ད་ལོའི་ཟླ་བ་དང་པོའི་ཚེས་23་ནི་རང་རྒྱལ་གྱི་སྲོལ་རྒྱུན་དུས་ཆེན་སྤྱི་གསར་དུས་ཆེན་ཡིན།དུས་ཆེན་ཚེས་གྲབས་ཡོད་པའི་སྐབས་སུ་ཁུལ་དང་རྫོང་སོ་སོས་ཆེད་དུ་འཚམས་འདྲི་ཚོགས་པ་རྩ་འཛུགས་བྱས་ནས་ལས་ཁུངས་ཁག་གི་དཀའ་ངལ་ཡོད་པའི་ལས་བྱེད་པ་དང་ལས་བཟོ་བ་རྣམས་དང་གཞི་རིམ་གྱི་ཞིང་འབྲོག་མང་ཚོགས་ལ་མཛའ་བརྩེའི་འཚམས་འདྲི་ཞུ་བའི་བྱེད་སྒོ་སྤེལ་ནས་དུས་ཐོག་ཏུ་ཏང་དང་སྲིད་གཞུང་གི་ཐུགས་བརྩེ་མང་ཚོགས་ལ་སྐྱེལ་བ་རེད།དེ་དང་ཆབས་ཅིག་ཁུལ་དང་རྫོང་སོ་སོའི་རིག་གནས་སྡེ་ཁག་གིས་དཔྱིད་གསར་དུས་ཆེན་རོལ་བའི་རིག་རྩལ་འཁྲབ་སྟོན་སོགས་ཀྱི་བྱེད་སྒོ་ཕུན་སུམ་ཚོགས་པ་སྤེལ་ནས་དཔྱིད་གསར་དུས་ཆེན་ལ་རྟེན་འབྲེལ་ཞུས་པ་རེད།དཔྱིད་གསར་དུས་ཆེན་སླེབས་པའི་སྐབས་སུ་ཉག་རོང་རྫོང་གི་ལས་བྱེད་པ་དང་མང་ཚོགས་པ་ཆིག་སྟོང་ལྷག་གེ་སར་ཐང་ཆེན་དུ་འཛོམས་ནས་2012་ལོའི་ལོ་གསར་རོལ་བ་རེད།2011ཚོར་ཉག་རོང་རྫོང་གི་ཕྱོགས་གང་ཐད་ཀྱི་ལས་དོན་དབྱར་མཚོ་ལྟར་རྒྱས་པ་བྱུང་ཞིང་།ལྷག་པར་དུ་ཏང་གི་སྲིད་ཇུས་བཟང་པོའི་འོག་ཏུ་ཉག་རོང་མང་ཚོགས་ཀྱི་སྡོད་ཁང་དང་།སྨན་བཅོས།བུ་ཕྲུག་སློབ་གྲྭར་ཞུགས་པ་སོགས་ཀྱི་ཐད་ཡར་རྒྱས་ཆེན་པོར་བྱུང་བ་དང་མང་ཚོགས་འཚོ་བ་ཡང་དར་རྒྱས་ཆེན་པོ་བྱུང་ཡོད།ཉག་རོང་རྫོང་གི་མང་ཚོགས་ཚོས་དུས་སྟོན་བསུ་བ་དང་ཏང་དང་རྒྱལ་ཁབ་ལ་དྲིན་ལན་འཇལ་བའི་ཕྱིར་དུ་མཛེས་པའི་སྐོར་བྲོ་འཁྲབ་པ་དང་།དགའ་བའི་གླུ་དབྱངས་ཏང་ལ་ཕུལ་ནས་དགའ་སྤྲོའི་ངང་ནས་དུས་ཆེན་རོལ་བ་རེད།སྤྱི་ལོའི་ལོ་གསར་ཚེས་2ནས་བཟུང་དར་མདོ་རྫོང་གིས་དར་མདོའི་མཛའ་གཞས་ཐང་ཆེན་དུ་ལོ་གསར་བསུ་བའི་བྱེད་སྒོ་སྣ་ཚོགས་སྤེལ་བ་རེད།ལོ་གསར་ཚེས་2ཀྱི་དར་མདོའི་མཁའ་དབྱིངས་ལ་སྤྲིན་པ་ཉུང་ཞིང་ཉི་འོད་ཀྱིས་དར་དར་མདོའི་གྲོང་པར་བདེ་དྲོད་ལྷག་ཏུ་སྐྱེད།དར་མདོའི་གྲོང་ཁུལ་དང་།ལས་ཁུངས་སོ་སོའི་སྒོ་ར་རུ་དུས་ཆེན་བསུ་བའི་ཤིས་ཚིག་དང་ལྒང་ཞུ།ཚོན་ལྡན་གློག་སྒྲོན་སྦར་ཡོད།དར་མདོའི་མདོ་རུ་ལོ་གསར་རོལ་བཞིན་པའི་མང་ཚོགས་དང་ལས་བཟོ་རྣམས་དར་མདོའི་དར་མདོའི་མཛའ་གཞས་ཐང་ཆེན་དུ་འཛོམས་ནས་དར་མདོ་རྫོང་གིས་སྤེལ་བའི་གླུ་བྲོ་སོགས་ཀྱི་རིག་རྩལ་འཁྲབ་སྟོན་ལ་བལྟས་པ་རེད།བྱེད་སྒོ་དེ་ལོ་གསར་ཚེས10བར་སྤེལ་རྒྱུ་རེད།
ལོ་སར་ཚེས་2ཉིན་ལྕགས་ཟམ་རྫོང་གིས་ཤང་ཀྲེང་སོ་སོའི་རིག་རྩལ་འཁྲབ་སྟོན་ཚོགས་པ་སྒྲིག་འཛུགས་བྱས་ནས་ལྕགས་ཟམ་གྲོང་གྲོང་ཁུལ་དུ་རྒྱ་ཁྱོན་ཆེ་བའི་རིགས་སྣ་ཚོགས་ཀྱི་རིག་རྩལ་འཁྲབ་སྟོན་བྱས་ནས་2012ལོའི་ལོ་གསར་རོལ་བ་རེད།ལྕགས་ཟམ་རྫོང་དུ་ལོ་གསར་རོལ་བཞིན་པའི་རྒྱ་བོད་དབྱིས་རིགས་དང་།ཡུལ་སྐོར་སྤྲོ་འཆམ་པ་སྟོང་ཕྲག་ལྷག་གིས་ལྟད་མོ་བལྟས་ནས་བསྟོད་བསྔགས་བྱས་པ་རེད།ཚེས་2ཉིན་དུང་དཀར་ལུང་པའི་དོ་དམ་ཅུས་ཀྱིས་ཀྱང་རྒྱུགས་རྩལ་འགྲན་པ་དང་།སྤོ་ལོ་རྒྱག་པ།ཐག་པ་འཐེན་པ་སོགས་ཀྱི་བྱ་འགུལ་སྣ་ཚོགས་སྤེལ་བས་ཡུལ་སྐོར་པ་མང་དག་ཀྱང་བྱ་འགུལ་ནང་ཞུགས་ནས་ལོ་གསར་རོལ་བ་རེད།ལོ་གསར་ཚེས་1ཉིན་ཕྱག་ཕྲེང་རྫོང་གི་ཤམ་བྷ་ལ་ཐང་ཆེན་དུ་ཞིང་འབྲོག་མང་ཚོགས་འགའ་འཛོམས་བྱས་ཏེ་དགའ་བའི་གླུ་བྲོ་འཁྲབ་ནས་ལོ་གསར་རོལ་བ་རེད།འཁྲབ་པའི་ཞབས་བྲོ་དང་ལེན་པའི་གླུ་དབྱངས་ཀྱི་ནང་དོན་ལས་ཏང་དང་རྒྱལ་ཁབ་ཀྱི་བཀའ་དྲིན་རྗེས་སུ་དྲན་ཞིང་།  ཏང་དང་རྒྱལ་ཁབ་ཀྱིས་བོད་ཁུལ་མི་དམངས་ལ་སྐྲུན་པའི་བདེ་སྐྱིད་མཚོན་ཡོད།
ལོ་གསར་སྐབས་སུ་བརྒྱད་ཟིལ་རྫོང་གི་ཀ་ཨེར་ཀྲེན་གྱིས་རྟ་རྒྱུག་འགྲན་པའི་བྱ་འགུལ་སྤེལ་བ་རེད།