ཟླ་བ11པའི་ཚེས3ཉིན།ཁུལ་ཨུའི་ཧྲུའུ་ཅི་ལིའུ་ཏའོ་ཕིང་སི་ཁྲོན་ཞིང་ཆེན་བོད་ཡིག་སློབ་གྲྭ་དང་སི་ཁྲོན་མི་རིགས་སློབ་གྲྭ་ཆེན་མོ།དར་མདོ་བོད་ཡིག་སློབ་འབྲིང་དུ་ཕེབས་ནས་སྐད་གཉིས་སློབ་གསོ་བྱས་ཚུལ་བརྟག་དཔྱད་ཞིབ་འཇུག་གནང་བ་དང་།མིག་སྔར་ཁུལ་ཡོངས་སུ་མཆོང་བརྒལ་འཕེལ་རྒྱས་དང་ཡུན་རིང་བདེ་འགོད་ཡོང་བའི་གལ་འགངས་ཆེ་བའི་འགག་རྩར་ཐུག་ཡོད་ལ།རེས་ཐེངས་གསར་པའི་ནུབ་རྒྱུད་གསར་སྦོལ་ཆེན་པོ་ལག་བསྟར་མགྱོ གས་པོའི་འགག་རྩའི་དུས་སྐབས་ཀྱང་ཡིན་སྟབས།རིམ་གྲས་མང་བ་དང་མཉམ་འདུས་ཅན་གྱི་སྐད་གཉིས་ཤེས་མཁན་ཤེས་ལྡན་མི་སྣ་འཕྲལ་མཁོ་ཆེ་བ་བས།དེར་བརྟེན་ངེས་པར་དུ་རྒྱུན་མཐུད་ངང་སྐད་གཉིས་སློབ་གསོ་བྱ་རྒྱུར་སྲ་བརྟན་དང་འཕེལ་རྒྱས་གཏོང་དགོས་པ་དང་།རྒྱུན་ཆད་མེད་པར་གྲངས་ཉུང་མི་རིགས་ཀྱི་རིག་གནས་ལས་ཀ་དར་རྒྱས་ཕུན་ཚོགས་པ་དང་འཕེལ་རྒྱས་གཏོང་རྒྱུའི་བྱེད་ཐབས་ལ་འཚོལ་ཞིབ་བྱས་ནས་དཀར་མཛེས་ཁུལ་མཆོང་བརྒལ་འཕེལ་རྒྱས་ཡོང་བ་དང་ཡུན་རིང་བདེ་འགོད་ཡོང་བར་སྐུལ་འདེད་གཏོང་ཆེད་ཚད་མཐུན་གྱི་ཤེས་ལྡན་མི་སྣ་གསོ་སྐྱོང་བྱེད་དགོས་ཞེས་ནན་གསུང་གནང་བ།
ལིའུ་ཏའོ་ཕིང་གིས་།རིམ་ཁག་་སྡེ་ཁག་ལ་གླེང་ཕྱོགས་དྲིལ་བསྒྲགས་ལས་ཀ་བྱ་རྒྱུར་ཤུགས་སྣོན་བརྒྱབ་ནས་སྤྱི་ཚོགས་ཡོངས་ལ་སྐད་ཡིག་གཉིས་ཀྱི་སློབ་གསོའི་མ་དཔེ་ལ་འགྱུར་ལྡོག་མི་བྱེད་ལ་དེ་བས་ཤུགས་སྣོན་རྒྱག་རྒྱུ་ཡིན་པའི་གསལ་བཤད་བྱེད་དགོས།རྒྱ་ཁྱབ་གཏིང་ཟབ་ཀྱིས་《རྩ་ཁྲིམས་》དང་《མི་རིགས་ས་ཁོངས་རང་སྐྱོང་གི་ཁྲིམས་སྲོལ་》《འོས་འགན་སློབ་གསོའི་ཁྲིམས་སྲོལ་》བཅས་དྲིལ་བསྒྲགས་བྱེད་དགོས།ཐོག་མཐའ་བར་གསུམ་དུ་བློ་བརྟན་འགྱུར་མེད་ཀྱིས་ཀྲུང་དབྱང་དང་རིམ་ཁག་ཏང་ཨུ་དང་།སྲིད་གཞུང་གིས་གྲངས་ཉུང་མི་རིགས་ཀྱི་སྐད་ཡིག་སྲུང་སྐྱོང་དང་བེད་སྤྱོད་བྱེད་པ་དང་།གྲངས་ཉུང་མི་རིགས་ཀྱི་རིག་གནས་སྲུང་སྐྱོང་དང་འཕེལ་རྒྱས་རྒྱུའི་ཡག་དག་པའི་སྲིད་ཇུས་ཀྱི་རང་བཞིན་དང་།དུས་ཡུན་རིང་པོའི་རང་བཞིན་ལ་ཡིད་ཆེས་བརྟན་པོ་བྱེད་དགོས་པའི་བླང་བྱ་བཏོན་པ་རེད།།