ཉེ་ཆར།སི་ཁྲོན་འགྲིམ་འགྲུལ་ལས་རིགས་ལག་རྩལ་སློབ་གྲྭའི་དཀར་མཛེས་ཁུལ་ནས་ཡོང་བའི་ལོ་དགུའི་འོས་འགན་སློབ་གསོའི་ཐོག་འབྲིང་རིམ་ལས་རིགས་སློབ་གསོ་ལོ་གསུམ་བསྣན་པའི་སློབ་ཡོན་མི་དགོས་པའི་འཛིན་གྲྭའི་ནང་སློབ་སྦྱོང་བྱེད་བཞིན་པའི་སློབ་མ་རྣམས་ཀྱིས་སེམས་ཞིང་ཆེན་ཏང་ཨུ་ཧྲུའུ་ཅི་གཞོན་པ།ཞིང་ཆེན་དམངས་ཆེན་རྒྱུན་ལས་ཨུ་ལྷན་གྱི་ཀྲུའུ་རེན་གཞོན་པ།ཏང་ཙུའུ་ཧྲུའུ་ཅི་ལི་ཁྲུང་ཞིན་ལ་འཕྲིན་ཡིག་བསྐུར་ནས་སེམས་ཁོག་རུས་པའི་གཏིང་ནས་བཀའ་དྲིན་ཆེ་ཞུས་པ་རེད།ཁོ་ཚོས་བཤད་རྒྱུར།དེ་རིང་ང་ཚོས་ཕ་ཡུལ་ནས་ཐོན་ཏེ་རིག་གནས་སྦྱང་བཞིན་ཡོད་ལ་སང་ཉིན་ང་ཚོས་ཕྱིར་ཕ་ཡུལ་དུ་ལོག་ནས་ཕ་ཡུལ་འཛུགས་སྐྲུན་དང་ཕ་ཡུལ་ལ་ཕན་ཐོགས་ཡོད་པའི་མི་ཞིག་བྱེད་རྒྱུ་ཡིན།
     འཕྲིན་ཡིག་ནང་བཤད་རྒྱུར།ལོ་གཅིག་ལྷག་གི་སློབ་གྲྭའི་འཚོ་བར་ཕྱི་འདིང་ཞིག་རྒྱག་དུས།འདི་ནི་ང་ཚོའི་ཚོར་སྣང་ཡིན་ལ་བརྗེད་དྲན་ཀྱང་ཡིན།འདི་ནི་ང་ཚོའི་ལོ་རྒྱུས་ཡིན་ལ་སྐུལ་མ་ཡང་ཡིན།དེ་རིང་ང་ཚོས་ལོ་དགུའི་འོས་འགན་སློབ་གསོ་ཐོག་འབྲིང་རིམ་ལས་རིགས་སློབ་གསོ་ལོ་གསུམ་བསྣན་པའི་སློབ་ཡོན་མི་དགོས་པའི་འཛིན་གྲྭའི་ནང་བྱེད་བཞིན་པའི་སློབ་མ་ཡོངས་ཀྱིསེམས་རྣམ་པ་དག་པའི་སྒོ་ནས་ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གིས་ང་ཚོར་རིན་པ་སྤྲད་མི་དགོས་ནས་སློབ་སྦྱོང་བྱེད་བཅུག་པ་དང་གང་ཅིའི་ཐད་རྒྱབ་སྐྱོར་རོགས་རམ་བྱས་པར་སྙིང་ཁོག་རུས་པའི་གཏིང་ནས་བཀའ་དྲིན་ཆེ་ཞུས་རྒྱུ་ཡིན་ལ།ང་ཚོར་རང་ཉིད་ཀྱི་བུ་ལྟར་སྐྱོང་བའི་དགེ་རྒན་རྣམས་དང་ང་ཚོར་རྒྱབ་སྐྱོར་རོགས་རམ་བྱས་པའི་སེམས་བཟང་གི་དམ་པ་ཀུན་ལ་བཀའ་དྲིན་ཆེ་ཞུས་རྒྱུ་ཡིན།ཁྱད་པར་དུ་ང་ཚོ་ལོ་དགུའི་འོས་འགན་སློབ་གསོའི་ཐོག་འབྲིང་རིམ་སློབ་གསོ་ལོ་གསུམ་བསྣན་པའི་སློབ་མ་ཡོངས་ལ་རྒྱབ་སྐྱོར་རོགས་རམ་དང་སེམས་ཁུར་བྱས་པའི་ཨ་ཁུ་ལི་ཁྲུང་ཞིན་ལགས་ལ་བཀའ་དྲིན་ཆེ་ཞུས་རྒྱུ་ཡིན།ང་ཚོས་མི་ཚེ་ཧྲིལ་པོར་ཁྱེད་ཀྱི་བཀའ་དྲིན་བརྗེད་མི་སྲིད།
     འཕྲིན་ཡིག་ནང་བཤད་རྒྱུར།ང་ཚོས་སློབ་གྲྭ་རུ་ཐོན་རྗེས་རིག་གནས་ལག་ཤེས་སྦྱོང་རྒྱུ་ཡོད་པར་མ་ཟད།བསམ་བློ་དང་བྱང་ཚད་སོགས་གང་ཅིའི་ཐད་ལ་འཕོ་འགྱུར་ཆེན་པོ་བྱུང་ཡོད།འདས་ཟིན་པར་ང་ཚོ་ནི་ཟ་རྒྱུ་དང་གྱོན་རྒྱུ་འཁྱམ་རྒྱུ་ལ་དགའ་བ་ལས་གཞན་ཅི་ཡང་མི་ཤེས་པ་ཡིན་ཡང་ད་ལྟ་ང་ཚོས་སྔར་དང་མི་འདྲ་བ་སློབ་སྦྱོང་ལ་བརྩོན་འགྲུས་བྱས་པར་མ་ཟད་དགེ་རྒན་ལ་བརྩི་བཀུར་དང་སློབ་གྲོགས་ཕན་ཚུན་མཐུན་སྒྲིལ་བྱེད་ཀྱི་ཡོད།འདས་ཟིན་པར་ང་ཚོས་ཁྱིམ་གྱི་བ་གླང་དང་ར་ལུག་སོགས་ཅི་ཙམ་ཡོད་པ་ཙམ་ཤེས་པ་ལས་གཞན་ཅི་ཡང་ཤེས་པ་མ་རེད།ད་ལྟ་ང་ཚོ་སྔར་དང་མི་འདྲ་བ་ཕ་ཡུལ་འཛུགས་སྐྲུན་བྱེད་པའི་བསམ་བློ་ཡོད་ལ་མི་རིགས་མཐུན་སྒྲིལ་དང་སྤྱི་ཚོགས་འཆམ་མཐུན།མེས་རྒྱལ་གཅིག་གྱུར་ཡོང་བ་བཅས་དགའ་ཞེན་ཆེན་པོ་ཡོད།
     མཇུག་ཏུ་ང་ཚོ་ལོ་དགུའི་འོས་འགན་སློབ་གསོའི་ཐོག་འབྲིང་རིམ་ལས་རིགས་སློབ་གསོའི་ལོ་གསུམ་བསྣན་པའི་སློབ་ཡོན་མི་དགོས་པའི་འཛིན་གྲྭའི་ནང་སློབ་སྦྱོང་བྱེད་བཞིན་པའི་སློབ་མ་ཡོངས་ཀྱིས་ཨ་ཁུ་ལི་ཁྲུང་ཞིན་ལགས་ལ་ཡང་ནས་ཡང་དུ་བཀའ་དྲིན་ཆེ་ཞུ་རྒྱུ་ཡིན་ལ་ང་ཚོས་ཁྱེད་ཀྱིས་སེམས་རྣམ་པ་དག་པའི་རྒྱབ་སྐྱོར་རོགས་རམ་བྱས་པ་དེ་ཆུད་གཟོས་སུ་མི་བཏང་བར་སློབ་སྦྱོང་ལ་བརྩོན་འགྲུས་དང་ལག་ཤེས་ཡག་པོ་སྦྱོང་ནས་གྲུབ་འབྲས་བཟང་པོ་ཞིག་དོན་དངོས་སུ་འགྱུར་རྒྱུ་ཡིན།