རང་ཁུལ་གྱིས་སློབ་གསོ་ཁོངས་གཏོགས་ཀྱི་བརྙན་འཕྲིན་དྲ་སྦྲེལ་མ་ལག་སྒྲིག་སྦྱོར་བྱས་ཟིན།

ཡེ་ཤེས་མགོན་པོས་བྲིས།        2011-04-26

ཟླ་བ4པའི་ཚེས21ཉིན་གསར་འགྱུར་ཐོ་འགོད་པས་དཀར་མཛེས་ཁུལ་སློབ་གསོ་འཕེལ་རྒྱས་ཚོགས་ཆེན་ཐོག་ནས་ཤེས་རྟོགས་བྱུང་རྒྱུར།མིག་སྔའི་བར་དུ་སླེབས་སྐབས་རང་ཁུལ་གྱིས་སློབ་གསོ་ཁོངས་གཏོགས་ཀྱི་བརྙན་འཕྲིན་ཐོག་ནས་སློབ་ཁྲིད་བྱེད་པའི་དྲ་སྦྲེལ་མ་ལག་གཞི་རྩའི་ཐོག་སྒྲིག་སྦྱོར་བྱས་ཟིན་པ་དང་རྫོང་ཁག་ཁ་ཤས་ཀྱིས་ཤང་ལྟེ་བའི་སློབ་ཆུང་ནང་དུའང་སྒྲིག་སྦྱོར་བྱས་ཡོད་པ་རེད།
     ངོ་སྤྲོད་བྱས་པར་གཞིགས་ན།བརྙན་འཕྲིན་ཐོག་ནས་རྒྱང་རིང་སློབ་ཁྲིད་བྱེད་པའི་བྱེད་ཐབས་དེ་ཡོངས་ཁྱབ་ཏུ་བཀོལ་སྤྱོད་བྱེད་པར་རྒྱ་ཆེའི་དགེ་སློབ་དང་ཁྱིམ་བདག་ཚོས་གདེང་འཇོག་ཡག་པོ་ཐོབ་དང་འཐོབ་བཞིན་་ཡོད་པ་རེད།བརྙན་འཕྲིན་ཐོག་ནས་རྒྱང་རིང་སློབ་ཁྲིད་བྱེད་པའི་མ་ལག་དེ་དར་མདོ་དང་།རྟའུ།ཕྱག་ཕྲེང་རྫོང་སོགས་སུ་ཚོད་ལྟ་བྱས་རྗེས་ཐོབ་པའི་ཕན་འབྲས་སྲ་བརྟན་བྱས་པ་དང་ཆབས་ཅིག ཕྱིན་ཆད་ཤུགས་སྣོན་ཆེན་པོ་བརྒྱབ་ནས་སློབ་ཁྲིད་དེང་རབས་ཅན་དང་འདྲ་ཉམས་ཅན་དུ་འཕེལ་རྒྱས་གཏོང་རྒྱུར་སྐུལ་སྤེལ་བྱས་པར་བརྟེན།སློབ་གསོའི་ཆ་འཕྲིན་ལག་རྩལ་གྱི་རྨང་གཞིའི་སྒྲིག་ཆས་འཛུགས་སྐྲུན་དང་།དགེ་རྒན་ཚོས་ཆ་འཕྲིན་ལག་རྩལ་བཀོལ་སྤྱོད་བྱེད་པའི་འཇོན་ནུས་ཇེ་དྲག་ཏུ་གཏོང་རྒྱུ་ཡིན་པ་རེད།རྨང་གཞི་དེའི་ཐོག་སློབ་གསོའི་རྨང་གཞི་ཆ་འཕྲིན་གསོག་འཇོག་བྱེད་ས་དང་རྨང་གཞིའི་ཆ་འཕྲིན་མ་ལག ཐོན་ཁུངས་ཐུན་མོང་དུ་སྤྱོད་པར་ཞབས་ཕྱི་སྒྲུབ་སའི་སྟེགས་བུ་འཛུགས་སྐྲུན་བྱས་པར་བརྟེན།ཧུར་ཐག་གིས་སྤུས་ཀ་བཟང་བའི་གྲངས་གནས་ཅན་གྱི་སློབ་གསོ་ཐོན་ཁུངས་གསར་སྦོལ་དང་ནང་འདྲེན་བྱ་རྒྱུ་ཡིན་པ་རེད།
     དེ་དང་ཆབས་ཅིག ཞིང་སྡེའི་སློབ་གྲྭ་འབྲིང་ཆུང་དུ་བརྙན་འཕྲིན་ཐོག་ནས་རྒྱང་རིང་སློབ་གསོ་བྱེད་སའི་སྟེགས་བུ་བསྐྲུན་པ་བརྟན་ནས་སློབ་གསོ་ཐོན་ཁུངས་མཉམ་དུ་ལོངས་སུ་སྤྱོད་པའི་ཁྱབ་ཁོངས་རྒྱ་སྐྱེད་བཏང་སྟེ་སློབ་གསོ་ཆ་འཕྲིན་ཅན་བེད་སྤྱོད་བྱེད་པའི་ཆུ་ཚད་མཐོ་རུ་གཏོང་རྒྱུ་དང་།ཞིང་སྡེའི་སློབ་གྲྭ་འབྲིང་ཆུང་གི་སློབ་གསོའི་སྤུས་ཀ་དང་དོ་དམ་ཆུ་ཚད་མཐོར་འདེག་གཏོང་གང་ཐུབ་བྱས་ནས2020ལོར་སླེབས་སྐབས་གཞི་རྩའི་ཐོག་གྲོང་རྡལ་དང་གྲོང་གསེབ་ཀྱི་སློབ་གྲྭར་ཁེབས་པའི་གྲངས་གནས་ཅན་གྱི་སློབ་གསོའི་ཞབས་ཕྱི་མ་ལག་བསྐྲུན་རྒྱུ་ཡིན་པ་རེད།
  • ལེ་ཚན་སྔོན་མ།:ལྷག་བསམ་བཟང་པོ་དཀར་མཛེས་སློབ་གསོར་ཕུལ།
  • ལེ་ཚན་རྗེས་མ།:ཏང་གི་བཀའ་དྲིན་བསྔགས།།བརྗིད་ཉམས་རྣམ་པར་ངོམས།།
  • དོ་སྣང་ཆེ་བའི་རྩོམ།