གསར་འགོད་པ་ཕག་ཕྲེང་རྫོང་དྲེད་མོ་ལུང་པའི་ཞིང་སྡེ་གསར་པར་འབྱོར་ཚེ་ཚལ་དུ་དངར་བའི་བཀོད་ལེགས་ཁང་བཟང་དང་འཐུས་སྒོ་ཚང་བའི་སྒྲིག་ཆས་རྣམས་ཀྱིས་ཡིད་སེམས་ཀུན་ནས་འཕྲོག་སོང་།སྤོ་བོ་བསོད་ནམས་བཀྲ་ཤིས་ཀྱིས་ང་ཚོ་ཁོ་རང་གི་ཁྱིམ་དུ་འཁྲིད་ནས་ཇ་དྲངས་ཞོར་དུ།རྒྱལ་ཁབ་དང་སྲིད་གཞུང་གིས་ཞིང་སྡེ་གསར་པ་འཛུགས་སྐྲུན་བྱེད་པའི་སྲིད་ཇུས་ལག་ལེན་དོན་འཁྱོལ་བྱུང་བ་ལ་བརྟེན་ནས་ཞིང་པ་རང་སྒེར་གྱིས་འགྲོ་སོང་ཉུང་ངུ་ལས་ཕུད་མི་དགོས་པར་ཡི་རང་བའི་སྡོད་འགེབས་ཐུབ་པས་མ་ཚད་ཉི་ནུས་ཆུ་སྲོས་ཆས་དང་ཞིང་ལས་འདྲུད་འཐེན་འཁོར་ལོ་གཙོས་པའི་མཐོ་སྒང་གི་ཁྱད་ཆོས་དང་མཐུན་པའི་འཕྲུལ་འཁོར་གྱི་རིགས་མང་དག་རིན་པ་ཆུང་ངུ་ལས་མི་དགོས་པའི་རོགས་སྐྱོར་བྱས་པས་ང་ཚོ་གྲོང་སྡེའི་ཞིང་པ་རྣམས་ཀྱང་དེང་རབས་ཀྱི་འཚོ་བ་ལ་ལོངས་སུ་སྤྱོད་ཐུབ་པ་བྱུང་ཡོད།ངོ་མ་འདི་དག་ནི་རྒྱལ་ཁབ་སྟོབས་འབྱོར་ལྡན་པ་དང་གུང་ཁྲན་ཏང་གི་སྲིད་ཇུས་བཟང་པོའི་བཀའ་དྲིན་ཡིན་པས་དུས་ནམ་ཡང་བརྗེད་ཐབས་མི་འདུགང་ཚོ་བློ་རྩ་བརྟན་པོས་གུང་ཁྲན་ཏང་གི་ཁ་ལ་ཉན་ཞིང་གུང་ཁྲན་ཏང་གི་རྗེས་སུ་འབྲངས་ནས་ཡ་རབས་འཆམ་མཐུན་གྱི་ཞིང་གྲོང་གསར་པ་འཛུགས་སྐྲུན་བྱ་བར་རང་ནུས་ཡོད་དགུ་འབུལ་ངེས་ཡིན་ཞེས་བཤད་པ་རེད།ཞིང་སྡེ་གསར་པའི་ལས་གྲྭའི་སྤེལ་བའི་ཁྲོད་དུ་བཀབ་པའི་སྡོད་ཁང་འདི་དག་ནི་ཕྱི་ཁོག་མཛེས་པར་མ་ཟད་ནང་ཁོག་ཀྱང་བཅད་ཆོད་དྲས་གཙང་བ་དང།སྤྱོད་ཆས་རིགས་མང་ཞིང་ཁྱིམ་གྱི་གཙང་སྦྲ་ལེགས་པས་ཕྱི་མི་སུ་ཡིས་བལྟས་ཀྱང་ཡིད་དུ་འོང་བ་ཞིག་རེད།མི་ཡི་ལུས་ཀུན་འདར་སིག་བྱས་པའི་ཁ་བའི་གྲང་ངར་ཇི་ལྟར་ཆེ་ན་ཡང་ཞིང་སྡེ་གསར་པ་འདིའི་ནང་གི་མི་ཚང་མའི་སེམས་སུ་ཏང་གི་བཀའ་དྲིན་རྗེས་སུ་དྲན་ཞིང་མ་འོངས་འཚོ་བར་ཡིད་ཆེས་ཆེ་བའི་བདེ་དྲོད་ཀྱི་ལམ་བུ་ཞིག་གིས་ཁེངས་ཀྱི་འདུག་གོ