ཟླ་བ11པའི་ཚེས12ཉིན་ཁུལ་ཚོང་དོན་ཅུས་ནས་ཤེས་རྟོགས་བྱུང་བར།ཁུལ་སྟོན་དུས་ཆེན་གྱི་སྐབས་སུ་གཉེར་བའི་ཁྱད་ཆོས་ལྡན་པའི་ཐོན་རྫས་འགྲེམས་སྟོན་གྱི་བྱེད་སྒོ་སྤེལ་སྐབས།རང་ཁུལ་གྱི་ཚོང་དོན་ཅུས་ཀྱིས་ཁྱོན་བསྡོམས་ཁུལ་ཡོངས་ཀྱི་ཕྱིར་ཚོང་ཁེ་ལས66འགྲེམས་སྟོན་ནང་ཞུགས།ཁྱོན་བསྡོམས་ཕྱིར་ཚོང་གི་ཡོང་འབབ་སྒོར་ཁྲི960ལོན་པ་རེད།
     ཤེས་རྟོགས་བྱུང་བར་གཞིགས་ན།ཐེངས་འདིའི་ཁྱད་ཆོས་ལྡན་པའི་ཐོན་རྫས་འགྲེམས་སྟོན་བྱེད་སྒོའི་ནང་ཞིང་འབྲོག་གི་ཐོན་རྫས་དང་།ལྗོངས་རྒྱུ་སྤྲོ་གསེང་།བཟའ་ཆས།འཐུང་བཅའ།རྒྱ་བོད་སྨན་རྫས་ལས་སྒོ།ཁྱིམ་སྤྱོད།མི་རིགས་ལག་ཤེས་བཟོ་ལས།དམངས་ཁྲོད་བཟོ་རྩལ་ཐོན་རྫས་སོགས་རིགས10ལྷག་ཙམ་དང་ཐོན་རྫས500ལྷག་ཙམ་ལ་ཉེ་བ་འདུས་ཡོད་པ་རེད།བྱེད་སྒོ་ཧྲིལ་པོའི་འགྲེམས་སྟོན་ནང་ཞུགས་མཁན་ཁེ་ལས་ཀྱི་ཕྱིར་ཚོང་ཡོང་འབབ་སྒོར་ཁྲི960མངོན་འགྱུར་བྱུང་བ་རེད།།དེའི་ནང་ཚོང་འགྲིག་པའི་ལག་དངུལ་སྒོར་ཁྲི720ལོན་པ།མཐུན་སྦྱོར་ཕྱིར་ཚོང་བྱས་པའི་དངུལ་གྲངས་བསྡོམས་འབོར་སྒོར་ཁྲི240ཐོག་སླེབས་པ་རེད།ཕྱིར་ཚོང་བྱས་པའི་ལག་དངུལ་སྒོར་ཁྲི267ལོན་ལ།སྒོར་ཁྲི140མངག་ཉོ་བྱས་ཡོད་པ་རེད།།