ཉེ་བའི་ལོ་ཤས་རིང་། སི་ཁྲོན་ཞིང་ཆེན་དཀར་མཛེས་བོད་རིགས་རང་སྐྱོང་ཁུལ་དར་མདོ་རྫོང་གིས་མ་དངུལ་འབོར་ཆེན་བཏང་ནས་ཞིང་འབྲོག་པའི་གཞིས་ཆགས་ས་བསྐྲུན་པ་མ་ཟད། ད་དུང་སྲིད་གཞུང་དང་། སྤྱི་ཚོགས། ཞིང་དུད་བཅས་གཅིག་ཏུ་སྦྲེལ་བའི་ཞིང་སྡེ་གསར་པ་བསྐྲུན་རྒྱུའི་ནང་རྐྱེན་འཛུགས་སྐྱོང་བྱས་ཤིང་། བོད་ཁུལ་གྱི་ཨང་དང་པོའི་སྤྱི་ཚོགས་རིང་ལུགས་ཀྱི་ཞིང་སྡེ་གསར་པའི་མ་དཔེ་བསྐྲུན་ཡོད། མིག་སྔར། རྫོང་དེས་དང་ཐོག་འབྲོག་པའི་གཞིས་ཆགས་ས21བསྐྲུན་ཡོད་ཅིང་། ཞིང་དུད409ཡི་འབྲོག་པ2065ཚང་མས་སྡོད་ཁང་གསར་པའི་ནང་སྤོས་བས། གཞི་རྩའི་ཐོག་མང་ཚོགས་ཕྱིར་འགྲོ་དཀའ་བ་དང་། ནད་བལྟ་དཀའ་བ། འཐུང་ཆུ་རག་དཀའ་བ། གློག་སྤྱོད་རྒྱུ་མེད་པ། སློབ་གྲྭར་ཞུགས་དཀའ་བ། སྡོད་ཁང་མེད་པའི་གནད་དོན་བཅས་ཐག་བཅད་ཡོད། དེ་མ་ཚད། ཨར་འདམ་གྱི་གཞུང་ལམ་ནི་གཞིས་ཆགས་དུད་ཚང་ཚང་མའི་སྒོ་ཁར་ལས་ཡོད་ལ། འབྲོག་པ་ཚང་མར་ཉི་ནུས་ཐབ་ཆས་ཀྱང་སྤྱོད་རྒྱུ་རག་ཡོད། ཏང་དང་སྲིད་གཞུང་གི་ཐུགས་ཁུར་གནང་འོག་མིག་སྔར་ཁམས་པའི་ས་ཁུལ་གྱི་འབྲོག་པ་རྣམས་གཙང་སྦྲ་ཁང་དང་གཙང་སྦྲའི་ཇ་ཁང་། གཙང་སྦྲའི་ལྷས་ར་བཅས་ཆ་ཚང་ལྡན་པའི་གཞིས་ཆགས་སྡོད་ཁང་ནང་འཚོ་བ་སྐྱེལ་བཞིན་ཡོད་དང་། འབྲོག་པའི་ལོ་ན་རན་པའི་བྱིས་པ་རྣམས་སློབ་གྲྭར་ཞུགས་ནས་དེང་རབས་ཀྱི་སློབ་གསོ་དང་ལེན་ཞུ་བཞིན་པ།