མཐའ་འཁོབ་ཀྱི་ལུང་ཀྱོག་ནས་སྔོན་ཐོན་གྱི་འཇིག་རྟེན་དུ་གོམ་ཁ་བསྒྱུར།

ཀུན་དགའ་དང་ཁྲེན་དབྱང་།        2011-03-21

ཟླ་བ3པའི་ཚེས8ཉིན།སྨྱུག་འཛིན་པས་སི་ཁྲོན་འགྲིམ་འགྲུལ་ལས་རིགས་ལག་རྩལ་སློབ་གྲྭའི་ནང་ལོ་དགུའི་འོས་འགན་སློབ་གསོའི་ཐོག་འབྲིང་རིམ་ལས་རིགས་སློབ་གསོ་ལོ་གསུམ་བསྣན་པའི་རིན་པ་སྤྲད་མི་དགོས་པའི་འཛིན་གྲྭའི་ནང་སློབ་སྦྱོང་བྱེད་བཞིན་པའི་སློབ་མ་ཚོར་བཅར་འདྲི་བྱེད་དུ་སོང་བ་ཡིན།ངས་སློབ་གྲྭའི་སྒོ་ཁར་སླེབས་དུས་ལོ་དགུའི་འོས་འགན་སློབ་གསོའི་ཐོག་འབྲིང་རིམ་ལས་རིགས་སློབ་གསོ་ལོ་གསུམ་བསྣན་པའི་རིན་པ་སྤྲད་མི་དགོས་པའི་འཛིན་གྲྭའི་སློབ་མ་དོ་དམ་བྱེད་མཁན་གྱི་དགེ་རྒན་ཧྭ་ཧྥུ་ཀང་གིས་སྣེ་ཁྲིད་འོག་ཏུ་སློབ་མས་འཕྲུལ་ཆས་སྦྱོང་བརྡར་བྱེད་བྱེད་སའི་ཡུལ་དངོས་སུ་བཅར་འདྲི་བྱེད་དུ་སོང་བ་ཡིན།
     སི་ཁྲོན་འགྲིམ་འགྲུལ་ལས་རིགས་ལག་རྩལ་སློབ་གྲྭའི་ར་བ་ཆེན་པོ་ཞིག་ཏུ་དཀར་མཛེས་ཁུལ་ནས་ཡོང་བའི་སློབ་མ་ཚོས་དགེ་རྒན་གྱིས་མཛུབ་སྟོན་དང་སློབ་ཁྲིད་འོག་རྐོ་འདྲུའི་འཕྲུལ་འཁོར་དང་ས་འཕུལ་འཕྲུལ་འཁོར་སོགས་ཀྱི་བཀོལ་སྤྱོད་དང་གཏོང་སྟངས་ཐད་ལ་སྦྱོང་བརྡར་གང་ལེགས་བྱེད་ཀྱི་འདུགདཀར་མཛེས་ཁུལ་རོང་བྲག་རྫོང་བྲག་སྟེང་ཤང་ཤུ་ནོར་ལོང་གྲོང་སྡེ་ནས་ཡོང་པའི་སློབ་མ་རྒྱ་མཚོ་སྐྱབས་མགོན་གྱིས་བྱང་ཆ་ཡོད་པའི་སྒོ་ནས་རྐོ་འདྲུའི་འཕྲུལ་འཁོར་ཞིག་ཁ་ལོ་སྒྱུར་ཞོར་དུ་གསར་འགོད་པར་བཤད་རྒྱུར།ང་ལ་པར་ཞིག་རྒྱག་རོགས།ད་ཡུན་རིང་པོ་མི་དགོས་པར་ངས་དངོས་སྦྱོང་དུ་འགྲོ་དགོས་རེད།ལོ་གཅིག་ལྷག་གི་རིང་ལ་ལོ་དགུའི་འོས་འགན་སློབ་གསོ་ཐོག་འབྲིང་རིམ་ལས་རིགས་སློབ་གསོ་ལོ་གསུམ་བསྣན་པའི་རིན་མ་སྤྲད་མི་དགོས་པའི་འཛིན་གྲྭའི་ནང་སློབ་སྦྱོང་གི་འཚོ་བ་ནི་ངེད་རང་ཉིད་ལ་མཚོན་ན་ཧ་ཅང་ཡི་རང་བ་ཞིག་རེད།ངས་དེ་ན་རིག་གནས་སྦྱོང་རྒྱུ་ལོན་པར་མ་ཟད་ལག་ཤེས་ཀྱང་ཡག་པོ་སྦྱོང་རྒྱུ་རག་ཡོད།དགེ་རྒན་རྣམ་པས་ཕྱོགས་རིས་མེད་པ་སློབ་མ་ཚང་མར་རྒྱབ་སྐྱོར་དང་ཐུགས་ཁུར་གནང་ལ།སློབ་གྲོགས་བར་མཐུན་སྒྲིལ་དང་རོགས་རམ་བྱས་ཏེ་བཟང་གསུམ་འཛོམས་པའི་སློབ་མ་ཞིག་བྱེད་དགོས་པའི་སློབ་གསོ་གནང་བ་ནི་ངས་དུས་ནམ་ཡང་བརྗེད་ག་ལ་སྲིད།
     ད་ལོར་ལོ་ན26ལ་སོན་པའི་རྒྱ་མཚོ་སྐྱབས་མགོན་ནི་འགྲིམ་འགྲུལ་ལས་རིགས་ལག་རྩལ་སློབ་གྲྭའི་དཀར་མཛེས་ཁུལ་ནས་ཡོང་བའི་ལོ་དགུའི་འོས་འགན་སློབ་གསོ་ཐོག་ཏུ་འབྲིང་རིམ་སློབ་གསོ་ལོ་གསུམ་སྣོན་པའི་རིན་པ་སྤྲད་མི་དགོས་པའི་འཛིན་གྲྭའི་སློབ་མ179ཡི་ནང་དུ་ལོ་ན་ཆེ་ཤོས་དེ་རེད།ཁོས་མ་རྩ་སློབ་གྲྭར་ཡོད་དུས་སློབ་སྦྱོང་གི་སྦྱངས་འབྲས་བཟང་ཤོས་ཀྱི་སློབ་མ་ཡ་རབས་ཞིག་ཡིན་ཡང་ཁྱིམ་གྱི་ཆ་རྐྱེན་ཞན་པས་དམའ་རིམ་སློབ་འབྲིང་ནས་འཐར་ཕྱིན་རྗེས་སློབ་མཚམས་མི་བཞག་ཁག་མེད་བྱུང་།སྐབས་དེར་ཁོ་རང་ལོ་ན15ཙམ་ལས་སོན་མེད་ནའང་ཁྱིམ་གྱི་ཆ་རྐྱེན་གང་མང་ཞིག་ཆེད་དུ2000ལོར་ཁོང་རང་ཡུལ་ནས་ཁ་བྲལ་ཏེ་རྒྱང་རིང་གི་ཡུལ་གཞན་དག་ཏུ་གླ་ས་འགྲོ་དགོས་བྱུང་།ཁོ་ལོ་ན་ཆུང་བའི་རྐྱེན་གྱིས་ཉིན་གང་བོར་དཀའ་ངལ་དང་རྔུལ་ཆུའི་ཁྲོད་དུ་སྡུག་རུས་ཀྱིས་ལས་ཀ་ལས་ཀྱང་ཉིན་གཅིག་གི་གླ་ཆ་སྒོར17མ་གཏོགས་ཪྙེད་པ་མ་རེད……།
     བཅར་འདྲི་བྱེད་པའི་ཁྲོད་དུ་ལྕགས་ཟམ་རྫོང་ཕེང་པ་ཤང་ནས་འབྲུ་སྒང་གྲོང་སྡེ་ནས་འོངས་པའི་ལི་ཞན་ཏི་ཡིས་གསར་འགོད་པར་བཤད་རྒྱུར།2008ལོར་ཁོས་དམའ་རིམ་སློབ་འབྲིང་ནས་སློབ་མཐར་ཕྱིན་རྗེས་གཅེང་པོ་སློབ་གྲྭ་ཆེན་པོའི་སློབ་སྦྱོང་བྱེད་བཞིན་ཡོད་པས་སྐབས་དེར་ཁྱིམ་ནང་ཆ་རྐྱེན་ཧ་ཅང་ཞན་ཏེ་ངས་གཅེང་གཅུང་གཉིས་པོ་སློབ་གྲྭར་གཏོང་ན་སློབ་ཡོན་སྤྲད་མི་ཐུབ་པས་ངས་སློབ་མཚམས་འཇོག་ནས་ཁྱིམ་ལས་མི་བྱེད་ཁག་མེད་བྱུང་།དེའི་རྗེས་ང་ཚོའི་ཉེ་འདབས་སུ་ཨར་ལས་འཛུགས་སྐྲུན་བྱེད་དུས་ངས་གོ་སྐབས་དེ་དང་བསྟུན་ནས་གླ་ས་སོང་བ་ཡིན།ས་དེར་གཡང་གཟར་དང་འཕྲང་ལམ་ཡིན་པས་རྟ་དྲེལ་དང་བ་གླང་སོགས་མི་ཐར་བས་ཨར་འདམ་ཚང་མ་མིས་འཁུར་ནས་རི་མཐོ་གཡང་གཟར་དུ་འདྲེན་དགོས་པ་རེད།ངས་ཀྱང་མི་དར་མ་ཚོ་དང་མཉམ་དུ་སྔ་ལངས་ཕྱི་ཉལ་བྱས་ནས་ཉིན་གང་བོར་རྒྱབ་ནས་ཨར་འདམ་ཁུར་ནས་རི་མཐོ་གཡང་གཟར་ལ་འདྲེན་མྱངས་ཤིང་།སྐབས་དེར་ཉིན་གང་བོར་ལས་ཀ་ལས་ཀྱང་ཉིན་གླ་སྒོར25མ་གཏོགས་ཡོད་པ་མ་རེད།
     བཀྲ་ཤིས་ནི་བརྒྱད་ཟིལ་རྫོང་ཝུའུ་པའི་ཉི་གྲོང་སྡེ་ནས་འོངས་པའི་སློབ་མ་ཤིག་རེད།ཁོས་ཀྱང་ཁྱིམ་གྱི་ཆ་རྐྱེན་ཞན་པས2008ལོར་དམའ་རིམ་སློབ་འབྲིང་ནས་སློབ་མཐར་ཕྱིན་རྗེས་སློབ་ཡོན་སྤྲད་མི་ཐུབ་ནས་སློབ་མཚམས་འཇོག་དགོས་ཐུག་ཅིང་།དེའི་རྗེས་ཁོས་དགུན་དུས་སུ་གང་སར་གླ་ས་འགྲོ་བ་དང་དབྱར་དུས་སུ་རི་མགོ་ལ་སོང་ནས་དབྱར་རྩྭ་དགུན་འབུ་བརྐོ་བ་དང་ཤ་མོ་འདྲ་མིན་སོགས་བསྡུས་ནས་དཀའ་སྤྱན་སྡུག་རུས་ཀྱིས་ལས་ཀ་མང་པོ་བྱས་མྱོང་པའི་གཏམ་རྒྱུད་སྨྱུག་འཛིན་པར་ལྷུག་བརྗོད་བྱས་བྱུང་།
     དཀར་མཛེས་ཁུལ་ནས་འོངས་པའི་སློབ་མ་ཚོས་སྨྱུག་འཛིན་པར་བཤད་རྒྱུར།ཏང་ཨུ་སྲིད་གཞུང་གིས་ང་ཚོར་གསེར་གྱི་ཟམ་པ་བསྐྲུན་ནས་བདེ་སྐྱིད་ཀྱི་ལམ་བུ་ཞིག་ཏུ་གོམ་ཁ་སྒྱུར་དུ་བཅུགཏང་ཨུ་སྲིད་གཞུང་གིས་རྒྱབ་སྐྱོར་རོགས་རམ་འོག་ཏུ་བོད་ཁུལ་གྱི་སློབ་མཚམས་འཇོག་པའི་སློབ་མ་ཚོས་སློབ་རིན་པ་སྤྲད་མི་དགོས་ནས་ཡང་བསྐྱར་ལོ་དགུའི་འོས་འགན་སློབ་གསོ་ཐོག་འབྲིང་རིམ་ལས་རིགས་སློབ་གསོ་ལོ་གསུམ་བསྣན་པའི་སློབ་མ་བསྡུས་ལེན་དུ་ཞུགས་པའི་གོ་སྐབས་ཪྙེད་ཡོད།ལོ་དགུའི་འོས་འགན་སློབ་གསོ་ཐོག་འབྲིང་རིམ་ལས་རིགས་སློབ་གསོ་ལོ་གསུམ་བསྣན་པའི་སློབ་མའི་དོ་དམ་བྱེད་མཁན་དགེ་རྒན་ཧྭ་ཧྥུ་ཀང་གིས་གསར་འགོད་པར་བཤད་རྒྱུར།སློབ་མ་དེ་དག་སློབ་གྲྭར་ཡོང་མ་ཐག་སློབ་གྲྭའི་སྒྲིག་ཁྲིམས་མི་སྲུང་ནས་དགེ་རྒན་ལ་བརྩི་བཀུར་དང་སློབ་གྲོགས་བར་ལ་མཐུན་སྒྲིལ་བྱེད་རྒྱུ་སོགས་མི་འདང་ས་ཡོད་པས་དགེ་རྒན་རྣམ་པར་གང་ཅིའི་ཐད་ལ་དཀའ་ཁག་ཧ་ཅང་ཆེན་པོ་བཟོས་ཡོད་མོད།ཡིན་ནའང་དགེ་རྒན་རྣམ་པས་ཉིན་ལྟར་སློབ་ཁྲིད་དང་མཛུབ་སྟོན་བྱས་ཏེ་སློབ་མའི་དེ་དག་གི་བསམ་བློ་ཀུན་སྤྱོད་དང་རིག་གནས་སོགས་སྔར་དང་བསྡུར་ན་གང་ཅིའི་ཐད་ནས་ཡར་རྒྱས་ཆེན་པོ་ཡོང་བ་རེད།དགེ་རྒན་རྣམ་པས་སྤྱི་ཚོགས་ཀྱི་དགོས་མཁོ་དང་བསྟུན་ནས་སློབ་མ་ཚོར་རིག་གནས་བསླབ་པར་མ་ཟད་གཞུང་ལམ་འཛུགས་སྐྲུན་དང་འཕྲུལ་ཆས་སྤྱོད་སྟངས་སོགས་ཕྱོགས་མང་པོའི་ཐད་ནས་སློབ་ཁྲིད་བྱེད་ཡོད་པས་དེ་སང་སློབ་མ་དྲུག་བདུན་ཙམ་གྱི་རང་རང་གི་ལས་ཁུངས་བཙལ་ནས་ལས་ཀ་ཪྙེད་ཡོད་པ་རེད།ལོ་དགུའི་འོས་འགན་སློབ་གསོའི་ཐོག་འབྲིང་རིམ་ལས་རིགས་སློབ་གསོ་ལོ་གསུམ་བསྣན་པའི་སློབ་མ་ཚོར་བསམ་བློ་ཧ་ཅང་ཡག་པོ་འདུགཁོ་ཚོ་ཚང་མས་ཕུགས་བསམ་དང་དམིགས་ཡུལ་ནི་རིག་གནས་ལག་ཤེས་ཡག་པོ་སྦྱོང་ནས་ཕ་ཡུལ་འཛུགས་སྐྲུན་བྱེད་རྒྱུ་དེ་རེད།
  • ལེ་ཚན་སྔོན་མ།:དཀར་མཛེས་བོད་ཁུལ་དུ་འབྲོག་པའི་གཞིས་ཆགས་བྱ་སྤྱོད་འཆར་འགོད་དང་སྦྲ་གུར་གྱི་འཚོ་བ་གསར་པའི་བྱ་སྤྱོད་དང་སྦ
  • ལེ་ཚན་རྗེས་མ།:“9+3”སློབ་མ་རྣམས་ཀྱིས་ལི་ཁྲུང་ཞིན་ལ་འཕྲིན་ཡིག་བསྐུར་ནས་དྲིན་ལན་གྱི་སྙིང་གཏམ་བཤད།
  • དོ་སྣང་ཆེ་བའི་རྩོམ།