ཟླ12པའི་ཚེས14ཉིན་གྱི་ཕྱི་དྲོར། ཁུལ་དཔོན་ལི་ཁྲང་ཕིང་། ཁུལ་ཨུའི་ཧྲུའུ་ཅི་གཞོན་པ་ཝང་དབྱང་ཀོང་། ཞིང་ཆེན་སློབ་གསོ་ཐིང་གི་ཐིང་ཀྲང་གཞོན་པ་ཧོ་ཧྲའོ་ཡུང་། ཁུལ་སྲིད་གཞུང་གི་ཁུལ་དཔོན་གཞོན་པ་ཀྲང་ཕིང་སེན་སོགས་ཀྱིས་ཁུལ་འཕེལ་རྒྱས་བཅོས་བསྒྱུར་ཨུ་ལྷན་དང་ཁུལ་སློབ་གསོ་ཅུས་ཀྱི་འགོ་ཁྲིད་རྣམས་ཁྲིད་དེ་སློབ་གསོ་པུའུ་རུ་ལས་དོན་སྙན་ཞུ་འབུལ་སར་ཕེབས།
སྙན་ཞུའི་ཚོགས་འདུའི་ཐོག   ལི་ཁྲང་ཕིང་གིས་རང་ཁུལ་གྱི་སྤྱི་ཚོགས་དཔལ་འབྱོར་འཕེལ་རྒྱས་ཀྱི་གནས་ཚུལ། མཆོང་བརྒལ་འཕེལ་རྒྱས་དང་ཡུན་རིང་བདེ་འགོད་ཀྱི་དམིགས་ཡུལ། དཀར་མཛེས་ཁུལ་གྱི་མི་རིགས་སློབ་གསོའི་མཆོང་བརྒལ་འཕེལ་རྒྱས་ཀྱི་ལས་དོན་གྱི་བསམ་བློ་དང་ལས་དོན་གལ་ཆེ་ས། རེ་ཞུ་ལག་བསྟར་གྱི་གལ་ཆེ་བའི་རྣམ་གྲངས་དང་གལ་ཆེ་བའི་སྲིད་ཇུས་བཅས་རེ་རེ་ནས་སྙན་ཞུ་ཕུལ་བ་རེད། 
སྙན་ཞུ་ལ་གསན་རྗེས། སློབ་གསོ་པུའུའི་མི་རིགས་སིའི་སི་ཀྲང་ཨ་པུའུ་ཏུའུ་ཡིས། དཀར་མཛེས་ཁུལ་གྱི་སློབ་གསོ་ལོ་བཅུའི་འཆར་གཞི་ལ་བརྟེན་ནས་མི་རིགས་སློབ་གསོ་འཕེལ་རྒྱས་ཕྱིན་ཡོད་ལ། མི་རིགས་ས་ཁུལ་དར་རྒྱས་གོང་འཕེལ་བཏང་བར་བྱས་རྗེས་ཆེན་པོ་བཞག་འདུག  དཀར་མཛེས་བོད་ཁུལ་དེ་ས་ཐག་རིང་ཞིང་གྲང་ངར་ཆེ་བས་དེར་འདི་འདྲ་ལས་དོན་གྲུབ་པ་ནི་དངོས་གནས་བྱས་རྗེས་ཆེན་པོ་རེད། ང་ཚོའི་ས་གནས་དེ་དག་གི་སློབ་གསོ་འཕེལ་རྒྱས་ལས་དོན་ལ་མི་མི་འདང་བ་དང་སྒོར་མོ་མི་འདང་བ། དབྱང་དབུགས་མི་འདང་ལ་སྒོར་མོ་ཡང་མི་འདང་བའི་གནས་ཚུལ་མཆིས་པས་ང་ཚོས་ཀྲུང་དབྱང་གི་ཐེངས་ལྔ་པའི་བོད་ལྗོངས་བཞུགས་མོལ་ཚོགས་འདུའི་སྙིང་སྟོབས་ཀྱིས་རོགས་རམ་བྱེད་དགོས། མི་རིགས་སློབ་གསོ་དེ་རྒྱལ་ཡོངས་སློབ་གསོའི་དམིགས་སུ་བཀར་ནས་སྤེལ་བའི་གོ་གནས་སུ་འཇོག་དགོས་པ་དང་བོད་ཁུལ་གྱི་སློབ་གསོ་དེ་མཐུན་སྒྲིལ་དང་འདྲ་མཉམ། ཕན་ཚུན་རོགས་རམ། འཆམ་མཐུན་བཅས་ཀྱི་མི་རིགས་སྲིད་ཇུས་དོན་འཁྱོལ་བྱེད་དགོས་ལ། རྒྱལ་གཅེས་རིང་ལུགས་ཀྱི་སློབ་གསོ་གཏོང་དགོས། བཏོན་པའི་གནད་དོན་འདི་དག་ང་ཚོས་ཐག་གཅོད་ཐུབ་པ་རྣམས་ནུས་ཤུགས་ཡོད་དགུ་བཏོན་ནས་ཐག་གཅོད་བྱ་རྒྱུ་ཡིན་གསུངས།