ལག་ལེན་བྱས་ནས་སྦྲ་གུར་ཆ2476དང་དེ་བཞིན་དུ་དེའི་སྒྲིག་ཆས་སྣེན་དགུ་བཀྲམ་པར་བརྟེན།འབྲོག་པའི་མང་ཚོགས་ཀྱི་འཚོ་བའི་ཆ་རྐྱེན་ཐད་ལེགས་བཅོས་ཆེན་པོ་བྱུང་བ་རེད།ནོར་ཆུང་ཤང་གི་འབྲོག་པའི་གཞིས་ཆགས་ས་ཚུགས་ཀྱིས་སྣེ་ཁྲིད་འོགཉེ་བའི་ལོ་ཤས་རིང་།བྲག་འགོ་རྫོང་གཙང་སྨད་ཤང་གདོང་ལ་ཁ་མདོ་འབྲོག་པ་གཞིས་ཆགས་ས་ཚུགས་ཀྱིས་ཚུལ་མཐུན་གྱིས་ནགས་ཚལ་དང་རྩྭ་ཐང་།བརླན་ས་ཡིས་གཙོ་བོ་བྱས་པའི་སྐྱེ་ཁམས་ཀྱི་ཡུལ་སྐོར་ལྗོངས་རྒྱུ་གསར་སྦོལ་བྱས་པ་རེད།ན་ནིང་ལོར་ཞིང་ཆེན་རིན་པའི་དཔེ་སྟོན་སྣེ་ལེན་ས་ཚུགས་གཙང་ཐ་གདོང་རི་ཁ་མདོ་འབྲོག་པའི་གཞིས་ཆགས་ས་ཚུགས་ཀྱིས་གཙང་ཐ་རྩྭ་ཐང་གི་མཛེས་ལྗོངས་ལ་བརྟེན་ནས་འབྲོག་པའི་གཞིས་ཆགས་ས་ཚུགས་བསྐྲུན་རྒྱུ་དང་རིག་གནས་ཡུལ་སྐོར་ལྗོངས་རྒྱུགསར་སྦོལ་བྱེད་རྒྱུ་གཉིས་ཟུང་འབྲེལ་བྱས་ནས་དམ་འཛིན་བྱས་པ་རེད།ལས་རིགས་འདི་དག་འཕེལ་རྒྱས་གཏོང་བའི་རྗེས་ཤུགས་ཀྱིས་གཞིས་ཆགས་པའི་འབྲོག་དམངས་ཚོའི་ཕྱུག་འགྱུར་བྱེད་པའི་ཧུར་བརྩོན་རང་བཞིན་ལ་སྐུལ་སློང་བྱས་མཐར།འབྲོག་དམངས་ཚོས་ཀྱང་རིམ་བཞིན་དུ་རང་ཉིད་ཀྱི་ཡོང་འབབ་འཕར་སྣོན་གཏོང་བར་འཚམ་པའི་ཕྱུག་འགྱུར་གྱི་ལམ་བུ་ཐོག་བསྐྱོད་པ་རེད།