ཉག་ཆུ་རྫོང་དྲིལ་བསྒྲགས་འཐབ་ཕྱོགས་ལས་བྱེད་པ་དང་རྒྱ་ཆེ་བའི་ལས་བྱེད་པས་མིག་སྔར་སེམས་ཐག་འདི་འདྲ་བཅད་པ་སྟེ།རང་མོས་ཀྱི་སྒོས་ནས་སྔོན་ཐོན་རིག་གནས་དར་སྤེལ་གཏོང་བའི་མཆོག་གྱུར་གྱི་ལས་འགན་ཁུར་བ་དང་།མི་ལེགས་པའི་གོམས་གཤིས་བཅོས་ཤིང་སྤྱོད་ཡོན་གཉིས་ལྡན་གྱི་སྒོས་ནས་མི་དམངས་མང་ཚོགས་ཀྱི་དགའ་བསུ་ཐོབ་པའི་ལས་བྱེད་པ་ཞིག་བྱ་རྒྱུ་ཡིན་པ་རེད།ཉེ་ཆར།ཉག་ཆུ་རྫོང་ལས་ཁུངས་ཁག་རྣམས་དྲིལ་བསྒྲགས་པུའུ་རུ་ཡོང་སྟེ་ཏང་གི་སྐབས་བཅུ་བདུན་པའི་ཚང་འཛོམས་གྲོས་ཚོགས་ཐེངས་དྲུག་པའི་སྙིང་དོན་སློབ་སྦྱོང་བྱེད་པའི་རྒྱུ་ཆ་བསྡུ་ལེན་གཏན་འཁེལ་བྱས་ཏེ་རྫོང་ཡོངས་ཀྱིས་སྐབས་བཅུ་བདུན་པའི་ཚང་འཛོམས་གྲོས་ཚོགས་ཐེངས་དྲུག་པའི་སྙིང་དོན་སློབ་སྦྱོང་བྱེད་པའི་ཚ་རླབས་ཞིག་བསླངས་པ།སློབ་སྦྱོང་བྱས་པ་བརྒྱུད་ནས་ཏང་གི་སྐབས་བཅུ་བདུན་པའི་ཚང་འཛོམས་གྲོས་ཚོགས་ཐེངས་དྲུག་པ་དེས་རིག་གནས་ཅན་གྱི་དཔུང་སྡེ་འཛུགས་སྐྲུན་དང་དར་སྤེལ་བྱས་ནས་སྤྱི་ཚོགས་རིང་ལུགས་ཀྱི་རིག་གནས་འཕེལ་རྒྱས་ཡོང་བར་ཤེས་ཡོན་ཅན་གྱི་དམག་གྲབས་བཀོད་སྒྲིག་ལ་མཁོ་འདོན་བྱས་ཏེ་རང་རྒྱལ་གྱི་རིག་གནས་འཇོན་ཅན་འཕེལ་རྒྱས་དང་དཔུང་སྡེ་འཛུགས་སྐྲུན་བྱེད་པར་ཁ་ཕྱོགས་གསལ་པོ་བསྟན་པ་རེད།ཚང་མས་བཤད་རྒྱུར།རིག་གནས་འཕེལ་རྒྱས་ཆེན་པོ་དང་དར་རྒྱས་ཆེན་པོ་ལ་སྐུལ་འདེད་གཏོང་དགོས་ན་ངེས་པར་དུ་ཏང་གི་ཆབ་སྲིད་ཀྱི་དགེ་མཚན་དང་འགོ་ཁྲིད་ལྟེ་གནས་ཀྱི་ནུས་པ་བེད་སྤྱོད་བྱས་ཏེ་ངལ་རྩོལ་ལ་བརྩི་བཀུར་དང་ཤེས་བྱ་ལ་བརྩི་བཀུར།ཤེས་ཡོན་ཅན་ལ་བརྩི་བཀུར།གསར་སྐྲུན་ལ་བརྩི་བཀུར།གསར་གཏོད་ལ་སྐུལ་མ།ཕམ་ཁ་ལ་ཁོག་ཡངས་བཅས་བྱས་ནས་རིག་གནས་འཇོན་ལྡན་འཕེལ་རྒྱས་ཀྱི་འཁོར་ཡུག་ལེགས་པོ་ཞིག་བསྐྲུན་དགོས།