ཁམ་བུའི་མེ་ཏོག་ཁྲ་ལམ་མེར་བཞད་པའི་དཔྱིད་དཔལ་ཤར་པའི་དུས་དང་བསྡེབས་ནས་གསར་འགོད་པ་ཕྱག་ཕྲེང་རྫོང་གི་རྒས་གསོ་ཁང་དུ་བཅར་འདྲི་ལ་ཕྱིན་པ་ཡིན།རྒས་གསོ་ཁང་དུ་འཛུལ་མ་ཐག་རྒན་རྒོན་ཁ་ཤས་ཀྱིས་མེ་ཏོག་དང་རྩི་ཤིང་གིས་གང་བའི་སྒོ་རའི་ནང་དུ་ལག་གཡོན་པས་ཕྲེང་བ་འཛིན་ཞིང་ལག་་གཡས་པས་ལག་འཁོར་བཟུང་ནས་སོས་དལ་བག་ཕེབས་པའི་ངང་ནས་ཉི་མ་ལྡེ་བཞིན་མཆིས།
     ཕྱག་ཕྲེང་ཆུ་ཝ་ཤང་ཆུ་ཝ་གྲོང་ནས་འོངས་པའི་ལོ་ན68ལ་སོན་པའི་རྒན་པོ་ཨ་ཉིད་བསྟན་འཛིན་གྱི་ལག་ཏུ་རང་གིས་བཟོས་པའི་སོག་ལེ་སྟབས་བདེ་མ་ཞིག་ཁྱེར་ནས་འཕྲུལ་ཆས་ཀྱི་ལྷུ་ལག་ཆུང་ཆུང་ཞིག་གཏུག་གི་འདུགརྒྱུ་མཚན་ཞིབ་དྲིས་བྱས་རྗེས་གཞི་ནས་ཁོང་གིས་རང་གི་ལག་འཁོར་གྱི་ཏོག་ལ་མཁོ་བའི་ལྷུ་ཆས་ཤིག་བཟོ་ཨེ་ཐུབ་ལྟོས་ཀྱི་ཡོད་པ་ཤེས་སོང་།ཁོང་བཟའ་མི་གཉིས་ལ་བུ་རྒྱུད་མེད་ལ་རྒས་ནས་ངལ་རྩོལ་ནུས་ཤུགས་ཟད་དེ་རང་ཁ་གསོ་མི་ཐུབ་པའི་ཉམ་ཐག་དུས་སུ་སླེབས་ཚེ་རྫོང་སྲིད་གཞུང་གིས་ཁོང་བཟའ་མི་གཉིས་རྒས་གསོ་ཁང་དུ་ཉར་བ་རེད།ཨ་ཉིད་བསྟན་འཛིན་གྱི་ཡིད་བྱམས་པའི་རྣམ་འགྱུར་ལས་ཁོང་གི་སེམས་ལ་སྡུག་བསྔལ་གྱི་སྣང་བ་སྤུ་ཙམ་མེད་ཅིང་ད་ལྟའི་འཚོ་བར་ཡིད་ཆེས་ཆེན་པོ་ཁེངས་པ་ཤེས་ཐུབ།ལྷོ་ངོས་ཀྱི་སྒོ་འགྲམ་དུ་བོད་རིགས་ཀྱི་ཁྱད་ཆོས་ལྡན་ཞིང་བཟོ་དབྱིབས་ལེགས་པའི་ཁང་པ་ཞིག་གིས་གསར་འགོད་པའི་ཡིད་ཀྱི་དབང་པོ་ཡོངས་སུ་འཕྲོག་སོང་།ནང་དུ་འཛུལ་ནས་བལྟས་ཚེ་དེ་ནི་རྫོང་སྲིད་གཞུང་གིས་དངོས་ཡོད་གནས་ཚུལ་དང་རྒན་རྒོན་རྣམས་ཀྱི་རེ་བ་ལ་བརྟེན་ནས་ཆེད་དུ་བཞེངས་པའི་མ་ཎི་དུང་འཁོར་རེད།རྒན་རྒོན་ཁ་ཤས་ཀྱིས་སོལ་དལ་ངང་དུང་འཁོར་བསྐོར་བཞིན་མཆིས།ལོ་ན67ལ་སོན་པའི་ཚེ་རིང་ལྷ་མོས་གསར་འགོད་པ་མཐོང་ཚེ་རང་རིག་གིས་གསར་འགོད་པའི་འགྲམ་དུ་བཅར་ནས་ཁ་བརྡ་ལབ་བྱུང་།གསར་འགོད་པས་ཁོ་མོ་ལ་རྒས་གསོ་ཁང་གི་འཚོ་བ་སྐྱིད་པོ་ཡིན་མིན་དྲིས་ཚེ།ཁོ་མོས་སེམས་འགུལ་ཐེབས་པའི་སྒོ་ནས་གུང་ཁྲན་ཏང་དང་རྒྱལ་ཁབ་ཀྱི་བཀའ་དྲིན་ང་ཚོ་འདི་ན་ཡོད་པའི་རྒན་རྒོན་རྣམས་ཟ་རྒྱུ་ནི་ཞིམ་པོ་རེད།གྱོན་རྒྱུ་ནི་དྲོན་པོ་རེད།འདུག་ས་ནི་སྐྱིད་པོ་རེད།ཆོས་སྒྲུབ་བསམ་ན་ཆོས་སྒྲུབ་ཆོག་འདུགརྩེད་མོ་རྩེ་བསམ་ནའང་རྩེད་ཆས་འདྲ་མི་སྣ་ཚོགས་འདུགགཅིག་ཏུ་ན་བོད་རིགས་ཀྱི་ལུགས་སྲོལ་ལྟར་ང་ཚོ་ལ་དད་རྟེན་ཞིག་ཡོད་པས་བསམ་པ་བདེ་བ་དང་།གཉིས་སུ་ན་ལུས་པོ་སྦྱོང་བརྡར་ཡག་པོ་བྱེད་ཐུབ་པའི་ཕན་ཡོན་འདུགང་ཚོས་ཉིན་རེ་བཞིན་བསྐོར་བ་བྱས་ཏེ་སེམས་སུ་གུང་ཁྲན་ཏང་ཁྲི་ལོ་བརྟན་རོགས་དགོས།མི་དམངས་བདེ་སྐྱིད་ལྡན་རོགས་དགོས།འཛམ་གླིང་འཁྲུག་པ་མ་འོངས་དགོས་ཞེས་སྨོན་ལམ་འདེབས་བཞིན་ཡོད།ངོ་མ་གུང་ཁྲན་ཏང་གི་སྲིད་ཇུས་བཟང་པོ་འདི་མེད་ན་ང་ཚོ་རྒས་འགོ་དང་ཤི་འགོ་ཐོན་དཀའ་མོ་རེད།ཁ་དྲོ་དགོས།ཚེ་རིང་དགོས་ཞེས་བཤད་བྱུང་།ཕྱག་ཕྲེང་རྫོང་གིས་དམངས་ཀྱི་སྐྱིད་སྡུག་ཆུང་ངུ་ཡན་ཆད་ལ་ཐུགས་ཁུར་ཚད་མེད་གནང་ཞིང་མང་ཚོགས་ཀྱི་རེ་འདོད་ཡོངས་སུ་བཀང་བའི་བྱ་སྤྱོད་འདི་ལ་ང་ཚོས་སློབ་སྦྱོང་བྱེད་འོས་སོ།།