ད་ལོའི་དཔྱིད་གསར་དུས་ཆེན་གྱི་ཚེས2ཉིན་གྱི་གནམ་གཤིས་ནི་ཧ་ཅང་དྭངས་ཤིང་ཉི་འོད་ཀྱང་ཤིན་ཏུ་དྲོ།འབའ་ཐང་སྤྲོ་སྐྱིད་ཐང་ཆེན་དུ་སྔ་མོ་ཉིད་ནས་མི་ཚོགས་ཀྱིས་རབ་ཏུ་ཁེངས།ལོ་ཪྙིང་པའི་བཀྲ་མི་ཤིས་པ་ཐམས་ཅད་ཕར་བསྐྱལ་ཞིང་ལོ་གསར་པའི་དགེ་ལེགས་ཀྱི་དཔལ་ཐམས་ཅད་ཚུར་བསུ་བ་དང་མི་དམངས་ཚང་མ་དགའ་སྐྱིད་འཛོམས་པའི་ལོ་གསར་པ་ཞིག་གཏོང་ཐུབ་པ་མ་ཚད་ཏང་གི་བཀའ་དྲིན་རྗེས་སུ་དྲན་པའི་ཆེད་དུ་འབའ་ཐང་རྫོང་གིས་ལོ་གསར་དགའ་སྟོན་ལ་ཆེད་དུ་སྤེལ་བའི་བྱ་ཁྱུང་གྲོང་རྡལ་གྱི་ཞིང་འབྲོག་མང་ཚོགས་གཙོ་བོ་བྱས་པའི་རྒྱལ་གཅེས་གླུ་དབྱངས་ཀྱི་འགྲན་བསྡུར་བྱེད་སྒོ་དེ་ཤོག་སྦག་ཕྲེང་ཐག་གཅིག་གི་འབར་སྒྲ་གྲག་པ་དང་སྦྲེལ་ནས་འགོ་ཚུགས་པ་རེད།

     ཤོག་ཁ་སོ་སོ་ནས་ཡོང་བའི་འགྲན་བསྡུར་ལ་ཞུགས་པའི་གླུ་པ་གླུ་མ་ཁྱོན་བསྡོམས་15ཡིས་ལུས་ལ་ཡིད་དབང་འཕྲོག་པའི་གཟབ་མཆོར་གྱིས་བརྒྱན་ཞིང་བཞིན་རས་སུ་དུས་སྟོན་གྱི་དགའ་འཛུམ་ཐུན་མོང་མ་ཡིན་པ་ངོམས་ཏེ་ཁ་ཤས་ཀྱིས་རི་གླུ་ལེན་པ་དང་།འགའ་ཞིག་གིས་རྣམ་ཐར་གཏོང་བ།ལ་ལས་ལ་གཞས་བླངས་པ་སོགས་ཀྱིས་སྒོ་ནས་སྙིང་ཁོང་རུས་པའི་གཏིང་ནས་ཏང་གི་ཐུགས་ཁུར་དང་།ཕ་ཡུལ་གྱི་འགྱུར་ལྡོགའཚོ་བ་གསར་པ་བཅས་ལ་བསྟོད་གླུ་ཕུལ་བ་རེད།མངར་སྦྲང་ཆར་སིལ་མ་བབས་པ་ན།།བཟང་འབྲུ་དྲུག་ལོ་ཏོག་སྨིན་ནས་ཡོང་།།གནམ་བཀའ་དྲིན་ཆེ་བ་དེ་ནས་བྱུང་།།ཡང་དག་པའི་སྲིད་ཇུས་སྤེལ་བ་ན།།དམངས་འཚོ་བ་བདེ་སྐྱིད་ས་ལ་བཀོད།།ཏང་བཀའ་དྲིན་ཆེ་བ་དེ་ནས་བྱུང་།།ཨ་ཁུ་ཤེས་རབ་ཀྱིས་ཟློས་གར་འཁྲབ་ཚེ་རྣམ་ཐར་གཏོང་བའི་གདངས་ཀྱི་རྟ་ལ་བསྐྱོན་པའི་གླུ་དབྱངས་འདིའི་མཇུག་རྫོགས་པ་དང་ཐལ་མོ་རྡེག་པའི་སྐད་སྒྲ་བར་སྣང་ཁམས་སུ་ཁྱབ་ཅིང་དེ་མཚུངས་གླུ་དབྱངས་འགྲན་བསྡུར་གྱི་བྱ་དགའ་ཨང་དང་པོ་ཡང་ཨ་ཁུ་ཤེས་རབ་ཀྱིས་བླངས་སོང་།སྙན་འཇེབས་ཀྱི་གླུ་དབྱངས་ལས་ང་ཚོས་ཡ་རབས་འཆམ་མཐུན་གྱི་སྤྱི་ཚོགས་གསར་པའི་ནང་དུ་འཚོ་བ་རོལ་བའི་བདེ་སྐྱིད་ཚོར་ཐུབ་ཅིང་དགའ་བསུ་ཞུ་བའི་ཐལ་སྒྲ་དང་ཀུ་ཅོ་བྱེད་པའི་སྒྲ་དབྱངས་ལས་ང་ཚོས་དམངས་འཚོ་ལེགས་བཅོས་བྱས་པའི་གྲུབ་འབྲས་རླབས་པོ་ཆེ་ཡང་ཚོར་ཐུབ་བོ།།