ཟླ་བ4པའི་ཚེས17ཉིན་ཞིང་ཆེན་ཏང་ཨུའི་རྒྱུན་ཨུ།སྲིད་ཁྲིམས་ཨུ་ལྷན་གྱི་ཧྲུའུ་ཅི་ཝང་ཧོའེ་ཁྲེང་གིས་ཞིང་ཆེན་ཐད་གཏོགས་འབྲེལ་ཡོད་སྡེ་ཁག་གི་འགན་ཁུར་པ་སྣེ་ཁྲིད་ནས་རང་ཁུལ་གྱི་དར་མདོ་རྫོང་ལྷང་སྒང་ཤང་ལྕམ་པ་གྲོང་ཚོ་དང་གཡག་ར་ཤང་ཟམ་པ་གསུམ་པའི་གྲོང་ཚོར་ཕེབས་ནས་སྤྱི་ཚོགས་དོ་དམ་དང་དམག་དམངས་གཉིས་ཀྱིས་མཉམ་སྐྲུན་སོགས་ཀྱི་ནང་དོན་ལ་བརྟག་དཔྱད་ཞིབ་འཇུག་གནང་བ།དྲག་ཆས་ཉེན་རྟོགས་སི་ཁྲོན་ཞིང་ཆེན་གྱི་སྤྱི་ཁྱབ་རུ་ཁག་གི་སྤྱི་ཁྱབ་རུ་དཔོན་ཞའོ་ཧྥང་ཧོ་བརྟག་ཞིང་ནང་ཕེབས་པ།ཞིང་ཆེན་སྲིད་གྲོས་ཀྱི་ཀྲུའུ་ཞི་གཞོན་པ།ཁུལ་ཨུའི་ཧྲུའུ་ཅི་ལིའུ་ཏའོ་ཕིང་དང་ཁུལ་ཨུའི་ཧྲུའུ་ཅི་གཞོན་པ།ཁུལ་སྲིད་ཁྲིམས་ཨུ་ལྷན་གྱི་ཧྲུའུ་ཅི་ལི་ཁང་དང་ཁུལ་ཨུའི་རྒྱུན་ཨུ་དབྱང་ཁེ་བརྟག་ཞིབ་ནང་ཕེབས་རོགས་གནང་བ།
     དར་མདོ་རྫོང་ལྷང་སྒང་ཤང་ལྕམ་པ་གྲོང་ཚོའི་འབྲོག་པའི་གཞིས་ཆགས་སར་ཝང་ཧོའེ་ཁྲེང་དང་ལྷན་ཕེབས་ཚོས་དར་མདོ་རྫོང་གི་ཞིང་འབྲོག་ས་ཁུལ་གྱི་སྤྱི་ཚོགས་བདེ་འཇགས་དོ་དམ་ལ་ཤུགས་སྣོན་རྒྱག་ཚུལ་སྐོར་གྱི་སྙན་ཞུ་གསན་པ་རེད།ཁོང་གིས་བསྟན་དོན།ཀྲུང་དབྱང་དང་ཞིང་ཆེན་ཏང་ཨུ།ཞིང་ཆེན་སྲིད་གཞུང་གི་སྤྱི་ཚོགས་དོ་དམ་གསར་སྐྲུན་བྱ་རྒྱུའི་སྐོར་གྱི་བཀོད་སྒྲིག་བླང་བྱ་ལག་བསྟར་དོན་འཁྱོལ་ཡག་པོ་བྱེད་དགོས་པ་དང་།དོན་དངོས་དང་ཟུང་འབྲེལ་བྱེད་པ།སྤྱི་ཚོགས་དོ་དམ་བྱ་རྒྱུར་ཤུགས་སྣོན་དང་གསར་སྐྲུན་བྱས་ནས་རྒྱ་ཆེའི་འབྲོག་པ་མང་ཚོགས་ཚོ་བདེ་སྡོད་ལས་བརྩོན་དང་འཚོ་བ་དེ་བས་སྐྱིད་པོ་རོལ་བ།དེ་བས་བདེ་འཇགས།དེ་བས་འཆམ་མཐུན་ཡོང་དུ་འཇུག་དགོས།རིམ་ཁག་ཏང་ཨུ་དང་སྲིད་གཞུང་།ཁྱད་པར་དུ་ཤང་དང་གྲོང་རྡལ་ཏང་ཨུ།སྲིད་གཞུང་བཅས་ཀྱིས་སྤྱི་ཚོགས་དོ་དམ་གྱི་བླང་བྱ་དང་འཕྲོད་པ།འགན་ནུས་བསྒྱུར་བ།མང་ཚོགས་ལ་ཞབས་འདེགས་ཞུ་བ།སྤྱི་ཚོགས་དོ་དམ།འཕེལ་རྒྱས་ཡོང་བར་སྐུལ་འདེད།བརྟན་བརླིང་སྲུང་སྐྱོང་བྱས་ནས་དེ་བས་འཆམ་མཐུན་མཛེས་སྡུག་ལྡན་པའི་བོད་ཁུལ་གསར་པ་ཞིག་སྐྲུན་དགོས།
     ཟམ་པ་གསུམ་པའི་གྲོང་ཚོ་ལ་ཝང་ཧོའེ་ཁྲེང་དང་ལྷན་ཕེབས་ཚོས་དྲག་ཆས་ཉེན་རྟོག་དཀར་མཛེས་ཁུལ་ཡན་ལག་རུ་ཁག་གི་རུ་འབྲིང་དང་པོའི་ཏང་ཀྲི་པུའུ་དང་དར་མདོ་རྫོང་གཡག་ར་ཤང་གི་ཟམ་པ་གསུམ་པའི་གྲོང་ཚོའི་ཏང་ཀྲི་པུའུ་གཉིས་ཀྱིས་མཉམ་སྐྲུན་ལས་ཀར་རྟོག་ཞིབ་གནང་བ་རེད།