རང་ཁུལ་གྱིས་ཁྲིམས་འགལ་དང་གང་བྱུང་དུ་ཟས་རིགས་ནང་ཟས་རིགས་སྦྱོར་རྟ་བླུགས་མཁན་ལ་ཁྲིམས་བཅད་ནན་པོ་བྱེད་ཀྱི་ཡིན་པ།

ལྷ་འཛོམས་ཀྱིས་བསྒྱུར།        2011-05-17

     ཟླ་བ་5པའི་ཚེས་5ཉིན།ཞིང་ཆེན་ཡོངས་ཀྱི་ཁྲིམས་འགལ་དང་གང་བྱུང་དུ་ཟས་རིགས་ནང་ཟས་རིགས་སྦྱོར་རྟ་བླུགས་པར་ཆེད་བཀོད་དྲག་རྡུང་ལས་ཀ་དང་སྨན་རྫས་ཀྱི་ཆེད་བཀོད་བཅོས་སྐྱོང་ལས་ཀའི་བརྙན་འཕྲིན་ཁ་པར་གྲོས་ཚོགས་འཚོགས་པ།ཁུལ་ཟས་རིགས་སྨན་རྫས་ལྟ་སྐུལ་དོ་དམ་ཅུས་ཀྱི་ཁོ་སོ་སོའི་འགན་འཁུར་མི་སྣ་དང་རྫོང་ཁག་གི་ཅུས་དང་འབྲེལ་ཡོད་བཟའ་བཏུང་ཞབས་འདེགས་ཁེ་ལས།སྨན་རྫས་ཐོན་སྐྱེད་བདག་གཉེར་སྡེ་ཚན་གྱི་འགན་ཁུར་མི་སྣ་བཅས་ཡན་ལག་ཚོགས་རའི་ནང་ཞུགས་པ།ཚོགས་འདུ་དེ་འཚོགས་རྗེས།རང་ཁུལ་གྱིས་ཁུལ་ཡོངས་ཀྱི་ཁྲིམས་འགལ་དང་གང་བྱུང་དུ་ཟས་རིགས་ནང་ཟས་རིགས་སྦྱོར་རྟ་བླུགས་པར་རྡུང་རྡེག་དྲག་པོ་གཏོང་བའི་ཆེད་གཉེར་ལས་ཀ་དང་སྨན་རྫས་ཉེན་མེད་ཀྱི་ཆེད་བཀོད་བཅོས་སྐྱོང་ལས་ཀའི་བརྙན་འཕྲིན་ཁ་པར་གྲོས་ཚོགས་འཚོགས་ནས་ཁུལ་ཡོངས་ཀྱི་བཅོས་སྐྱོང་ལས་ཀར་བཀོད་སྒྲིག་ཞིབ་ཚགས་བྱས་པ་རེད།གྲོས་ཚོགས་ཐོག་བླང་བྱ་བཏོན་དོན།ཁུལ་ཡོངས་ཀྱི་ཟས་རིགས་དང་སྨན་རྫས་ལྟ་སྐུལ་ལས་ཁུངས་ཀྱིས་སྔར་ལྷག་གིས་བསམ་བློ་ངོས་འཛིན་མཐོ་རུ་གཏོང་བ་དང་།ཞིང་ཆེན་ཡོངས་ཀྱི་ཁྲིམས་འགལ་དང་གང་བྱུང་དུ་ཟས་ཟས་རིགས་ནང་ཟས་རིགས་སྦྱོར་རྟ་བླུགས་པར་རྡུང་རྡེག་དྲག་པོ་གཏོང་བའི་ཆེད་བཀོད་བཅོས་སྐྱོང་གི་བརྙན་འཕྲིན་ཁ་པར་གྲོས་ཚོགས་ཀྱི་སྙིང་དོན་ལ་གོ་བ་ཟབ་མོ་ལེན་ནས་བསམ་བློ་དང་བྱ་སྤྱོད་དེ་ཞིང་ཆེན་གྱི་བཀོད་སྒྲིག་ཐོག་གཅིག་གྱུར་ཡོང་བར་བྱས་ཏེ་ཟས་རིགས་ཉེན་མེད་ལས་ཀའི་གལ་ཆེན་རང་བཞིན་དང་མྱུར་མཁོའི་རང་བཞིན་ལ་ངོས་འཛིན་གང་ལེགས་བྱེད་དགོས་པ་དང་།བཅོས་སྐྱོང་ལས་ཀའི་འགན་འཁྲི་ཏན་ཏིག་ཁུར་བ།སྔར་ལྷག་གིས་འགོ་ཁྲིད་ཤུགས་ཆེན་དང་གཙོ་གནད་མངོན་གསལ་དོད་པོའི་ཐོག་མྱུར་དུ་ཆེད་བཀོད་བཅོས་སྐྱོང་བྱ་སྤྱོད་ཟབ་མོ་སྤེལ་དགོས།ས་གནས་ཁག་གིས་དོན་དངོས་དང་ཟུང་འབྲེལ་བྱས་ནས་ལམ་སང་ཆེད་བཀོད་བཅོས་སྐྱོང་བྱ་སྤྱོད་ལས་ཀའི་ཇུས་གཞི་བཟོ་འགོད་དང་ལས་ཀ་མྱུར་དུ་སྤེལ་དགོས།བཅོས་སྐྱོང་ལས་ཀའི་ནང་ནམ་རྒྱུན་གྱི་ལྟ་སྐུལ་སྐོར་ཞིབ་དང་དྲིལ་བསྒྲགས་སློབ་གསོ།འཐེན་ཞིབ་བཅས་ཤུགས་ཆེན་བྱས་ཏེ་ཁྲིམས་འགལ་གྱི་དོན་རྐྱེན་ཡོད་ཐག་གཅོད་་ནན་པོ་བྱེད་དགོས།ཧུར་ཐག་གིས་བྱ་བ་བསྒྲུབས་ནས་ཆེད་བཀོད་བཅོས་སྐྱོང་ལས་ཀར་ཕན་འབྲས་དངོས་ཐོབ་ཐུབ་པར་ཁག་ཐེག་བྱེད་དགོས།རྫོང་ཁག་གི་ཅུས་སོ་སོའི་འགོ་ཁྲིད་གཙོ་བོས་དངོས་སུ་ལས་འགན་གཙོ་བོར་ཁུར་པ་དང་།ལས་བགོའི་འགོ་ཁྲིད་ཀྱིས་འགན་ཞིབ་ཕྲ་དང་ཐད་ཀ་ཁུར་དགོས།རིམ་པ་རེ་རེ་བཞིན་ལས་ཀའི་འགན་འཁྲི་དོན་འཁྱོལ་བྱས་ནས་ཆེད་བཀོད་བཅོས་སྐྱོང་ལས་ཀར་གྲུབ་འབྲས་དངོས་ཐོབ་པར་ཁག་ཐེག་བྱེད་དགོས།གྲོས་ཚོགས་ཐོག་ནན་པོ་བཏོན་རྒྱུར།ཁུལ་ཡོངས་ཀྱི་ཟས་རིགས་སྨན་རྫས་ལྟ་སྐུལ་ལས་ཁུངས་ཀྱིས་གཞོགས་འདེགས་ཟབ་མོ་བྱས་ནས་ཧུར་ཐག་གིས་ས་གནས་ཀྱི་ཏང་ཨུ་སྲིད་གཞུང་གི་རྒྱབ་སྐྱོར་རག་ཐབས་སྤྲད་དེ་ལས་ཀ་ཁག་དོན་འཁྱོལ་ནན་འཛིན་བྱས་ཤིང་།དཔུང་སྡེ་འཛུགས་སྐྲུན་ལ་ནན་འཛིན་བྱེད་པ་དང་བྱང་ཚད་མཐོ་ལ་ཕྱི་གཟུགས་ཡག་པོ་བཟོས་ནས་ཧུར་ཐག་གིས་ཁུལ་ཡོངས་ཀྱི་རྒྱ་ཆེའི་མི་དམངས་མང་ཚོགས་ལ་ཟས་རིགས་དང་སྨན་རྫས་ཉེན་མེད་ཀྱི་ཁོར་ཡུག་ཡག་མོ་ཞིག་བསྐྲུན་ནས་ཏང་དང་མི་དམངས་ལ་སྦྱངས་འབྲས་ལེགས་པོ་ཞིག་སྤྲོད་དགོས།
  • ལེ་ཚན་སྔོན་མ།: ཁུལ་ཡོངས་ཀྱི་ད་ལོར་འབྲོག་པའི་གཞིས་ཆགས་ལས་ཀ་ཐད་བཞི་སྔ་ཙམ་མངོན་གསལ་ཡོང་བ་བྱས།
  • ལེ་ཚན་རྗེས་མ།: རྟའུ་རྫོང་གིས་ཞིང་སྡེར་ཞབས་ཞུའི་ལས་ཀ་དམ་འཛིན་བྱས་པ།
  • དོ་སྣང་ཆེ་བའི་རྩོམ།