ཉེ་ཆར།བྲག་འགོ་རྫོང་སྲིད་ཁྲིམས་ཨུ་ལྷན་གྱིས་དབུལ་ཕོང་དང་དཀའ་ངལ་ཡོད་མཁན་ལ་རོགས་སྐྱོར་བྱ་རྒྱུ་དམ་འཛིན་དང་དམངས་ཀྱི་འཚོ་བའི་ལས་གྲྭ་དེ་གཞི་འཛིན་ས་བྱས་པ་དང་།འགོ་ཁྲིད་ཀྱིས་འགན་ཁུར་བ་དང་།སྡེ་ཁག་གིས་འགན་གཙང་ལེན།ལས་བྱེད་པས་རོགས་སྐྱོང་ཞེས་པའི་བཅས་ཀྱི་བྱེད་སྒོ་དང་ཟུང་འབྲེལ་བྱས་ནས་འབྲེལ་འདྲིས་བྱེད་སའི་དམངས་ཀྱི་ཁྲལ་དང་དཀའ་ངལ་སེལ་རོགས་བྱས།
     ལོ་མང་རིང་།རྫོང་དེའི་མདའ་མངོགས་ཤང་མཁར་ཆ་གྲོང་ཚོ་དང་ཁང་སྨད་སྒང་གྲོང་ཚོའི་ཡུལ་མི་ཚོ་ས་གཤིས་ཆ་རྐྱེན་གྱིས་བཀག་སྡོམ་བྱས་སྟབས་ཉེན་མེད་གཙང་ཆུ་སྤྱོད་རྒྱུ་དཀའ་བས།མང་ཚོགས་ཀྱི་ཐོན་སྐྱེད་དང་འཚོ་བའི་ཐད་སྟབས་མི་བདེ་ས་མང་པོ་ཡོད།གནས་ཚུལ་དེ་ཤེས་རྗེས་སྲིད་ཁྲིམས་ཨུ་ལྷན་དེས་འབྲེལ་ཡོད་སྡེ་ཁག་དང་འབྲེལ་བ་བྱེད་གང་ཐུབ་བྱས་ནས་མ་དངུལ་སྒོར་ཁྲི་50དོན་འཁྱོལ་བྱས་ནས་ཉེན་མེད་འཐུང་ཆུའི་ཨར་ལས་འཛུགས་སྐྲུན་བྱེད་རོགས་ཏེ་མི་གྲངས་312དང་ནོར་ཕྱུགས་220ཡི་ཆུ་སྤྱོད་དཀའ་བའི་གནད་དོན་ཐག་གཅོད་བྱས་པ་རེད།