ཟླ་བ6པའི་ཟླ་མཇུག་ནས་བཟུང་རང་རེའི་ཞིང་ཆེན་གྱི་སྔོན་རྗེས་སུ་ས་ཁོངས་རང་བཞིན་གྱི་དྲག་ཆར་ཐེངས་གསུམ་བབས་ནས་ས་ཆ་སོ་སོར་འདམ་རྡོ་ཆུ་རུད་དང་།རི་ཉིལ་བ།ས་རྡོ་ཞིག་པ་སོགས་ས་གཤིས་ཀྱི་གནོད་སྐྱོན་ཡོངས་ཁྱབ་ཏུ་བྱུང་ཞིང་འགོག་སེལ་གྱི་གནས་ཚུལ་ཚབས་ཆེན་ཡིན་པ་རེད།  ཟླ་བ7པའི་ཚེས5ཉིན་གྱི་ཕྱི་དྲོར་ཞིང་ཆེན་སྲིད་གཞུང་གིས་རྒྱལ་ཁབ་ས་ཞིང་ཐོན་ཁུངས་དང་།གནམ་གཤིས།ཆུ་བེད།འགྲིམ་འགྲུལ་སྐྱེལ་འདྲེན།སྡོད་ཁང་འཛུགས་སྐྲུན།དམངས་སྲིད་དང་མཁོ་བསྟུན་སོགས་སྡེ་ཁག་བསྡུ་རུབ་བྱས་ནས་ཉེ་ཆར་ས་གཤིས་གནོད་སྐྱོན་འགོག་སེལ་གྱི་ཚོགས་འདུ་འཚོགས་པ་རེད།ཞིང་ཆེན་ཏང་ཨུའི་རྒྱུན་ཨུ།ཞིང་དཔོན་གཞོན་པ་ཝེ་ཧུང་གིས་ནན་གསུང་གནང་དོན།ས་གནས་སོ་སོས་ལས་རེས་སྲུང་འཛིན་བྱེད་པའི་ལམ་ལུགས་དོན་འཁྱོལ་བྱེད་དགོས་པ་དང་།སྔོན་འགོག་དང་རང་འགུལ་གྱིས་གནོད་སྐྱོན་གཡོལ་ཐུབ་པ་བྱ་རྒྱུར་དངོས་སུ་དམ་འཛིན་དང་འབྲེལ་ཡོད་སྡེ་ཁག་སོ་སོས་རོགས་ལས་དམ་ཟབ་བྱས་ནས་གནོད་འགོག་གནོད་སེལ་གྱི་འགན་འཁྲི་དེ་གཞི་རིམ་གྱི་ལས་ཀ་སྒྲུབ་ཡུལ་དང་པོར་དོན་འཁྱོལ་བྱེད་དགོས།
ཆུ་འབྲུབ་པའི་དུས་སླེབས་རྗེས།རང་རེའི་ཞིང་ཆེན་ལ་གཞི་ཁྱོན་ཆེ་ཞིང་མི་དམངས་མང་ཚོགས་ཀྱི་ཚེ་སྲོག་དང་རྒྱུ་ནོར་གྱི་བདེ་འཇགས་ལ་འཇིགས་སྐུལ་ཐེབས་པའི་ས་གཤིས་ཀྱི་གནོད་སྐྱོན་ཁག99བྱུང་བ་དང་།ཟླ་བ6པའི་ཟླ་དཀྱིལ་ནས་ད་བར་དུ་ས་གཤིས་ཀྱི་གནོད་སྐྱོན་ཁག72བྱུང་བ།    ཆུ་འབྲུབ་པའི་དུས་ནས་བཟུང་གི་ས་གཤིས་ཀྱི་གནོད་སྐྱོན་འགོག་བཅོས་ཐད་གྲུབ་འབྲས་ཐོབ་ཡོད་པས།ན་ལོའི་དུས་མཉམ་དང་བསྡུར་ན་མི་སྣ་ཤི་རྨས་དང་བོར་བརླག་གི་གྲངས་ཀ་བརྒྱ་ཆ60ཉུང་དུ་བཏང་བ།ཐོག་མའི་བསྡོམས་རྩིས་བྱས་ན་ད་ལོར་ནས་བཟུང་ཞིང་ཆེན་ཡོངས་ཀྱིས་ལེགས་འགྲུབ་ངང་གནོད་སྐྱོན་ཁག24སེལ་ཐུབ་པ་དང་སྔར་སྣུར་དུ་མི་གྲངས2599ཉེན་ཁ་མེད་སར་སྤོས་པ།
གནམ་གཤིས་སྔོན་དཔག་བྱས་ན་ཟླ་བ7པ་ནས་8པའི་དབྱར་གཞུང་གི་ཚེར་གཞོང་ཁུལ་དུ་ས་ཁོངས་རང་བཞིན་གྱི་དྲག་ཆར་ཐེངས3ནས་ཚེས5ཉིན་གྱི་བར་ཆར་འབབ་འབེལ་པ་དང་།ཞིང་ཆེན་ཡོངས་སུ་ས་གཤིས་གནོད་སྐྱོན་ལ་འགོག་བཅོས་བྱེད་པའི་གནས་ཚུལ་ཚབས་ཆེན་ཡིན་པ།ཟླ་བ7པར་སི་ཁྲོན་ནུབ་ཕྱོགས་མཐོ་སྒང་གི་ས་ཆ་འགའ་དང་གཞོང་སའི་ས་ཁུལ་གྱི་བྱང་ཕྱོགས།ཟླ་བ8པར་སི་ཁྲོན་ནུབ་ཕྱོགས་མཐོ་སྒང་གི་ས་ཆ་ཕལ་ཆེར་དང་གཞོང་སའི་བྱང་ཤར་ས་ཁུལ།ནུབ་ཕྱོགས་བཅས་ལ་ས་གཤིས་ཀྱི་གནོད་སྐྱོན་ཆེན་པོ་འབྱུང་སྲིད།