ཉེ་ཆར།དཔལ་ཡུལ་རྫོང་གིས་གྲོང་ཁུལ་གྱི་ཨང་དང་པོའི་ཆ་ཚང་སློབ་ཆུང་བཙུགས་ནས་ལོ་ངོ་100འཁོར་བར་བསུ་མ་བྱེད་ཆེད་གཟབ་རྒྱས་ངང་དགའ་སྟོན་རྟེན་འབྲེལ་གྱི་གྲོས་ཚོགས་འཚོགས་པ་རེད།རྫོང་དེའི་ཚོགས་པ་ཆེན་པོ་བཞིའི་འགོ་ཁྲིད་གཙོ་བོ་བཞི་དང་། ལས་ཁུངས་དང་སྡེ་ཚན་སོ་སོའི་འབྲེལ་ཡོད་འགན་ཁུར་མི་སྣ། ད་དུང་སློབ་གྲྭ་དེ་ནས་སློབ་མཐའ་ཕྱིན་པའི་སློབ་གྲྭའི་གྲོགས་མཆེད་དང་བཅས་དགེ་སློབ་ཚོ་དང་མཉམ་དུ་གྲོས་ཚོགས་ནང་ཞུགས་པ་རེད།
      དམིགས་བསལ་ཅན་གྱི་དུས་ཚིགས་དེར་ཚང་མས་དགའ་འཛོམས་སྐྱིད་འཛོམས་བྱས་ནས་སྙན་པའི་གླུ་དབྱངས་དང་མཛེས་པའི་ཞབས་བྲོ་འཁྲབ་ནས་སློབ་གྲྭའི་ར་བ་ཡོངས་སུ་བདེ་སྐྱིད་ཀྱི་རྣམ་པ་རབ་ཏུ་ཁེངས་འདུག རྫོང་དེའི་སློབ་གསོའི་ལས་ཀ་དར་སྤེལ་གཏོང་བའི་ཐད་ལོ་རྒྱུས་ཀྱི་ཟིན་ཐོ་གསར་པ་རྩོམ་པ་རེད།
ཚང་མས་ཡིད་ཆེས་བྱེད་པ་ནི། རྫོང་ཨུ་དང་རྫོང་སྲིད་གཞུང་གིས་འགོ་ཁྲིད་ཀྱིས་རྒྱབ་སྐྱོར་དང་། སློབ་གྲྭའི་དབུ་ཁྲིད་དང་དགེ་རྒན་རྣམས་ཀྱིས་འབད་བརྩོན།རྫོང་ཡོངས་ཀྱི་མི་དམངས་མང་ཚོགས་ཀྱི་ཐུགས་ཁུར་ཟབ་བཞེས་སོགས་ཀྱི་འོག དཔལ་ཡུལ་རྫོང་གི་གྲོང་ཁུལ་གྱི་ཨང་དང་པོའི་ཆ་ཚང་སློབ་ཆུང་གི་འཕེལ་རྒྱས་སྔར་བས་ཇེ་མགྱོགས་ཡོང་བ་དང་།དཔལ་ཡུལ་གྱི་སློབ་གསོའི་སྤུས་ཀ་སྔར་ལས་གོམ་གང་མདུན་དུ་སྤོ་ཐུབ་རེ་ཡོད་པ་རེད།