ཉེ་ཆར།  དར་མདོ་རྫོང་གིས་ཧུར་ཐག་གིས་བྱེད་ཐབས་བཞི་བླངས་ཏེ་ཤུགས་ཆེན་པོས་སྒོ་ཕྱུགས་ཀྱི་དགུན་ཁའི་ཕྱུགས་རྩྭ་གྲབས་གཤོམ་དང་རིམས་ནད་སྔོན་འགོག་བྱ་རྒྱུ་སོགས་ཀྱི་ལས་ཀ་ཡག་པོ་བསྒྲུབས་པ། 
བྱེད་ཐབས་བཞི་བླངས་པ་སྟེ།  གཅིག་ནི་སྒོ་ཕྱུགས་ཉེན་མེད་ངང་དགུན་རྒལ་བྱེད་མཁན་འགོ་ཁྲིད་ཚོ་ཆུང་དང་གངས་སྐྱོན་སོགས་གནོད་སྐྱོན་གློ་བུར་དུ་བྱུང་བར་ཐག་གཅོད་བྱེད་མཁན་རུ་ཁག་བཙུགས་པ།  ཕྱུགས་རྩྭ་སྐྱེལ་འདྲེན་བྱ་རྒྱུ་སྒྲིག་འཛུགས་དང་།  བསྡོམས་རྩིས་སོགས་ཀྱི་ལས་ཀ་བསྒྲུབ་ཏེ་སྒོ་ཀུན་ནས་བྱེད་ཐབས་ཁག་དོན་འཁྱོལ་བྱས་ནས་སྒོ་ཕྱུགས་ཉེན་མེད་ངང་དགུན་རྒལ་བྱེད་དུ་བཅུག་རྒྱུ།  གཉིས་ནི་ཞིང་འབྲོག་མི་དམངས་ཀྱིས་ཕྱུགས་རྩྭ་གྲབས་གཤོམ་བྱེད་པར་སྐུལ་ཁྲིད་དང་སྐུལ་མ་གཏོང་བ་དང་།  ཤུགས་ཆེན་པོས་རྩྭ་འདེབས་རྒྱུའི་ལག་རྩལ་དང་།  ཕྱུགས་རྩྭ་གྲབས་གསོག   གཟན་རྩྭ་ལས་སྣོན་བྱ་རྒྱུ་ལེགས་སྒྲིག་སོགས་ཀྱི་ལག་རྩལ་ཁྱབ་སྤེལ་བཏང་ནས་ཕྱུགས་རྩྭའི་སྤུས་ཚད་མཐོ་རུ་གཏོང་བ།  གསུམ་ནི་ཕྱུགས་འབྲོག་དང་རྩྭ་ཐང་སྡེ་ཁག་གིས་ལག་རྩལ་མི་སྣ་སྒྲིག་འཛུགས་བྱས་ཏེ་གྲོང་ཚོར་འབྲེལ་ཡོད་ལག་རྩལ་སློབ་མི་མངགས་པ།   བཞི་ནི་ཤུགས་ཆེན་པོས་སྒོ་ཕྱུགས་རྣམས་གནམ་བཤིག་དྲོད་བའི་དུས་སུ་ཕྱིར་འཚོ་རྫི་བྱེད་པ་དང་།   གྲང་ངར་ཆེ་དུས་ལྷས་རའི་ནང་སྡོམ་གསོ་བྱེད་སྟངས་ཁྱབ་སྤེལ་བཏང་ནས་ཕྱུགས་ཕྲུག་གསོས་ཚད་མཐོ་རུ་གཏོང་གང་ཐུབ་བཅས་བྱ་རྒྱུ་བྱས་པ་རེད།།