ཟླ་བ4པའི་ཚེས29ཉིན།དཀར་མཛེས་ཁུལ་སྤྱི་ཁྱབ་བཟོ་ཚོགས་དང་།ཁུལ་རྒྱལ་ཁབ་ཁྲལ་དོན་ཅུས།ཁུལ་རིག་གནས་དང་རྒྱང་སྒྲོག་བརྙན་འཕྲིན་ཅུས་བཅས་ཀྱིས་གཙོ་གཉེར་བྱས་པའི2011ལོའི་ཁྲལ་སྡུད་དྲིལ་བསྒྲགས་ཟླ་བ་དང་རྒྱལ་ཡོངས་ཁྲལ་སྡུད་དྲིལ་བསྒྲགས་བྱས་ནས་ལོ་ངོ་20འཁོར་བའི་དྲན་རྟེན་གྱི་རིག་གནས་བྱེད་སྒོ་དེ་དར་མདོ་མཛའ་གཞས་ཐང་ཆེན་དུ་སྤེལ་བ་རེད།བྱེད་སྒོ་འདི་ནི་རང་ཁུལ་གྱིས་ལྔ་གཅིག་རྒྱལ་སྤྱིའི་ངལ་རྩོལ་དུས་ཆེན་རོལ་བ་དང་ཏང་དབུ་བརྙེས་ནས་ལོ་ངོ90འཁོར་བར་རྟེན་འབྲེལ་ཞུ་བའི་རིམ་བསྟར་བྱེད་སྒོའི་ནང་གི་གྲས་ཤིག་ཡིན་པ་དང་།ཁུལ་དཔོན་གཞོན་པ་དང་ཁུལ་སྤྱི་ཁྱབ་བཟོ་ཚོགས་ཀྱི་ཀྲུའུ་ཞི་ལའོ་ཞའོ་ཏུང་བྱེད་སྒོ་རུ་ཞུགས་ཤིང་ཤིས་ཚིག་ཀྱང་ཕུལ་བ་རེད།
     ཁོང་གིས་ཁུལ་ཨུ་དང་ཁུལ་སྲིད་གཞུང་།ཁུལ་སྤྱི་ཁྱབ་བཟོ་ཚོགས་བཅས་ཀྱི་འཐུས་བྱས་ནས་ཁུལ་ཡོངས་ཀྱི་རྒྱ་ཆེའི་མང་ཚོགས་དང་ངལ་རྩོལ་དཔེ་བཟང་ཅན་རྣམས་ལ་དུས་ཆེན་གྱི་བཀྲ་ཤིས་བདེ་ལེགས་ཞུས་ཤིང་འབྱུང་འགྱུར་བོད་ཁུལ་མཆོང་བརྒལ་འཕེལ་རྒྱས་དང་ཡུན་རིང་བདེ་འགོད་ཡོང་བའི་ཁྲིད་སྟོན་བསམ་བློལ་བརྟེན་ནས་དཀའ་སྤྱད་འབད་འཐབ་དང་དཔེ་སྟོན་སྣེ་ཁྲིད་བྱེད་པའི་ཀུན་སྤྱོད་བཟང་པོ་རྒྱུན་འཛིན་བྱས་ཏེ་བྱས་རྗེས་ཆེན་པོ་འཇོག་དགོས་ཞེས་བསྟན་པ་རེད།
     བྱེད་སྒོའི་ཐོག་རང་ཁུལ་གྱི་རྒྱལ་ཡོངས་དང་ཞིང་ཆེན་གྱི་ངལ་རྩོལ་དཔེ་བཟང་ཅན་གྱི་མཚན་སྙན་ཐོབ་པའི་སྡེ་ཁག་དང་མི་སྒེར་ལ་བྱ་དགའ་སྤྲད་ཅིང་ཁུལ་རྒྱལ་ཁབ་ཁྲལ་དོན་ཅུས་ཀྱི་ལས་སྒྲུབ་མི་སྣ་དང་ཁུལ་ཟློས་གར་ཚོགས་པས་རིག་རྩལ་འཁྲབ་སྟོན་བྱས་ནས་ཏང་གི་བཀའ་དྲིན་བསྔགས་ཤིང་བརྗིད་ཉམས་རྣམ་པར་ངོམས་པ་རེད།