ཟླ་བ5པའི་ཚེས6ཉིན་དར་མདོའི་མཛའ་གཞས་ཐང་ཆེན་དུ་བུད་མེད་ལ་ཐུགས་ཁུར་དང་མ་ཡུམ་ལ་ཐུགས་ཁུར།དབུལ་ཕོངས་མ་ཡུམ་སྐྱོབ་རོགས་བྱེད་པའི་གཞན་ཕན་བྱེད་སྒོ་སྤེལ་བ་རེད།བྱེད་སྒོ་རུ་བུད་མེད་ཀྱི་ལག་རྩལ་རྩེ་གྲའི་ཐོན་རྫས་འགྲན་བསྡུར་ལས་བྱ་དགའ་ཐོབ་མཁན་གྱི་མིང་་འབོད་པ་དང་མཉམ་དུ་དབུལ་ཕོངས་ཨ་མ་ལ་རོགས་རམ་གནང་བའི་ཞལ་འདེབས་མཛད་སྒོའང་སྤེལ།ཚོགས་ཐོག་ཏུ་ཁུལ་དང་རྫོང་གི་ལས་ཁུངས་ཁགཞིང་ཆེན་དང་ཁུལ་གྱི་ཁེ་ལས།སྤྱི་ཚོགས་ལས་རིགས་་ཁག་གིས་བྱམས་སེམས་ཀྱིས་ལག་པ་བསྲིངས་ནས་དབུལ་ཕོངས་ཀྱི་ཨ་མ་ལ་རོགས་རམ་གནང་བ་རེད།
     ཁུལ་ཨུའི་དྲུང་ཡིག་ཆེན་མོ་བ་གཞོན་པ་ཧྥེང་པའེ་ཆིན་གྱིས་ཁུལ་ཨུའི་རྒྱུན་ཨུ།ཁུལ་སྲིད་གཞུང་གི་ཁུལ་དཔོན་གཞོན་པ།ཁུལ་སྤྱི་ཁྱབ་བཟོ་ཚོགས་ཀྱི་ཀྲུའུ་ཞི་ལུའོ་ཞའོ་ཏུང་སོགས་ཀྱིས་མངག་བཅོལ་ལྟར་ཁུལ་ཨུ་དང་ཁུལ་སྲིད་གཞུང་གི་ཚབ་བྱས་ནས་དབུལ་ཕོངས་ཀྱི་ཨ་མ་ལ་བྱམས་་སེམས་འབུལ་མཁན་གྱི་སྤྱི་ཚོགས་ཀྱི་ལས་རིགས་ཁག་ལ་དཀའ་དྲིན་ཆེ་ཞུས་པ་རེད།
     བྱམས་སེམས་ལྡན་པའི་བྱེད་སྒོ་རུ་ཁྲེང་ཏུའུ་ནུ་མའི་གཤེར་རྨེན་སྨན་ཁང་གིས་རང་ཁུལ་ལ་སྒོར་ཁྲི200རི་བའི་་ནུ་མའི་གཤེར་རྨེན་ནད་ལ་སྨན་ཡོན་མི་དགོས་པའི་སྨན་བཅོས་ཀྱི་བྱང་བུ་བྱིན་པ་དང་དབུལ་ཕོངས་ཨ་མ20ལ་སྨན་ཁང་དེ་རུ་སྨན་ཡོན་མི་དགོས་པའི་སྨན་བཅོས་བྱེད་ཆོག་པའི་བྱང་བུ་བྱིན་པ་རེད།
     བྱེད་སྒོ་དེ་རུ་ད་དུང་སྐབས་དང་པོའི་བུད་མེད་ཀྱི་ལག་རྩལ་རྩེ་གྲའི་ཐོན་རྫས་འགྲན་བསྡུར་ལས་གཟེངས་བསྟོད་ཐོབ་མཁན་གྱི་མིང་ཐོ་ཁྱབ་བསྒྲགས་བྱས་་པ་དང་ལས་ཡུལ་དངོས་སུ་གཟེངས་བསྟོད་ཐོབ་མཁན་གྱི་བརྩམས་ཆོས་གཤོམ་་སྟོན་བྱས་ཏེ་རིན་གོང་གང་མཐོ་འཚོང་བ་ལ་སྤྱི་ཚོགས་ཀྱི་ལས་རིགས་་ཁག་བྱེད་སྒོ་རུ་ཞུགས་ནས་རང་ཉིད་ཀྱིས་དབུལ་ཕོངས་ཨ་མ་རྣམས་ལ་གཅེས་སེམས་་ཕུལ་བ་རེད།
     ཐེངས་འདིའི་བྱེད་སྒོ་དེ་ཁུལ་ཨུའི་དྲིལ་བསྒྲགས་པུའུ་དང་ཁུལ་བུད་མེད་མཉམ་འབྲེལ་ལྷན་ཚོགས།ཁུལ་དགེ་སྒྲུབ་་སྤྱི་ཁྱབ་་བཟོ་ཚོགས།དཀར་མཛེས་ཉིན་རེའི་ཚགས་པར།དཀར་མཛེས་བརྙན་འཕྲིན་ཁང་སོགས་ཀྱིས་གཙོ་གཉེར་བྱས་པ་དང་ཁྲེང་ཏུའུ་ནུ་མའི་གཤེར་རྨེན་སྨན་ཁང་གིས་ཡིད་མཐུན་རོགས་རམ་བྱས་པ་རེད།
     ཨ་མའི་དུས་ཆེན་ཏེ་ཨ་མ་ལ་བཀའ་དྲིན་ཞུ་བའི་དུས་ཆེན་ཞིག་ཡིན་ལ།དེ་ནི་ཐོག་མ་གནའ་བོའི་ཞི་ལ་ལས་བྱུང་བ་ཞིག་ཡིན།དུས་ཚོད་ནི་ལོ་རེའི་ཟླ་བ་དང་པོའི་ཚེས་བརྒྱད་ཉིན་ཡིན་རུང་།ཀྲུང་གོ་དང་ཨ་མེ་རི་ཁ།ཁ་ན་ཏ་དེ་མིན་གྱི་རྒྱལ་ཁབ་གཞན་པ་འགས་ཟླ་བ་ལྔ་པའི་གཟའ་འཁོར་གཉིས་པའི་གཟའ་ཉི་མར་བརྩིས་པ་དང་།རྒྱལ་ཁབ་གཞན་པ་འགའ་དུས་ཚོད་དེ་འདྲ་མོ་མིན།ཨ་མའི་དུས་ཆེན་ཉིན་རྒྱུན་པར་ལེགས་སྐྱེས་འབྱོར་བ་ཡིན།