ཉེ་བའི་ལོ་ཤས་རིང་།དར་མདོ་རྫོང་གིས་རང་ཉིད་ཐོན་ཁུངས་ཀྱི་མཐུན་རྐྱེན་དང་བསྟུན་ཏེ་ཐོན་ཁུངས་ཀྱི་མཐུན་རྐྱེན་དེ་ཐོན་ལས་ཀྱི་མཐུན་རྐྱེན་དང་དཔལ་འབྱོར་གྱི་མཐུན་རྐྱེན་དུ་འགྱུར་བའི་ཕན་ནུས་ལྡན་པའི་ཐབས་ལམ་འཚོལ་ཞིབ་ཧུར་ཐག་བྱས་ཤིང་།རྒྱུན་ཆད་མེད་པར་ཁྱད་ཆོས་ལྡན་པའི་ཐོན་ལས་གསོ་སྐྱོང་བྱེད་ཤུགས་ཆེ་རུ་བཏང་ནས་ཐོག་མཐའ་བར་གསུམ་དུ་ཁྱད་ཆོས་ལྡན་པའི་གཏེར་ལས་དེ་ཀ་སྐྱོར་ཐོན་ལས་ཀྱི་གཙོ་ཁྲིད་ཐོན་ལས་ཤིག་ཏུ་བརྩིས་ཏེ་གསོ་སྐྱོང་བྱས་ཡོད་པ་རེད།རྫོང་དེས་མ་དངུལ་ནང་འདྲེན་བྱེད་ཤུགས་ཆེ་རུ་བཏང་བར་བརྒྱུད་སི་ཕེན་ཝེ་ལྷ་སྨི་ཨེར་ཚོགས་པ་དང་།ཀོང་ཀྲོའུ་ལུའུ་ཞང་མ་རྐང་ཀུང་སི།རུང་ཅེ་ཚོགས་པ་སོགས་རྒྱལ་ཁབ་ཕྱི་ནང་གི་གཙོ་ཁྲིད་ཁེ་ལས་ཆེ་གྲས་ནང་འགུགས་བྱས་ཡོད་ཅིང་།ནང་འགུགས་ཁེ་ལས་ཀྱི་མ་དངུལ་དང་།ལག་རྩལ།མཁས་ཅན་མི་སྣ།དོ་དམ་བྱེད་ཐབས།ཐབས་ལམ་སོགས་ཀྱི་དགེ་མཚན་བེད་སྤྱོད་གང་ལེགས་བྱས་རྗེས་སྔོན་རྗེས་སུ་བཟོ་ལས་སྭེལ་ཏུན་ཁྲི5ཡི་རྣམ་གྲངས་ལག་བསྟར་བྱས་པ་དང་སྦྲགས།གཡག་རྔ་ནས་དར་མདོའི་བར་གྱི་མྱུར་བགྲོད་གཞུང་ལམ་དང་།སི་ཁྲོན་ནས་བོད་ལྗོངས་བར་གྱི་ལྕགས་ལམ་དང་།ཆུ་གློག་ས་ཚུགས་ཆེ་གྲས་སོགས་སྐྲུན་པའི་ལོ་རྒྱུས་ཀྱི་གོ་སྐབས་དམ་འཛིན་བྱས་ནས་ཁེ་ལས་ནང་འགུགས་དང་སྣེ་ཁྲིད་བྱས་ཏེ་ཨར་འདམ་སྐམ་པོ་ཏུན་ཁྲི100ཐོན་སྐྱེད་སྒྲུབ་རིམ་གྱི་རྣམ་གྲངས་ལག་བསྟར་བྱས་ཡོད།མིག་སྔར་རྣམ་གྲངས་དེ་གསུམ་སྐུལ་སྤེལ་ཧུར་ཐག་གཏོང་བཞིན་པ་དང2012ལོ་ནས2013ལོའི་བར་ཨར་ལས་ལེགས་འགྲུབ་བྱུང་ནས་ཐོན་སྐྱེད་བྱེད་རེ་ཡོད་པ་རེད།