ཟླ་བ་2པའི་ཚེས24ཉིན་ཀྲུང་གུང་དཀར་མཛེས་ཁུལ་ཨུས་རྒྱུན་ལས་གྲོས་ཚོགས་འཚོགས་ནས་ད་ལོའི་ལས་ཀ་ཞིབ་འཇུག་བཀོད་སྒྲིག་བྱས་ཏེ་མཆོང་བརྒལ་འཕེལ་རྒྱས་ལ་སྐུལ་འདེད་བཏང་བ་རེད།ཁུལ་ཨུའི་ཧྲུའུ་ཅི་ལིའུ་ཏའོ་ཕིང་གིས་གྲོས་ཚོགས་གཙོ་འགན་བཞེས་པས་མ་ཚད་གསུང་བཤད་གལ་ཆེ་གནང་བ་རེད།
གྲོས་ཚོགས་ཐོག་ཞིང་ཆེན་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་གི་སྐབས་དགུ་པའི་ཚང་འཛོམས་གྲོས་ཚོགས་ཐེངས་བདུན་པའི་སྙིང་དོན་གཙོ་བོ་བརྒྱུད་བསྒྲགས་བྱས་ནས་ལག་བསྟར་དོན་འཁྱོལ་བྱེད་སྟངས་ཀྱི་བསམ་འཆར་བཏོན་པ་རེད། ད་ལོར་ཕྱོགས་དྲུག་གི་ཐད་ནས་ཁུལ་ཡོངས་ཀྱི་ཏང་སྲོལ་སྲིད་གཙང་འཛུགས་སྐྲུན་དང་རུལ་སུངས་ལ་ངོ་རྒོལ་བྱ་རྒྱུའི་ལས་ཀར་འཛིན་དགོས་པ་སྟེ།གཅིག་ནི་ལྟ་སྐུལ་ཞིབ་བཤེར་ལ་ཤུགས་སྣོན་རྒྱག་དགོས།གཉིས་ནི་སྤྱོད་ཚུལ་འཛུགས་སྐྲུན་ལ་ཤུགས་སྣོན་དང་ལེགས་བཅོས་བྱེད་དགོས།གསུམ་ནི་མི་ཚང་མས་དོ་ཁུར་བྱེད་པའི་གནས་ཚུལ་གཙོ་གནད་དུ་འཛིན་དགོས། བཞི་ནི་ནན་ཏན་གྱིས་སྲིད་གཙང་ཚད་གཞི་དོན་འཁྱོལ་བྱེད་དགོས།ལྔ་ནི་རུལ་སུངས་ལ་ངོ་རྒོལ་དང་སྤྱོད་གཙང་དར་སྤེལ་གྱི་ལས་ཀ་སོ་སོ་ཕྱོགས་ཡོངས་ནས་སྐུལ་འདེད་གཏོང་དགོས།དྲུག་ནི་བདེན་འཚོལ་དངོས་སྒྲུབ་རྒྱུན་འཁྱོངས་བྱས་ནས་བཅོས་བསྒྱུར་གསར་སྐྲུན་གྱི་སྙིང་སྟོབས་ལ་བརྟེན་ནས་ལས་ཀ་སོ་སོ་དོན་འཁྱོལ་བྱེད་པར་སྐུལ་འདེད་གཏོང་དགོས་པ་བཅས་རེད།
གྲོས་ཚོགས་ཐོག་ཁུལ་ཡོངས་དང་སེར་ཤུལ་རྫོང་གི་དོན་དངོས་ལ་ཟུང་འབྲེལ་བྱས་ནས་ཁུལ་རིམ་པའི་ལས་ཁུངས་དང་ཁུལ་ནང་ཁུལ་གྱི་རྫོང་ཁག15（ལི་ཐང་དང་གསེར་ཐར་རྫོང་ཕུད་ཁ།）ཡི་ཆབ་སྲིད་བྱང་ཚད་ཡག་པོ།དཔལ་འབྱོར་ལས་ཀར་བྱང་ཆ་ཡོད་མཁན།རྣམ་གྲངས་འཛིན་མཁས་པ།དོ་དམ་བྱེད་རྒྱུའི་ཐད་འཇོན་ཐང་ལྡན་པའི་རྗེས་གྲབས་ལས་བྱེད་པ་ཚན་པ་གཅིག་སེར་ཤུལ་དུ་འདེམས་མངགས་བྱས་ཏེ་ལས་ཀ་སྤེལ་རོགས་བྱེད་བཅུག་པའི་དུས་མཚུངས་སུ།རིམ་པ་སོ་སོའི་རྗེས་གྲབས་ལས་བྱེད་པ་ཚོར་དཀའ་ཚེགས་ཆེ་བའི་ས་གནས་སུ་སྦྱོར་བརྡ་བྱེད་བཅུག་རྒྱུ་ཡིན་པ་རེད།སློབ་གསོ་དང་འཕྲོད་བསྟེན།ཕྱུགས་འབྲོག   ཞིང་ལས་ལག་རྩལ་སོགས་ཐད་ནས་འདེམས་མངགས་བྱེད་པའི་ཆེད་ལས་ཤེས་ལྡན་མི་སྣ་ཚོས་སེར་ཤུལ་རྫོང་ལ་རོགས་སྐྱོར་བྱ་རྒྱུའི་ལས་འགན་གཙོ་བོ་ནི་སློབ་གསོ་དང་སྨན་བཅོས་འཕྲོད་བསྟེན།ཞིང་འབྲོག་ལས་རིགས་ལ་རོགས་སྐྱོར་གྱི་ལས་ཀ་སྒྲུབ་དགོས་པས་མ་ཚད།བརྒྱུད་སྤེལ་དང་རོགས་རམ།སྣེ་ཁྲིད་བཅས་བྱས་ནས་རོགས་སྐྱོར་ཐོབ་མཁན་ལས་ཁུངས་ཆེད་ལས་ལག་རྩལ་གྱི་ཆུ་ཚད་མཐོར་འདེགས་དང་།དོ་དམ་ཚད་ལྡན་དང་ཕན་འབྲས་མཐོ་རུ་གཏོང་རོགས་བྱེད་དགོས་པ་རེད། 2011ལོ་ནས2020ལོའི་བར་ཚན་པ5བགོས་ནས་ཕུལ་དུ་བྱུང་བའི་ལས་བྱེད་པ1000སེར་ཤུལ་རྫོང་ལ་རོགས་སྐྱོར་བྱེད་དུ་མངགས་ནས་སེར་ཤུལ་རྫོང་འཛུགས་སྐྲུན་བྱེད་རོགས་དང་ལས་བྱེད་པར་སྦྱོང་བརྡར་ཐེབས་པའི་རྣམ་པ་མངོན་འགྱུར་བྱ་རྒྱུ་ཡིན་པ་རེད།
གྲོས་ཚོགས་ཐོག་ད་དུང་རྒྱལ་ཡོངས་ཀྱི་དྲིལ་བསྒྲགས་པུའུ་ཀྲང་གྲོས་ཚོགས་དང་རྒྱལ་ཡོངས་ཀྱི་ཕྱི་ཕྱོགས་སུ་དྲིལ་བསྒྲགས་ལས་ཀའི་གྲོས་ཚོགས་ཀྱི་སྙིང་དོན།ཞིང་ཆེན་ཡོངས་ཀྱི་དྲིལ་བསྒྲགས་པུའུ་ཀྲང་གྲོས་ཚོགས་ཀྱི་སྙིང་དོན་བརྒྱུད་བསྒྲགས་བྱས་ནས་ལག་ལེན་བྱེད་སྟངས་ཀྱི་བསམ་འཆར་ལ་ཞིབ་འཇུག་བྱས་པ་རེད། གྲོས་ཚོགས་ཐོག་བཏོན་རྒྱུར།ད་ལོའི་དྲིལ་བསྒྲགས་ལས་ཀའི་ལས་འགན་གཙོ་བོ་ནི་ཏན་ཏིག་གིས་སློབ་སྦྱོང་རང་བཞིན་གྱི་ཏང་འཛུགས་སྐྲུན་བྱེད་པ་དང་།མུ་མཐུད་ནས་ཏང་ཨུའི་ལྟེ་བའི་སློབ་སྦྱོང་ཚོ་ཆུང་གི་སློབ་སྦྱོང་དམ་འཛིན་བྱས་ཡོངས་ཁྱབ་ཏུ་འགོ་ཁྲིད་ལས་བྱེད་པས་སྣེ་ཁྲིད་ནས་སློབ་སྦྱོང་དང་།སློབ་སྦྱོང་བྱེད་རོགས།སློབ་སློབ་སྦྱོང་ལ་སྐུལ་སྤེལ་བྱ་རྒྱུའི་བྱེད་སྒོ་སྤེལ་དགོས།ཀྲུང་གོ་གུང་ཁྲན་ཏང་དབུ་བཪྙེས་ནས་ལོ90འཁོར་བའི་གོ་སྐབས་དང་བསྟུན་ནས་སེམས་ཤུགས་བསྒྲིམས་ཏེ་དཀར་མཛེས་ཁུལ་གྱི་མི་རིགས་སོ་སོའི་སེམས་པ་ཏང་ལ་ཕྱོགས་པའི་གསར་བརྗེའི་གླུ་དབྱངས་འགྲན་བསྡུར་གྱི་བྱེད་སྒོ་སྤེལ་སོགས་ཀྱི་ཐད་ལ་དྲིལ་བསྒྲགས་བྱེད་ཤུགས་ཆེ་རུ་གཏོང་དགོས།