ཉེ་ཆར། རྒྱལ་ཁབ་མི་རིགས་དོན་བྱེད་ཨུ་ལྷན་གྱིས་རིན་སྐྱིན་མི་དགོས་པར་རང་ཁུལ་ལ་ སྒོར་ཁྲི40ཙམ་རི་བའི་མི་རིགས་ཤེས་བྱའི་ཀློག་དེབ་གནང་བ། དེའི་ནང་ཀྲུང་གོའི་ཀློག་དེབ་ཅེས་པ་དང་བོད་ལྗོངས་ཀློག་དེབ་ཞེས་པའི་དཔེ་ཆ་དེབ5000ལ་ཟིན། ཟླ4པའི་ཚེས19ཉིན། ཁུལ་ཨུའི་དྲིལ་བསྒྲགས་པུའུ་དང་། ཁུལ་མི་རིགས་དོན་བྱེད་ཨུ་ལྷན་བཅས་ཀྱིས་དར་མདོར་དཔེ་ཆ་སྤྲོད་པའི་བྱེད་སྒོ་སྤེལ་ནས་རང་ཁུལ་གྱི་འགོ་ཁྲིད་ལས་བྱེད་པ་དང་། དམག་དཔུང་གི་དམག་མི། སློབ་གྲྭའི་དགེ་སློབ་དང་དགོན་པའི་བླ་གྲྭ་བཅས་ལ་དཔེ་ཆ་སྤྲད་པ་རེད།
     ཀྲུང་གོའི་ཀློག་དེབ་ཅེས་པའི་དེབ་དེ་ནི་ཀྲུང་གོའི་ལོ་རྒྱུས་དང་རིག་གནས་མཚམས་སྦྱོར་བྱས་པའི་ཁྱབ་གདལ་ཅན་གྱི་རྒྱལ་གཅེས་རིང་ལུགས་ཀྱི་སློབ་གསོའི་ཀློག་དེབ་ཡིན་ལ་ཀྲུང་དབྱང་དྲིལ་བསྒྲགས་པུའུ་ཡི་གཅིག་ཅན་ལྔ་པོའི་ ལས་གྲྭ་ཞེས་པའི་དཔེ་དེབ་ཀྱི་བྱ་དགའ་ཐོབ་པ་དང་། དེང་དབྱིན་གོ་དང་། ཧྥ་གོ འཇར་པན། ཨོ་གོ་བཅས་རྒྱལ་ཁབ་མང་པོའི་ཡི་གེར་བསྒྱུར་ཡོད་པ་དང་འགྲེམ་སྤེལ་བྱེད་ཚད་དེབ་གྲངས་ཁྲི1000ལས་བརྒལ་བ།
     ཁུལ་ཨུའི་གཞུང་ལས་ཁང་དང་། ཁུལ་དམངས་ཆེན་གཞུང་ལས་ཁང་། ཁུལ་སྲིད་གཞུང་གི་གཞུང་ལས་ཁང་། ཁུལ་སྲིད་གྲོས་ཀྱི་གཞུང་ལས་ཁང་དང་། དཀར་མཛེས་ཡན་ལག་དམག་ཁུལ་བཅས་ཀྱི་ལས་ཁུངས་ཀྱི་འགན་ཁུར་པ་བྱེད་སྒོར་ཞུགས་ཤིང་ཀློག་དཔེ་བརྒྱུད་སྤྲོད་ཀྱི་ལས་འགན་ཁུར་བ་རེད།